Chapter 49

vāsudeva uvāca |
athārcanavidhiṃ vakṣye dharmaketoranuttamam |
sarvakāmapradaṃ puṇyaṃ vighnaghnaṃ duritāpaham || 1 ||
[Analyze grammar]

sūryamantraiḥ puraḥ snāto yajettenaiva bhāskaram |
yatastataḥ pravakṣyāmi snānamādau samāsataḥ || 2 ||
[Analyze grammar]

ācāntastamupālabhya mudrayā śuciśuddhayā |
kṛtvā nīrājanaṃ putra saṃśodhya ca jalaṃ tataḥ || 3 ||
[Analyze grammar]

snānāddhṛdayapūtena 1 mantreṇa matkulodvaha |
utthāyācamya tenaiva vāsasī paridhāya ca || 4 ||
[Analyze grammar]

dvirācamyātha samprokṣya tanuṃ saptākṣareṇa ca |
utthāyācamya tenaivaṃ raveḥ kṛtvārghyameva ca || 5 ||
[Analyze grammar]

dattvā tena japitvā taṃ svakaṃ dhyātvārkavaddhṛdi |
gatvā cāyatanaṃ śubhramārkamārkī tanuṃ yajet || 6 ||
[Analyze grammar]

pūrakaṃ kumbhakaṃ kṛtvā recakaṃ ca samāhitaḥ |
kṛtvoṅkāreṇa doṣāṃstu hanyātkāyādisambhavān || 7 ||
[Analyze grammar]

vāyavyāgneyamāhendravāruṇībhiryathākramam |
kilviṣaṃ vāruṇādbhiśca hanyātsiddhyarthamātmanaḥ || 8 ||
[Analyze grammar]

śoṣaṇaṃ dahanaṃ stambhaṃ plāvanaṃ ca yathākramāt |
vāyvagnīndrajanākhyābhirdhāraṇābhiḥ kṛte sati || 9 ||
[Analyze grammar]

dhyātvā viśuddhamātmānaṃ praṇamedarkamāsthitam |
dehaṃ tenaiva sañcintya pañcabhūtamayaṃ param || 10 ||
[Analyze grammar]

sūkṣmaṃ sthūlaṃ tathākṣāṇi svasthāneṣu prakamya ca |
vinyasyāṅgāni khādīni hṛdādyāni hṛdyādiṣu || 11 ||
[Analyze grammar]

khasvāhā hadayaṃ bhānoḥ khamarkāya śirastathā |
ulkā svāhā śikhārkasya yai ca huṃ kavacaṃ param |
khāṃ phaḍastraṃ ca saṃhārāścāditaḥ praṇavaḥ kṛtaḥ || 12 ||
[Analyze grammar]

sa pūrve praṇavasyātho mantrakarmaprasiddhaye |
ebhirjalaṃ tridhā japtvā snānadravyāṇi tena ca || 13 ||
[Analyze grammar]

samprokṣya pūjayetsūryaṃ gandhapuṣpādibhiḥ śubhaiḥ |
tato mūrtiṣu sarvāsu rātrāvagnau prapūjayet || 14 ||
[Analyze grammar]

prākpaścimodagabhyagrāṃ prātaḥ sāyaṃ niśāsu vai |
saptākṣareṇa tanmantraṃ dhyātvā ca padmakarṇikām || 15 ||
[Analyze grammar]

ādityamaṇḍalāntasthaṃ tatra dehaṃ prakalpayet |
prabhāmaṇḍalamadhyasthaṃ dhyātvā dehaṃ yathā purā |
sarvalakṣaṇasampūrṇaṃ sahasrakiraṇojjvalam || 16 ||
[Analyze grammar]

raktairgandhaiśca puṣpaiśca carubhirbalibhistathā |
raktacandanamiśrairvā vastrairāvaraṇaiḥ śubhaiḥ || 17 ||
[Analyze grammar]

