Chapter 50

vāsudeva uvāca |
naimittikaṃ tato vakṣye yajjñātvā ca samāsataḥ |
saptamyāṃ grahaṇe caiva saṃkrāntiṣu viśeṣataḥ || 1 ||
[Analyze grammar]

śuklapakṣasya saptamyāṃ havirbhuktvaikadā divā |
samyagācamya sandhyāyāṃ vāruṇaṃ praṇipatya ca || 2 ||
[Analyze grammar]

indriyāṇi ca saṃyamya kṛtaṃ dhyātvā svapedadhaḥ |
darbhaśayyāgato rātrau prātaḥ snātaḥ susaṃyataḥ || 3 ||
[Analyze grammar]

tataḥ sandhyāmupāsyātha pūrvoktaṃ ca manuṃ japet |
juhuyācca tadā vahniṃ sūryāgnī parikalpya ca || 4 ||
[Analyze grammar]

sūryāgnikaraṇaṃ vakṣye tarpaṇaṃ ca samāsataḥ |
arcanāgāramullikhya praviśyārcya janairjanam || 5 ||
[Analyze grammar]

prakṣipyāstīrya darbhaśca pātrādyālabhya ca kramāt |
pavitraṃ dvikuśaṃ kṛtvā sāgraṃ prādeśasammitam || 6 ||
[Analyze grammar]

tena pātrāṇi samprokṣya saṃśodhyādha vilokya ca |
udagagre sthite pātre prajvālyātholmukena ca || 7 ||
[Analyze grammar]

paryagnikaraṇaṃ kṛtvā tathājyotyavanaṃ tridhā |
parimṛjya sruvādīṃśra darbhaiḥ samprokṣayettataḥ || 8 ||
[Analyze grammar]

juhuyātprokṣya tānvahnau tatrārkaṃ pūrvavad vrajet |
abhūmau sthitapātreṇa viṣṭareṇa tu pāṇinā |
dānena yaduśārdūla nāntarikṣe sthale kvacit || 9 ||
[Analyze grammar]

dakṣiṇena sruvaṃ gṛhya juhuyātpāvakaṃ budhaḥ |
hadayena kriyāḥ sarvāḥ kartavyāḥ pūrvacoditāḥ || 10 ||
[Analyze grammar]

arkādārabhya saṃjñārthaṃ dadyāttūṣṇīṃ hutiṃ sthitaḥ |
varuṇāya śatairmāghe saptamyāṃ varuṇaṃ yajet || 11 ||
[Analyze grammar]

yathāśaktyā tu viprebhyaḥ pradadyātkhaṇḍaveṣṭakān |
dadyācca dakṣiṇāṃ śaktyā prāpnoti yācitaṃ phalam || 12 ||
[Analyze grammar]

evaṃ vai phālgune sūryaṃ caitre vaiśākha eva ca |
vaiśākhe māsi dhātāramindraṃ jyeṣṭhe yajedravim || 13 ||
[Analyze grammar]

āṣāḍhe śrāvaṇe māsi nabhaṃ bhādrapade yamam |
tathāśvayuji parjanyaṃ tvaṣṭāraṃ kārtike yajet || 14 ||
[Analyze grammar]

mārgaśīrṣe ca mitraṃ ca pauṣe viṣṇuṃ yajedyadi |
saṃvatsareṇa yatproktaṃ phalamiṣṭaṃ dinedine |
tatsarvamāpnuyātkṣipraṃ bhaktyā śraddhānvito vratī || 15 ||
[Analyze grammar]

evaṃ saṃvatsare pūrṇe kṛtvā vai kāñcanaṃ ratham |
saptabhirvājibhiryuktaṃ nānāratnopaśobhitam || 16 ||
[Analyze grammar]

ādityapratimāṃ madhye śuddhahemnā kṛtāṃ śubhām |
ratnairalaṅkṛtāṃ kṛtvā hemapadmoparisthitām || 17 ||
[Analyze grammar]

tasmin rathavare kṛtvā sārathiṃ cāgrataḥ sthitam |
vṛtaṃ dvādaśabhirvipraiḥ kramānmāsādhipātmabhiḥ || 18 ||
[Analyze grammar]

madhye kṛtvā svamācāryaṃ pūjayitvā yathāśrutiḥ |
sañcintyādityavarṇaṃ vai vastraratnādinārhayet || 19 ||
[Analyze grammar]

evaṃ māsādhipānviprānsampūjyātha nivedayet |
ācāryāya rathaṃ chatraṃ grāmaṃ gāśca mahīṃ śubhām || 20 ||
[Analyze grammar]

aśvānmāsādhipebhyastu dvādaśabhyo nivedayet |
evaṃ bhaktyā yathāśaktyā hemaratnādibhūṣaṇam || 21 ||
[Analyze grammar]

dattvā tasya namaskṛtya vrataṃ pūrṇaṃ nivedayet |
ata ūrdhvaṃ na doṣo'tra vratasyākaraṇeṣvapi || 22 ||
[Analyze grammar]

evamastviti viprendraiḥ sahācāryaḥ punaḥ punaḥ |
bahvīścaivāśiṣo dattvā pravadetprīyatāmiti || 23 ||
[Analyze grammar]

