Chapter 79

sumanturuvāca |
etacchrutvā tu kārtsnyena hṛṣṭo jāmbavatīsutaḥ |
jātakautūhalo bhūyaḥ paripapraccha nāradam1 || 1 ||
[Analyze grammar]

sāmba uvāca |
aho sūryasya māhātmyaṃ varṇitaṃ harṣavardhanam |
yena me bhaktirutpannā parā hyasminvibhāvasau || 2 ||
[Analyze grammar]

tato rājñīṃ mahābhāgāṃ nikṣubhāṃ ca mahāmune |
diṇḍinaṃ piṅgalādīṃśca sarvānkathaya me mune || 3 ||
[Analyze grammar]

nārada uvāca |
prāgukte'rkasya dve bhārye rājñī nikṣubhasaṃjñite |
tayorhi rājñī dyaurjñeyā nikṣubhā pṛthivī smṛtā || 4 ||
[Analyze grammar]

saumyamāsasya2 saptamyāṃ dyāvārkaḥ saha yujyate |
māghakṛṣṇasya saptamyāṃ mahyā saha bhavedraviḥ |
bhūrādityaśca bhagavāngacchataḥ saṅgamaṃ tathā || 5 ||
[Analyze grammar]

ṛtusnātā mahī tatra garbhaṃ gṛhṇāti bhāskarāt |
dyaurjalaṃ sūyate garbhaṃ varṣāsviha ca bhūtale || 6 ||
[Analyze grammar]

tatastrailokyabhūtyarthaṃ3 mahī sasyāni sūyate |
sasyopayogasaṃhṛṣṭā juhvatyāhutayo dvijāḥ || 7 ||
[Analyze grammar]

svāhākārasvadhākārairyajanti pitṛdevatāḥ || 8 ||
[Analyze grammar]

nikṣubhā sūyate yasmādannauṣadhisudhāmṛtaiḥ |
martyānpitṝṃśca devāṃśca tena bhūrnikṣubhā smṛtā || 9 ||
[Analyze grammar]

yathā rājñī dvidhā bhūtā yasya ceyaṃ sutā matā |
apatyāni ca yānyasyāstāni vakṣyāmyaśeṣataḥ || 10 ||
[Analyze grammar]

marīcirbrahmaṇaḥ putro marīceḥ kaśyapaḥ sutaḥ |
tasmāddhiraṇyakaśiṣuḥ prahlādastasya cātmajaḥ || 11 ||
[Analyze grammar]

prahlādasya suto nāmnā virocana iti śrutaḥ |
virocanasya bhaginī saṃjñāyā jananī śubhā || 12 ||
[Analyze grammar]

hiraṇyakaśipoḥ pautrī diteḥ putrasya sā smṛtā |
sā viśvakarmaṇaḥ putrī prāhlādī procyate budhaiḥ || 13 ||
[Analyze grammar]

atha nāmnā surūpeti marīcerduhitā śubhā |
putrī hyaṅgirasaḥ sā tu jananī tu bṛhaspateḥ || 14 ||
[Analyze grammar]

bṛhaspatestu bhaginī viśrutā brahmavādinī |
prabhāsasya tu sā patnī vasūnāmaṣṭamasya tu || 15 ||
[Analyze grammar]

prasūtā viśvakarmāṇaṃ sarvaśilpakaraṃ varam |
sa vai nāmrā punastvaṣṭā tridaśānāṃ ca vārdhakiḥ || 16 ||
[Analyze grammar]

devācāryaśca tasyeyaṃ duhitā viśvakarmaṇaḥ |
sureṇuriti vikhyātā triṣu lokeṣu bhāminī || 17 ||
[Analyze grammar]

rājñī saṃjñā ca dyaustvāṣṭrī prabhā saiva vibhāvyate |
tasyāttu yā tanucchāyā nikṣubhā sā mahīmayī || 18 ||
[Analyze grammar]

sā1 tu bhāryā bhagavato mārtaṇḍasya mahātmanaḥ |
sādhvī pativratā devī rūpayauvanaśālinī || 19 ||
[Analyze grammar]

na tu tāṃ nararūpeṇa sūryo bhajati vai purā |
ādityasyeha tadrūpaṃ mahatā svena tejasā || 20 ||
[Analyze grammar]

