Chapter 71

[English text for this chapter is available]

uddhavamaṃtraṇayā śrīkṛṣṇasyendraprasthagamanam |
śrīśuka uvāca |
ityudīritamākarṇya devaṛṣeruddhavo'bravīt |
sabhyānāṃ matamājñāya kṛṣṇasya ca mahāmatiḥ || 1 ||
[Analyze grammar]

śrīuddhava uvāca |
yaduktaṃ ṛṣiṇā deva sācivyaṃ yakṣyatastvayā |
kāryaṃ paitṛṣvaseyasya rakṣā ca śaraṇaiṣiṇām || 2 ||
[Analyze grammar]

yaṣṭavyamrājasūyena dik cakrajayinā vibho |
ato jarāsutajaya ubhayārtho mato mama || 3 ||
[Analyze grammar]

asmākaṃ ca mahānartho hyetenaiva bhaviṣyati |
yaśaśca tava govinda rājño baddhān vimuñcataḥ || 4 ||
[Analyze grammar]

sa vai durviṣaho rājā nāgāyutasamo bale |
balināmapi cānyeṣāṃ bhīmaṃ samabalaṃ vinā || 5 ||
[Analyze grammar]

dvairathe sa tu jetavyo mā śatākṣauhiṇīyutaḥ |
brahmaṇyo'bhyarthito vipraiḥ na pratyākhyāti karhicit || 6 ||
[Analyze grammar]

brahmaveṣadharo gatvā taṃ bhikṣeta vṛkodaraḥ |
haniṣyati na sandeho dvairathe tava sannidhau || 7 ||
[Analyze grammar]

nimittaṃ paramīśasya viśvasarganirodhayoḥ |
hiraṇyagarbhaḥ śarvaśca kālasyārūpiṇastava || 8 ||
[Analyze grammar]

gāyanti te viśadakarma gṛheṣu devyo |
rājñāṃ svaśatruvadhamātmavimokṣaṇaṃ ca |
gopyaśca kuñjarapaterjanakātmajāyāḥ |
pitrośca labdhaśaraṇā munayo vayaṃ ca || 9 ||
[Analyze grammar]

jarāsandhavadhaḥ kṛṣṇa bhūryarthāyopakalpate |
prāyaḥ pākavipākena tava cābhimataḥ kratuḥ || 10 ||
[Analyze grammar]

śrīśuka uvāca |
ityuddhava vaco rājan sarvatobhadramacyutam |
devarṣiryaduvṛddhāśca kṛṣṇaśca pratyapūjayan || 11 ||
[Analyze grammar]

athādiśat prayāṇāya bhagavān devakīsutaḥ |
bhṛtyān dārukajaitrādīn anujñāpya gurūn vibhuḥ || 12 ||
[Analyze grammar]

nirgamayyāvarodhān svān sasutān saparicchadān |
saṅkarṣaṇamanujñāpya yadurājaṃ ca śatruhan |
sūtopanītaṃ svarathaṃ āruhad garuḍadhvajam || 13 ||
[Analyze grammar]

tato rathadvipabhaṭasādināyakaiḥ |
karālayā parivṛta ātmasenayā |
mṛdaṅga bheryānaka śaṅkhagomukhaiḥ |
praghoṣaghoṣitakakubho nirākramat || 14 ||
[Analyze grammar]

nṛvājikāñcana śibikābhiracyutaṃ |
sahātmajāḥ patimanu suvratā yayuḥ |
varāṃbarābharaṇavilepanasrajaḥ |
susaṃvṛtā nṛbhirasicarmapāṇibhiḥ || 15 ||
[Analyze grammar]

naroṣṭragomahiṣakharāśvataryanaḥ |
kareṇubhiḥ parijanavārayoṣitaḥ |
svalaṅkṛtāḥ kaṭakuṭikambalāmbarād |
upaskarā yayuradhiyujya sarvataḥ || 16 ||
[Analyze grammar]

balaṃ bṛhaddhvajapaṭachatracāmaraiḥ |
varāyudhābharaṇakirīṭavarmabhiḥ |
divāṃśubhistumularavaṃ babhau raveḥ |
yathārṇavaḥ kṣubhitatimiṅgilormibhiḥ || 17 ||
[Analyze grammar]

atho muniryadupatinā sabhājitaḥ |
praṇamya taṃ hṛdi vidadhad vihāyasā |
niśamya tadvyavasitamāhṛtārhaṇo |
mukundasandarśananirvṛtendriyaḥ || 18 ||
[Analyze grammar]

rājadūtamuvācedaṃ bhagavān prīṇayan girā |
mā bhaiṣṭa dūta bhadraṃ vo ghātayiṣyāmi māgadham || 19 ||
[Analyze grammar]

ityuktaḥ prasthito dūto yathāvad avadan nṛpān |
te'pi sandarśanaṃ śaureḥ pratyaikṣan yanmumukṣavaḥ || 20 ||
[Analyze grammar]

