Appendix II - Padacandrikā

dvādaśādityaścaitrādiṣu tapanti ye |
viṣṇuyamavivasvanto'ṃśumān parjanya ityapi ||
varuṇendradhātṛmitrāḥ pūṣāstvaṣṭā bhagaḥ paraḥ |
kraturdakṣo vasuḥ satyaḥ kālaḥ kāmo dhṛtiḥkuruḥ ||
purūravā mādravāśca viśvedevā daśa smṛtāḥ |
dhruvo dhavaśca somaścaviṣṇuścaivānilo'nalaḥ ||
pratyūṣaśca prabhāsaśca āṣṭaite vasava smṛtāḥ |
prāṇāpānāvudānāśca samāno vyāna ityapi ||
cakṣuḥ śrotraṃ raso ghrāṇaḥ sparśo buddhirmanastathā |
dvādaśaite hi tuṣitā devāḥ svārociṣe'ntare ||
ātmā jñātā damo dāntaḥ śāntirjñānaṃ śamastapaḥ |
kāmaḥ krodho mado moho dvādaśā'bhāsvarā ime ||
vāyuskandhāḥ sapta teṣāmekaikaḥ sapta saptabhiḥ |
āmeghādevāvahādi ruparyuparisaṃsthitāḥ ||
dvau śukla dyotirādityau nando haristapāstathā |
citrajyotiḥ satyajyoti rjyotimān skanda āvahaḥ ||
ṛtajit satyajit senājida mitrāvamitrajit |
bhūrimitrasuṣeṇau cetyabhānoḥ pravaho gaṇaḥ ||
ṛtaḥ satyo dhruvo dhartā vidhartā ca vidhāraṇaḥ |
varuṇaśca tṛtīyo'yamācandrādudvaho gaṇaḥ ||
ghāsvānto naya ugraśca bhīmaḥ kṣemaḥ (pa) śca sāhvayaḥ|
ābhiyugmo'tha cābhedyaścaturthaḥ saṃvaho gaṇaḥ ||
syustādṛgīdṛganyādṛkpratidṛṅmitasammitāḥ |
sambhavaścetyagrahebhyaḥ pañcamo vivaho gaṇaḥ ||
īdṛkṣaḥ puruṣo'nyādṛg yamitā samadṛk tathā |
kṣāmaśca pratidṛkṣaścetyasaptarṣeḥ parāvahaḥ ||
marudindraḥ sarabhasaḥ sāmajño mānuṣo viśaḥ |
devīviṣo'ndhadharmā ca skandaḥ saptama ādhruvāt ||
mahārājikāstu satyasudhanvasavanādayaḥ viṃśatyadhika—śatadvayasaṅkhyātā
granthagauravabhayānna darśitāḥ | sādhyā āpi dvādaśaiva |
mano mantraśca prāṇaśca nayo pāno harastathā |
nārāyaṇo naraścaivaṃ haṃsaścittistathā vibhuḥ |
prabhuśca dvādaśaivaite sādhyā rudrāḥ punastvime |
vahano nairṛtiḥ sarpo mṛgavyādhakapālinau ||
ājairkapādahirbudhnaḥ senānīraparājitaḥ |
mahātejāḥ piṇākī ca kvacidaṅgārakādayaḥ ||
rudrā dhṛtikurusthane kvacittu dhurilocanau |
tathādityaprabhṛtayaḥ kvacitanyādṛśāstvime ||
prayojanavaśāttarpaṇādau purāṇabhedataḥ ||