gātreṣvapratirūpeṣu nātikāntamivābhavat |
aniṣpatreṣu gātreṣu golaṃ dṛṣṭvā pitāmahaḥ || 21 ||
[Analyze grammar]

mārtastvaṃ bhava cāṇḍastu mārtaṇḍastena sa smṛtaḥ |
devānāṃ ca yatastvādistenāditya iti smṛtaḥ || 22 ||
[Analyze grammar]

ataḥ paraṃ pravakṣyāmi prajāstasya mahātmanaḥ |
trīṇyapatyāni saṃjñāyāṃ janayāmāsa vai raviḥ || 23 ||
[Analyze grammar]

varṣāṇāṃ tu sahasraṃ vai vasamānā piturgṛhe |
bhartuḥ samīpaṃ yāhīti pitroktā sā punaḥpunaḥ || 24 ||
[Analyze grammar]

agacchadvaḍavā bhūtvā tyaktvā rūpaṃ yaśasvinī |
uttarāṃśca kurūngatvā tṛṇānyanucacāra ha || 25 ||
[Analyze grammar]

pituḥ samīpaṃ yā bhāryā saṃjñā yā vacanena sā |
saṃjñāyā dhārayadrūpaṃ chāyā sūryamupasthitā || 26 ||
[Analyze grammar]

dvitīyāyāṃ tu saṃjñāyāṃ saṃjñeyamiti cintayan |
ādityo janayāmāsa putrau kanyāṃ ca rūpiṇīm || 27 ||
[Analyze grammar]

pūrvajasya manostulyau sādṛśyena ca tāvubhau |
śrutaśravāśca dharmajñaḥ śrutakarmā tathaiva ca || 28 ||
[Analyze grammar]

śrutaśravā manustābhyāṃ sāvarṇiryo bhaviṣyati |
śrutakarmā tu vijñeyo graho yo vai śanaiścaraḥ || 29 ||
[Analyze grammar]

kanyā ca tapatī nāma rūpeṇāpratirūpiṇī |
saṃjñā tu pārthivī teṣāmātmajānāṃ yathākarot || 30 ||
[Analyze grammar]

na snehaṃ pūrvajānāṃ tu tathā kṛtavatī tu sā |
manustu kṣamate tasyā yamastasyā na cakṣame || 31 ||
[Analyze grammar]

bahuśo yātyamānastu pituḥ patnyā suduḥkhitaḥ |
sa vai kopācca bālyācca bhāvino'rthasya vai balāt || 32 ||
[Analyze grammar]

padā santarjayāmāsa saṃjñāṃ vaivasvato yamaḥ |
taṃ śaśāpa tataḥ krodhātsaṃjñā sā pārthivī bhṛśam || 33 ||
[Analyze grammar]

padā tarjayase yanmāṃ piturbhāryāṃ garīyasīm |
tasmāttavaiṣa caraṇaḥ patiṣyati na saṃśayaḥ || 34 ||
[Analyze grammar]

yamastu tena śāpena bhṛśaṃ pīḍitamānasaḥ |
manunā saha tanmātuḥ pituḥ sarvaṃ nyavedayat || 35 ||
[Analyze grammar]

snehena tulyamasmāsu mātā deva na vartate |
niḥsnehāñjyāyaso hyasmātkanīyāṃ saṃ bubhūṣati || 36 ||
[Analyze grammar]

tasyā mayodyataḥ pādo na tu deva nipātitaḥ |
bālyādvā yadi vā mohāttadbhavānkṣantumarhati || 37 ||
[Analyze grammar]

śapto'hamasmiṃllokeśa jananyā tapatāṃ vara |
tava prasādāccaraṇastrāyatāṃ mahato bhayāt || 38 ||
[Analyze grammar]

raviruvāca |
asaṃśayaṃ mahatputra bhaviṣyatyatra kāraṇam |
yena tvāmāviśatkrodho dharmajñaṃ dharmaśālinam || 39 ||
[Analyze grammar]

sarveṣāmeva śāpānāṃ pratighātastu vidyate |
na tu mātrābhiśaptānāṃ kvacinmokṣo bhavediha || 40 ||
[Analyze grammar]

na śakyametanmithyā me kartuṃ māturvacastava |
kiñcitte'haṃ vidhāsyāmi pitṛsnehādanugraham || 41 ||
[Analyze grammar]

