Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter CCXV
śrīvālmīkiruvāca |
bharadvāja mahābuddhe mama śiṣyādhināyaka |
iti rāmādayo jñātajñeyā niḥśokatāṃ gatāḥ || 2 ||
[Analyze grammar]
etāmeva dṛśaṃ kāntāmavaṣṭabhya yathāsukham |
nīrāgastiṣṭha niḥśaṅko jīvanmuktaḥ praśāntadhīḥ || 2 ||
[Analyze grammar]
dhīranabhyastasaṅgā hi rāmādīnāmivānagha |
ghanamohanimagnāpi vimūḍhāpi na muhyati || 3 ||
[Analyze grammar]
evamete mahāsattvā jīvanmuktapadaṃ gatāḥ |
rājaputrā rāghavādyā rājā daśarathādayaḥ || 4 ||
[Analyze grammar]
tvaṃ ca putra bharadvāja svayamevāsi muktadhīḥ |
satyaṃ muktataro'syadya śrutvemāṃ mokṣasaṃhitām || 5 ||
[Analyze grammar]
mokṣopāyānimānpuṇyānpratyakṣānubhavārthadān |
bālopyākarṇya tajjñatvaṃ yāti kā tvādṛśe kathā || 6 ||
[Analyze grammar]
yathā padaṃ puṇyamanuprayātā mahānubhāvā raghavo viśokāḥ |
vasiṣṭhavākyaprasareṇa sādho gantavyamādyaṃ padamevameva || 7 ||
[Analyze grammar]
satāṃ nayenottamasevayā ca praśnena codārakathāgatena |
vindanti vedyaṃ sudhiyo'pramattā vasiṣṭhasaṅgādiva rāghavādyāḥ || 8 ||
[Analyze grammar]
tṛṣṇāvaratrādṛḍhabandhabaddhā ye granthayo'jñasya hṛdi prarūḍhāḥ |
sarve hi te mokṣakathāvicārādbālā hyabālā iva yāntyabhedam || 9 ||
[Analyze grammar]
mokṣābhyupāyānsumahānubhāvān jñāsyanti ye tattvavidāṃ variṣṭhāḥ |
punaḥ sameṣyanti na saṃsṛtiṃ te ko'rthaḥ sutā'nyena bahūditena || 10 ||
[Analyze grammar]
bahuśrutā ye pravicārya samyakprabodhitārthe kathayā janāya |
santo vadiṣyanti punaḥ śiśutvaṃ na te prayāsyanti kimanyavākyaiḥ || 11 ||
[Analyze grammar]
ye vācayiṣyantyanapekṣitārthā ye lekhayiṣyanti ca pustakaṃ vā |
ye kārayiṣyantyapi vācakaṃ vā vyākhyātṛyuktaṃ śubhamāryadeśe || 12 ||
[Analyze grammar]
te rājasūyasya phalena yuktā muhurmuhuḥ svargamudārasattvāḥ |
mokṣaṃ prayāsyanti tṛtīyajanmalābhena lakṣmīmiva puṇyavantaḥ || 13 ||
[Analyze grammar]
imāṃ purā mokṣamayīṃ vicārya susaṃhitāṃ sadvacanādviriñcaḥ |
prayuktavānetadacintyarūpo bhavantyasatyāśca na tasya vācaḥ || 14 ||
[Analyze grammar]
mokṣābhyupāyākhyakathāprabandhe yāte samāptiṃ sudhiyā prayatnāt |
suveśma dattvābhimatānnapānadānena viprāḥ paripūjanīyāḥ || 15 ||
[Analyze grammar]
deyaṃ ca tebhyaḥ khalu dakṣiṇādi cittepsitaṃ svasya dhanasya śaktyā |
matvānurūpaṃ kṛtameva saṅgapuṇyaṃ yathāśāstramupaityasau tat || 16 ||
[Analyze grammar]
etatte kathitaṃ kathākramaśatairbodhāya buddhairvṛhacchāstraṃ bṛṃhitabrahmatattvamamalaṃ dṛṣṭāntayuktyāñcitam |
śrutvaitacciranirvṛtiṃ bhaja bhṛśaṃ jīvadvimuktāśayo lakṣmīṃ jñānatapaḥkriyākramayutāṃ bhuktvā'kṣayāmakṣayaḥ || 17 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter CCXV
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!