Chapter CCXVI

śrīvālmīkiruvāca |
etatte kathitaṃ rājankumbhayoneḥ subhāṣitam |
amunā tattvamārgeṇa tatpadaṃ prāpsyasi dhruvam || 1 ||
[Analyze grammar]

rājovāca |
bhagavanbhavato dṛṣṭirbhavabandhavināśanī |
ālokito yayā cāhamuttīrṇo'smi bhavāmbudheḥ || 2 ||
[Analyze grammar]

devadūta uvāca |
ityuktvāsau tato rājā vismayotphullalocanaḥ |
uvāca vacanaṃ māṃ tu madhura ślakṣṇayā girā || 3 ||
[Analyze grammar]

rājovāca |
devadūta namastubhyaṃ kuśalaṃ cāstu te vibho |
satāṃ sāptapadaṃ maitramityuktaṃ tattvayā kṛtam || 4 ||
[Analyze grammar]

idānīṃ gaccha bhadraṃ te devarājaniveśanam |
anena śravaṇenāhaṃ nirvṛto mudito'pi ca || 5 ||
[Analyze grammar]

śrutārthaṃ cintayannatra sthāsyāmi vigatajvaraḥ |
ityukto'haṃ tato bhadre paraṃ vismayamāgataḥ || 6 ||
[Analyze grammar]

na śrutaṃ pūrvamevaitajptānasāraṃ śrutaṃ mayā |
tenaiva muditaścāntaḥ pītāmṛta ivādhunā || 7 ||
[Analyze grammar]

tato vālmīkimāpṛcchaya āgato'smi tvadantike |
etatte sarvamākhyātaṃ tvayā pṛṣṭaṃ mamānaghe |
itaḥ paraṃ gamiṣyāmi śakrasya sadanaṃ prati || 8 ||
[Analyze grammar]

apsarā uvāca |
namo'stu te mahābhāga devadūta tvayā mama |
śrāvitādarthavijñānātparāṃ nirvṛtimāgatā || 9 ||
[Analyze grammar]

kṛtārthā vītaśokāsmi sthāsyāmi vigatajvarā |
idānīṃ gaccha bhadraṃ te yathecchaṃ śakrasaṃnidhau || 10 ||
[Analyze grammar]

agniveśya uvāca |
tataḥ sā suruciḥ śreṣṭhā tamevārthamacintayat |
sthitā sā himavatpṛṣṭhe samīpe gandhamādane || 11 ||
[Analyze grammar]

kaccidetacchrutaṃ putra vasiṣṭhasyopadeśanam |
tatsarvamavadhāryātha yathecchasi tathā kuru || 12 ||
[Analyze grammar]

kāruṇya uvāca |
smṛtirvāgdṛṣṭisattā ca svapne vandhyāsute'jale |
marīcikā yathā tadvajjñānātsāṃsārikī sthitiḥ || 13 ||
[Analyze grammar]

mama nāsti kṛtenārtho nākṛteneha kaścana |
yathāprāptena tiṣṭhāmi hyakarmaṇi ka āgrahaḥ || 14 ||
[Analyze grammar]

agastiruvāca |
ityuktvā nāma kāruṇya agniveśyasutaḥ kṛtī |
prāptakarmā yathānyāyaṃ kāle kāle hyupāharat || 15 ||
[Analyze grammar]

saṃdeho'tra na kartavyaḥ sutīkṣṇa jñānakarmaṇi |
saṃśayādbhraśyate svārthātsaṃśayātmā vinaśyati || 16 ||
[Analyze grammar]

etacchrutvā munervākyamanekārthaikyabodhanam |
namaskṛtya guruṃ prāha antike vinayānvitaḥ || 17 ||
[Analyze grammar]

sutīkṣṇa uvāca |
naṣṭamajñānatatkāryaṃ prāptaṃ jñānamanuttamam |
sākṣiṇi sphuritābhāse dhruve dīpa iva kriyāḥ || 18 ||
[Analyze grammar]

sati yasminpravartante vittehāḥ spandapūrvikāḥ |
kaṭakāṅgadakeyūranūpurairiva kāñcanam || 1 ||
[Analyze grammar]

payasīva taraṅgālī yasmātsphurati dṛśyabhūḥ |
tadevedaṃ jagatsarvaṃ pūrṇe pūrṇaṃ vyavasthitam || 20 ||
[Analyze grammar]

yathāprāpto'nuvartāmi ko laṅghayati sadvacaḥ |
bhagavaṃstvatprasādena jñātajñeyo'smi saṃsthitaḥ || 21 ||
[Analyze grammar]

kṛtārtho'haṃ namaste'stu daṇḍavatpatito bhuvi |
guroruttīrṇatā kena śiṣyāṇāmasti karmaṇā || 22 ||
[Analyze grammar]

kāyavāṅmanasā tasmācchiṣyairātmanivedanam |
guroruttīrṇatā saiva nānyā kenāpi karmaṇā || 23 ||
[Analyze grammar]

svāmiṃstava prasādena uttīrṇo'haṃ bhavāmbudheḥ |
āpūritajagajjālaṃ sthitosmi gatasaṃśayaḥ || 24 ||
[Analyze grammar]

yatsarvaṃ khalvidaṃ brahma tajjalāniti ca sphuṭam |
śrutvā hyudīryate sāmni tasmai brahmātmane namaḥ || 25 ||
[Analyze grammar]

brahmānandaṃ paramasukhadaṃ kevalaṃ jñānamūrtiṃ dvandvātītaṃ gaganasadṛśaṃ tattvamasyādilakṣyam |
ekaṃ nityaṃ vimalamacalaṃ sarvadhīsākṣibhūtaṃ bhāvātītaṃ triguṇarahitaṃ śrīvasiṣṭhaṃ natāḥsmaḥ || 26 ||
[Analyze grammar]

a ityārṣe śrīvāsiṣṭhamahārāmāyaṇe vālmīkīye devadūtokte mokṣopāyeṣu nirvāṇaprakaraṇe uttarārdhe bālakāṇḍe || 27 ||
[Analyze grammar]