kṛmayo māṃsamādāya yāsyanti tu mahītale |
kṛtaṃ tasyā vacaḥ satyaṃ tvaṃ ca trāto bhaviṣyasi || 42 ||
[Analyze grammar]

sumanturuvāca |
ādityastvabravīcchāyāṃ kimarthaṃ tanayāvubhau |
tulyeṣvabhyadhikaḥ sneha ekatra kriyate tvayā || 43 ||
[Analyze grammar]

sā1 tatpurābhavaṃ tasmai nācacakṣe vivasvate |
ātmānaṃ sa samādhāya vaktuṃ tasyāmapaśyat || 44 ||
[Analyze grammar]

tāṃ śaptukāmo bhagavānudyataḥ kupitastataḥ |
tataśchāyā yathāvṛttamācacakṣe vivasvate || 45 ||
[Analyze grammar]

vivasvāṃstu tataḥ kruddhaḥ śrutvā śvaśuramāgataḥ |
sā cāpi taṃ yathānyāyamarcayitvā divākaram |
nirdagdhukāmaṃ roṣeṇa sāntvayāmāsa taṃ śanaiḥ || 46 ||
[Analyze grammar]

viśvakarmovāca |
tavātitejasāviṣṭamidaṃ rūpaṃ suduḥsaham |
asahantī tu saṃjñā ca vane carati śādvale || 47 ||
[Analyze grammar]

drakṣyate tāṃ bhavānadya svāṃ māyāṃ śubhacāriṇīm |
rūpārthaṃ bhavatoraṇye carantīṃ sumahattapaḥ || 48 ||
[Analyze grammar]

rūpaṃ te brahmaṇo vākyādyadi vai rocate vibho |
praśātayāmi devendra śreyo'rthaṃ jagataḥ prabho || 49 ||
[Analyze grammar]

santuṣṭastasya tadvākyaṃ bahu mene mahātapāḥ |
tato'nvajānāttvaṣṭāraṃ rūpanirvartanāya tu || 50 ||
[Analyze grammar]

viśvakarmā hyanujñātaḥ śākadvīpe vivasvataḥ |
bhramimāropya tattejaḥ śātayāmāsa tasya vai || 51 ||
[Analyze grammar]

ājānulikhitaścāsau nipuṇaṃ viśvakarmaṇā |
lekhanaṃ nābhyanandattu tatastena nivāritaḥ || 52 ||
[Analyze grammar]

tatra tadbhāsitaṃ rūpaṃ tejasā prakṛtena tu |
kāntātkāntataraṃ bhūtvā adhikaṃ śuśubhe tataḥ || 53 ||
[Analyze grammar]

dadarśa yogamāsthāya svāṃ bhāryāṃ vaḍavāṃ tathā |
adṛśyāṃ sarvabhūtānāṃ tejasā svena saṃvṛtām || 54 ||
[Analyze grammar]

aśvarūpeṇa mārtaṇḍastāṃ mukhena samāsadat |
maithunāya viceṣṭanto parapuṃso viśaṅkayā || 55 ||
[Analyze grammar]

sā taṃ vivasvataḥ śukraṃ nāsābhyāṃ samadhārayat |
devau tasyāmajāyetāmaśvinau bhiṣajāṃ varau || 56 ||
[Analyze grammar]

nāsatyaścaiva dasraśca tau smṛtau nāmato'śvinau |
ataḥ paraṃ svakaṃ rūpaṃ darśayāmāsa bhāskaraḥ |
taddṛṣṭvā cāpi saṃjñā tu tutoṣa ca mumoha ca || 57 ||
[Analyze grammar]

tatastu janayāmāsa saṃjñā sūryasutaṃ śubham |
rūpeṇa cātmanastulyaṃ revataṃ nāma nāmataḥ || 58 ||
[Analyze grammar]

pirtugṛhyāṣṭamaṃ so'śvaṃ jātamātraḥ palāyata |
sa tasmintsakṛdārūḍhastamaśvaṃ naiva muñjati || 59 ||
[Analyze grammar]

tato'rkeṇa samādiṣṭau daṇḍanāyakapiṅgalau |
aśvaṃ pratyānayethāṃ me mā balācchidrato'sya tu || 60 ||
[Analyze grammar]

pārśvasthau tiṣṭhatastasya aśvacchidrābhikāñkṣiṇau |
na cchidraṃ tu labhete tau tasyādyāpi mahātmanaḥ || 61 ||
[Analyze grammar]