ānartasauvīramarūn tīrtvā vinaśanaṃ hariḥ |
girīn nadīratīyāya puragrāmavrajākarān || 21 ||
[Analyze grammar]

tato dṛṣadvatīṃ tīrtvā mukundo'tha sarasvatīm |
pañcālānatha matsyāṃśca śakraprasthamathāgamat || 22 ||
[Analyze grammar]

tamupāgatamākarṇya prīto durdarśanaṃ nṛṇām |
ajātaśatrurniragāt sopādhyāyaḥ suhṛdvṛtaḥ || 23 ||
[Analyze grammar]

gītavāditraghoṣeṇa brahmaghoṣeṇa bhūyasā |
abhyayāt sa hṛṣīkeśaṃ prāṇāḥ prāṇamivādṛtaḥ || 24 ||
[Analyze grammar]

dṛṣṭvā viklinnahṛdayaḥ kṛṣṇaṃ snehena pāṇḍavaḥ |
cirād dṛṣṭaṃ priyatamaṃ sasvaje'tha punaḥ punaḥ || 25 ||
[Analyze grammar]

dorbhyāṃ pariṣvajya ramāmalālayaṃ |
mukundagātraṃ nṛpatirhatāśubhaḥ |
lebhe parāṃ nirvṛtimaśrulocano |
hṛṣyattanurvismṛta lokavibhramaḥ || 26 ||
[Analyze grammar]

taṃ mātuleyaṃ parirabhya nirvṛto |
bhīmaḥ smayan premajalākulendriyaḥ |
yamau kirīṭī ca suhṛttamaṃ mudā |
pravṛddhabāṣpāḥ parirebhire'cyutam || 27 ||
[Analyze grammar]

arjunena pariṣvakto yamābhyāmabhivāditaḥ |
brāhmaṇebhyo namaskṛtya vṛddhebhyaśca yathārhataḥ || 28 ||
[Analyze grammar]

mānino mānayāmāsa kurusṛñjayakaikayān |
sūtamāgadhagandharvā vandinaścopamaṃtriṇaḥ || 29 ||
[Analyze grammar]

mṛdaṅgaśaṅkhapaṭaha vīṇāpaṇavagomukhaiḥ |
brāhmaṇāścāravindākṣaṃ tuṣṭuvurnanṛturjaguḥ || 30 ||
[Analyze grammar]

evaṃ suhṛdbhiḥ paryastaḥ puṇyaślokaśikhāmaṇiḥ |
saṃstūyamāno bhagavān viveśālaṅkṛtaṃ puram || 31 ||
[Analyze grammar]

saṃsiktavartma kariṇāṃ madagandhatoyaiḥ |
citradhvajaiḥ kanakatoraṇapūrṇakumbhaiḥ |
mṛṣṭātmabhirnavadukūlavibhūṣaṇasrag |
gandhairnṛbhiryuvatibhiśca virājamānam || 32 ||
[Analyze grammar]

uddīptadīpabalibhiḥ pratisadma jāla |
niryātadhūparuciraṃ vilasatpatākam |
mūrdhanyahemakalaśai rajatoruśṛṅgaiḥ |
juṣṭaṃ dadarśa bhavanaiḥ kururājadhāma || 33 ||
[Analyze grammar]

prāptaṃ niśamya naralocanapānapātram |
autsukyaviślathitakeśa dukūlabandhāḥ |
sadyo visṛjya gṛhakarma patīṃśca talpe |
draṣṭuṃ yayuryuvatayaḥ sma narendramārge || 34 ||
[Analyze grammar]

tasmin susaṅkula ibhāśvarathadvipadbhiḥ |
kṛṣṇaṃsabhāryamupalabhya gṛhādhirūḍhāḥ |
nāryo vikīrya kusumairmanasopaguhya |
susvāgataṃ vidadhurutsmayavīkṣitena || 35 ||
[Analyze grammar]

ūcuḥ striyaḥ pathi nirīkṣya mukundapat‍nīḥ |
tārā yathoḍupasahāḥ kimakāryamūbhiḥ |
yaccakṣuṣāṃ puruṣamaulirudārahāsa |
līlāvalokakalayotsavamātanoti || 36 ||
[Analyze grammar]

tatra tatropasaṅgamya paurā maṅgalapāṇayaḥ |
cakruḥ saparyāṃ kṛṣṇāya śreṇīmukhyā hatainasaḥ || 37 ||
[Analyze grammar]

antaḥpurajanaiḥ prītyā mukundaḥ phullalocanaiḥ |
sasambhramairabhyupetaḥ prāviśad rājamandiram || 38 ||
[Analyze grammar]

pṛthā vilokya bhrātreyaṃ kṛṣṇaṃ tribhuvaneśvaram |
prītātmotthāya paryaṅkāt sasnuṣā pariṣasvaje || 39 ||
[Analyze grammar]

govindaṃ gṛhamānīya devadeveśamādṛtaḥ |
pūjāyāṃ nāvidat kṛtyaṃ pramodopahato nṛpaḥ || 40 ||
[Analyze grammar]

pitṛsvasurgurustrīṇāṃ kṛṣṇaścakre'bhivādanam |
svayaṃ ca kṛṣṇayā rājan bhaginyā cābhivanditaḥ || 41 ||
[Analyze grammar]

śvaśrvā sañcoditā kṛṣṇā kṛṣṇapat‍nīśca sarvaśaḥ |
ānarca rukmiṇīṃ satyāṃ bhadrāṃ jāmbavatīṃ tathā || 42 ||
[Analyze grammar]

kālindīṃ mitravindāṃ ca śaibyāṃ nāgnajitīṃ satīm |
anyāścābhyāgatā yāstu vāsaḥsraṅmaṇḍanādibhiḥ || 43 ||
[Analyze grammar]

sukhaṃ nivāsayāmāsa dharmarājo janārdanam |
sasainyaṃ sānugāmatyaṃ sabhāryaṃ ca navaṃ navam || 44 ||
[Analyze grammar]

tarpayitvā khāṇḍavena vahniṃ phālgunasaṃyutaḥ |
mocayitvā mayaṃ yena rājñe divyā sabhā kṛtā || 45 ||
[Analyze grammar]

uvāsa katicin māsān rājñaḥ priyacikīrṣayā |
viharan rathamāruhya phālgunena bhaṭairvṛtaḥ || 46 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ daśamaskandhe uttarārdhe |
kṛṣṇasya iṃdraprasthagamanaṃ nāma ekasaptatitamo'dhyāyaḥ || 71 ||
[Analyze grammar]