Chapter 133

nārada uvāca |
tato'dhivāsanaṃ kuryādvidhidṛṣṭena karmaṇā |
aiśānyāṃ diśi vai kuryādadhivāsanamaṇḍapam || 1 ||
[Analyze grammar]

catustoraṇasampannaṃ sarvābharaṇasaṃyutam |
diśāsu vidiśāsveva patākābhistu bhūṣitam || 2 ||
[Analyze grammar]

āgneyyāṃ diśi raktāḥ syuḥ kṛṣṇāḥ syuryāmyanairṛte |
śvetā diśyaparasyāṃ tu vāyavyāmeva pāṇḍurā || 3 ||
[Analyze grammar]

citrā cottara pārnye tu pītā pūrvottare tathā |
śriyamāyurjayaṃ caiva balaṃ yaśo yadūttama || 4 ||
[Analyze grammar]

dadāti sā vīra kṛtā sampadardhe na saṃśayaḥ |
hitāya sarvalokānāṃ mṛṇmayī pratimā bhavet || 5 ||
[Analyze grammar]

subhikṣakṣemadā nityaṃ sarvā maṇimayīkṛtā |
gāṅgeyā1 puṣṭidā raupyā syādvai kīrtipravartinī || 6 ||
[Analyze grammar]

prajāvṛddhiṃ tāmramayīṃ kuryānnityamasaṃśayaḥ |
bhūmerlābhaṃ tu vipulaṃ kuryādaśmamayī sadā || 7 ||
[Analyze grammar]

pradhānapuruṣaṃ hanti trapulohamayī sadā |
sarvadevamayasyaivamarcā kuryātprayatnataḥ || 8 ||
[Analyze grammar]

sāmba uvāca |
sarvadevamayatvaṃ hi brūhi me bhāskarasya tu |
sarvadevamayo hyeṣa kathaṃ nārada kathyate || 9 ||
[Analyze grammar]

nārada uvāca |
sādhu sāmba mahābāho śṛṇu me paramaṃ vacaḥ |
budhasomau smṛtau netre lalāṭe ceśvaraḥ sthitaḥ || 10 ||
[Analyze grammar]

surajyeṣṭhaḥ śirastasya kapāle'sya bṛhaspatiḥ |
ekādaśe tathā rudrāḥ kaṇṭhamasya2 samāśritāḥ || 11 ||
[Analyze grammar]

nakṣatrāṇi grahāścaiva daśaneṣu samāśritāḥ |
dharmādharmau ca devasya oṣṭhasampuṭake sthitau || 12 ||
[Analyze grammar]

sarvaśāstramayī devī jihvāyāṃ ca sarasvatī |
diśaśca vidiśaścaiva sarvāḥ śrotreṣu saṃsthitāḥ || 13 ||
[Analyze grammar]

brahmendrau tāludeśe tu sthitau devaiśca pūjitau |
ādityā dvādaśa vibhobhrurvormadhye samāśritāḥ || 14 ||
[Analyze grammar]

ṛṣayo romakūpeṣu samudrā jaṭhare sthitāḥ |
yakṣakinnaragandharvāḥ piśācā dānavāstathā || 15 ||
[Analyze grammar]

rākṣasāśca gaṇāḥ sarve hṛdaye syuḥ sthitāḥ raveḥ |
nadyo bāhugatāścaiva nagāḥ kakṣāntare sthitāḥ || 16 ||
[Analyze grammar]

pṛṣṭhamadhye sthito meruḥ stanayorantare kujaḥ |
tasya putro dharmarājaḥ sthito vai nābhimaṇḍale || 17 ||
[Analyze grammar]

kaṭideśe pṛthivyādyā liṅge sṛṣṭiḥ samāśritā |
jānunī cāśvinīdevāvūrū tasyācalā smṛtāḥ || 18 ||
[Analyze grammar]

sapta pātālalokāstu nakhamadhye samāśritāḥ |
sasāgaravanā pṛthvī pādamadhye'sya vartate || 19 ||
[Analyze grammar]

devaḥ kālāgnirudro yo dantānteṣu samāśritaḥ |
sarvadevamayo bhānuḥ sarvadevātmakastathā || 20 ||
[Analyze grammar]

vyaṃgeṣu vāyavaścaiva lokālokaṃ carācaram |
vyāptaṃ karmaśarīreṇa vāyunā tasya vai vibhoḥ || 21 ||
[Analyze grammar]

sa eṣa bhagavānarko bhūtānugrahaṇe sthitaḥ |
etatte paramaṃ jñānametatte paramaṃ padam || 22 ||
[Analyze grammar]

tasya sthānavibhāgena pratimāsthāpanaṃ yathā |
tatte sarvaṃ pravakṣyāmi yathoktaṃ brahmaṇā purā || 23 ||
[Analyze grammar]