ādityo yena kāmena tvayā ārādhito vrataiḥ |
tubhyaṃ dadātu taṃ kāmaṃ sampūrṇaṃ bhavatu vratam || 24 ||
[Analyze grammar]

ācāryānviprarūpaistu praviṣṭo bhāskaraḥ svayam |
dāsyatyeva paraṃ kartumityuktaṃ bhānunā svayam || 25 ||
[Analyze grammar]

viprebhyo guṇavadbhyaśca nisvebhyaśca viśeṣataḥ |
dīnāndhakṛpaṇebhyaśca śaktyā dattvā ca dakṣiṇām |
brāhmaṇānbhojayitvā ca vratametatsamāpayet || 26 ||
[Analyze grammar]

kṛtvaivaṃ saptamīmabdaṃ rājā bhavati dhārmikaḥ |
puruṣaḥ strī bhavedrājñāṃ tādṛśāmatha vallabhā || 27 ||
[Analyze grammar]

śatayojanavistīrṇaṃ niḥsapatnamakaṇṭakam |
niṣpannamaṇḍalaṃ bhuṅkte sāgraṃ varṣaśataṃ sukhī || 28 ||
[Analyze grammar]

vittahīno'pi yo 1 bhaktyā kṛttvā tāmramayaṃ ratham |
dadyādvratāvasāne tu kṛtvā sarvaṃ yathoditam |
so'śītiyojanaṃ bhuṅkte vistīrṇaṃ maṇḍalaṃ nṛpaḥ || 29 ||
[Analyze grammar]

evaṃ piṣṭamayaṃ yo'pi vittahīnaḥ karoti nā |
āṣaṣṭiyojanaṃ bhuṅkte dīrghāyurnīrujaḥ sukhī |
sūryaloke ca kalpāntaṃ yāvatsthitvedamāpnuyāt || 30 ||
[Analyze grammar]

manasāpi ca yo bhaktyā yajedarkamatandritaḥ |
sarvāvasthāsu so'pyatra vyādhibhirmucyate bhṛśam || 31 ||
[Analyze grammar]

āpado na spṛśantyenaṃ nīhārā iva bhāskaram |
kiṃ punarvratasampannaṃ bhaktaṃ 1 mantraiśca rakṣitam || 32 ||
[Analyze grammar]

yata evaṃ tato jñātvā vidhānaṃ kalpacoditam |
sukhena phalasiddhyarthaṃ kuryātsarvamaśeṣataḥ || 33 ||
[Analyze grammar]

ityetatkathitaṃ sāmba purā sūryeṇa me śubham |
kalpo'yaṃ prathame kalpe sarvadā gopito mayā || 34 ||
[Analyze grammar]

anena vidhinā vatsa viśuddhenāntarātmanā |
bhānumārādhayetkṣipraṃ yadīcchetphalamuttamam || 35 ||
[Analyze grammar]

mayāsyaiva prasādena prāptāḥ putrāḥ sahasraśaḥ |
asurā nirjitāścaiva surāḥ sarve vaśīkṛtāḥ || 36 ||
[Analyze grammar]

tvayāpyayaṃ gopitavyaḥ kalpaḥ sūryasya sammataḥ |
prasādādasya kalpasya sadā sannihito raviḥ |
cakre'sminnirjitā yena surā suranaroragāḥ || 37 ||
[Analyze grammar]

yadinādhiṣṭhitaṃ cakramidaṃ sūryāṃśubhiḥ svayam |
satataṃ syātprabhāyuktaṃ kathamadhyāhataṃ bhavet || 38 ||
[Analyze grammar]

ahametaṃ japannityaṃ yajandhyāyaṃśca śaktitaḥ |
jāto'smi sarvakāmānāṃ pūjyaḥ śreṣṭhaśca tejasā || 39 ||
[Analyze grammar]

tvamabhyasyaiva manasā vācā vā karmaṇāpi vā |
kuru bhaktimanenaiva vidhinā phalasiddhaye || 40 ||
[Analyze grammar]

śṛṇuyādbhaktiyukto yo naraḥ śraddhāsamanvitaḥ |
vidhānamāditaḥ putra saptamīṃ kurute ca yaḥ || 41 ||
[Analyze grammar]

seha 1 prāpyā'khilaṃ kāmamārogyaṃ ca jayaṃ tathā |
bhārgavyā parayā yukto gacchedvairocanaṃ sadaḥ || 42 ||
[Analyze grammar]