āvāhanādikarmāṇi rakṣāṃ tu hṛdayena ca |
taccittaśca sadā kuryājjñātvā karmakramaṃ budhaḥ || 18 ||
[Analyze grammar]

kṛtvā cāvāhanaṃ mantrairekatra sthāpanaṃ tataḥ |
yāvadyāgāvasānaṃ tu sānnidhyaṃ tatra kalpya ca || 19 ||
[Analyze grammar]

dattvā pādyādikāṃ pūjāṃ śaktyā vārghyaṃ nivedya ca |
japitvā vidhivaddhyātvā tato devīṃ visarjayet || 20 ||
[Analyze grammar]

eṣa karma kramaḥ proktaḥ sarveṣāṃ yajanakramāt |
pravakṣyāmi japasthānaṃ padmeśāvaraṇe tathā || 21 ||
[Analyze grammar]

ādityaṃ karṇikāsaṃsthaṃ daleṣvaṅgāni pūrvaśaḥ |
somādīnrāhuparyaṃtāngrahāṃścaivodagāditaḥ || 22 ||
[Analyze grammar]

mūrtimallokapālāṃśca kramādāvaraṇeṣvatha |
tadastrāṇi ca rakṣārthaṃ svamantraiḥ pūjayetkramāt || 23 ||
[Analyze grammar]

praṇavaiścābhidhānaiśca caturthyāṃ hyabhiyojitaiḥ |
sarveṣāṃ kathitā mantrā mudrāśca kathayāmyataḥ || 24 ||
[Analyze grammar]

vyomamudrā ratiḥ padmā mahāśvetāstrameva ca |
pañcamudrāḥ samākhyātāḥ sarvakarmaprasiddhaye || 25 ||
[Analyze grammar]

uttānau tu karau kṛtyā aṅgulyo grathitāḥ kramāt |
tarjanīṃ yanti yāvattāḥ same vādhomukhe sthite || 26 ||
[Analyze grammar]

tarjanyo 1 madhyamasyaiva jyeṣṭhāgre vānugopari |
mudreyaṃ sarvamudrāṇāṃ vyoma mudreti kīrtitā |
sarvakarmasu yogo'yaṃ tathā sthānaṃ prakalpate || 27 ||
[Analyze grammar]

padmavatprasṛtāḥ sarvā mahāśvetā raveḥ smṛtā |
javasaṃnihito nityaṃ rathārūḍho raviḥ smṛtaḥ || 28 ||
[Analyze grammar]

hastāvūrdhvamukhau kṛtvā vāmāṅguṣṭhena yojitau |
dravyāṇāṃ śodhane yojyā rakṣārthaṃ ca viśeṣataḥ || 29 ||
[Analyze grammar]

anayā mudrayā sarvaṃ rakṣitaṃ śodhitaṃ bhavet |
arghyaṃ datvā prayoktavyā pūjānte ca viśeṣataḥ || 30 ||
[Analyze grammar]

japadhyānāvasāne ca yadīcchetsiddhimātmanaḥ |
anena vidhinā nityaṃ japedabdamatandritaḥ || 31 ||
[Analyze grammar]

sa labhetepsitānkāmānihāmutra na saṃśayaḥ |
rogārto mucyate rogāddhanahīno dhanaṃ labhet || 32 ||
[Analyze grammar]

rājyabhraṣṭo labhedrājyamaputraḥ putramāpnuyāt |
prajñāmedhāsamṛddhīśca ciraṃ jīvati mānavaḥ |
surūpāṃ labhate kanyāṃ kulīnā puruṣo dhruvam || 33 ||
[Analyze grammar]

saubhāgyaṃ strī kulīnāpi kanyā ca puruṣottamam |
avidyo labhate vidyāmityuktaṃ bhānunā purā || 34 ||
[Analyze grammar]

nityayāgaḥ smṛto hyeṣa dhanadhānyasukhāvahaḥ |
prajāpaśuvivṛddhiśca niṣkāmasyāpi jāyate || 35 ||
[Analyze grammar]

tadaikaḥ stūyate svarge śabdyate ca narottamaḥ |
bhaktyā taṃ pūjayedyastu naraḥ puṇyataraḥ sadā || 36 ||
[Analyze grammar]

iha vai kāmikaṃ prāpya tato gacchenmanoḥ padam |
dvijastasya prasādena tejasā budhasannibhaḥ || 37 ||
[Analyze grammar]