plavangacchatyasau yasmātsaṃjñāyāḥ śāntidaḥ sutaḥ |
revṛstu ca gatau dhātū revantastena sa smṛtaḥ || 62 ||
[Analyze grammar]

manuryamo yamī caiva sāvarṇiḥ sa śanaiścaraḥ |
tapatī cāśvinau caiva revantaśca raveḥ sutāḥ || 63 ||
[Analyze grammar]

evameṣā purā saṃjñā dvitīyā pārthivī smṛtā |
yā saṃjñā sā smṛtā rājñī chāyā yā sā tu nikṣubhā || 64 ||
[Analyze grammar]

rājṛdīptau smṛto dhātū rājā rājati yatsadā |
adhikaḥ sarvabhūtebhyo rājate ca divākaraḥ || 65 ||
[Analyze grammar]

adhikaṃ rājate yasmāttasmādrājā sa ucyate |
rājñaḥ patnī tu sā yasmāttasmādrājñī prakīrtitā || 66 ||
[Analyze grammar]

kṣubha sañcalane dhāturniścalā tena nikṣubhā |
bhavantītyatha vā yasmātsvargīyāḥ 1 kṣudvivarjitāḥ |
chāyāṃ tāṃ viśate divyāṃ smṛtā sā tena nikṣubhā || 67 ||
[Analyze grammar]

dṛṣṭvā janaṃ sadā tāta bhṛśaṃ pīḍitamānasam |
dharmeṇa rañjayāmāsa dharmarājastataḥ smṛtaḥ || 68 ||
[Analyze grammar]

śuddhena karmaṇā tāta śubhena paramadyutiḥ |
pitṝṇāmādhipatyaṃ ca lokapālatvamāpa ca || 69 ||
[Analyze grammar]

sāmprataṃ vartate yo'yaṃ manurloke mahāmate |
yasyānvavāye jātastu śaṅkhacakragadādharaḥ || 70 ||
[Analyze grammar]

yamasya bhaginī yā tu yamī kanyā yaśasvinī |
sābhavatsaritāṃ śreṣṭhā yamunā lokapāvanī || 71 ||
[Analyze grammar]

manuḥ prajāpatistveṣa sāvarṇiḥ sa mahāyaśāḥ |
bhaviṣyansa manustāta aṣṭamaḥ parikīrtitaḥ || 72 ||
[Analyze grammar]

merupṛṣṭhe tapo divyamadyāpi carate prabhuḥ |
bhrātā śanaibhrarastasya grahatvaṃ sa tu labdhavān || 73 ||
[Analyze grammar]

tapatī nāma yā nāmnā tayoḥ kanyā garīyasī |
sā babhūva śubhā patnī rājñaḥ saṃvaraṇasya tu || 74 ||
[Analyze grammar]

tāpī nāma nadī ceyaṃ vindhyamūlādviniḥsṛtā |
nityaṃ puṇyajalā snāne paścimodadhigāminī || 75 ||
[Analyze grammar]

saumyayā saṅgatā sā tu sarvapāpabhayāpahā |
vaivasvatī yathā vīra saṅgatā 1 śivakāntayā || 76 ||
[Analyze grammar]

aśvinau devavaidyatvaṃ labdhavantau yadūttama |
tayoḥ karmopajīvanti lokesminbhiṣajaḥ sadā || 77 ||
[Analyze grammar]

revanto nāma yo'rkasya rūpeṇārkasamaḥ sutaḥ |
2 aśvānāmādhipatye tu yojitaḥ sa tu bhānunā || 78 ||
[Analyze grammar]

kṣemeṇa gacchate'dhvānaṃ yastaṃ pūjayate pathi |
sukhaprasādyo martyānāṃ sadā yadukulodvaha || 79 ||
[Analyze grammar]

tvaṣṭāpi tejasā tena mārtaṇḍasyaiva cājñayā |
bhojānutpādayāmāsa pūjāyai satya suvrata || 80 ||
[Analyze grammar]

ya idaṃ janma devasya śṛṇuyādvā paṭheta vā |
vivasvato hi putrāṇāṃ sarveṣāmamitaujasām || 81 ||
[Analyze grammar]

sarvapāpavinirmukto yāti sūryasalokatām |
iha rājā bhavatyeva punaretya na saṃśayaḥ || 82 ||
[Analyze grammar]