Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CXCVI

śrīrāma uvāca |
tathā kuru muniśreṣṭha yathā vaivadhikakramam |
asaṃdehamimaṃ samyagavagacchāmi mānada || 1 ||
[Analyze grammar]

śrīvasiṣṭha uvāca |
ye te vaivadhikā rāma ta ete mānavā bhuvi |
teṣāṃ dāridryaduḥkhaṃ yattadajñānaṃ mahātapaḥ || 2 ||
[Analyze grammar]

yattanmahāvanaṃ proktaṃ guruśāstrakramādi tat |
yadudyatāste grāsārthaṃ janā bhogārthino hi te || 3 ||
[Analyze grammar]

bhogaughāḥ siddhimāyāntu mama niṣkṛpaṇo janaḥ |
anapekṣitakāryārthaḥ śāstrādau saṃpravartate || 4 ||
[Analyze grammar]

bhogārthaṃ saṃpravṛtto'pi prāpnotyabhyāsataḥ kramāt |
jantuścintitamevādyapadaṃ paravaśo'pi san || 5 ||
[Analyze grammar]

dārvarthamudyato bhāvī yathā saṃprāptavānmaṇim |
bhogārthamāttaśāstro'yaṃ tathāpnoti janaḥ padam || 6 ||
[Analyze grammar]

kiṃ syācchāstravicārābhyāmiti saṃdehalīlayā |
kaścitpravartate paścādāpnoti padamuttamam || 7 ||
[Analyze grammar]

adṛṣṭottamatattvārthaḥ śāstrādau saṃpravartate |
saṃdehenārthabhogārthaṃ janaḥ prāpnoti tatpadam || 8 ||
[Analyze grammar]

anyathā saṃpravartante śāstrairvāsanayā janāḥ |
anyadāsādayantyādyaṃ maṇiṃ vaivadhikā iva || 9 ||
[Analyze grammar]

paropakāre'virataṃ svabhāvena pravartate |
yaḥ sa sādhuriti proktaḥ pramāṇaṃ tvasya ceṣṭitam || 10 ||
[Analyze grammar]

sādhvācāravaśālloko bhogasaṃprāptiśaṅkayā |
saṃdehaścāpyatattvajñaḥ śāstrādau saṃpravartate || 11 ||
[Analyze grammar]

bhogārthaṃ saṃpravṛtto'sau bhogamokṣāvubhāvapi |
tasmātprāpnoti dārvarthī vanāccintāmaṇiṃ yathā || 12 ||
[Analyze grammar]

keciccandanadārūṇi keciccintāmaṇiṃ maṇim |
kecitsāmānyaratnāni prāpnuvanti yathā vanāt || 13 ||
[Analyze grammar]

kecitkāmaṃ kecidarthaṃ keciddharmatrayaṃ tu vā |
kecinmokṣamaśeṣaṃ ca labhante śāstratastathā || 14 ||
[Analyze grammar]

vargatrayopadeśo hi śāstrādiṣvasti rāghava |
brahmaprāptistvavācyatvānnāsti tacchāsaneṣvapi || 15 ||
[Analyze grammar]

kevalaṃ sarvavākyārthairdhvanyamānāvagamyate |
kālaśrīḥ prasaveneva svayaṃ svānubhavena sā || 16 ||
[Analyze grammar]

sarvārthātigataṃ śāstre vidyate brahmavedanam |
sarvagātigataṃ svacchaṃ lāvaṇyamiva yoṣiti || 17 ||
[Analyze grammar]

na śāstrānna gurorvākyānna dānānneśvarārcanāt |
eṣa sarvapadātīto bodhaḥ saṃprāpyate paraḥ || 18 ||
[Analyze grammar]

etānyakaraṇānyeva kāraṇatvaṃ gatānyalam |
paramātmaikaviśrāntau yathā rāghava tacchṛṇu || 11 ||
[Analyze grammar]

śāstrādabhyāsayogena cittaṃ yātaṃ viśuddhatām |
anicchadevamevāśu padaṃ paśyati pāvanam || 20 ||
[Analyze grammar]

etacchāstrādavidyāyāḥ sāttviko bhāga ucyate |
tāmasaḥ sāttvikenāsyābhāgenāyāti saṃkṣayam || 21 ||
[Analyze grammar]

nūnaṃ malaṃ pradhānena kṣālavacchāstrarūpiṇā |
puruṣaḥ śuddhatāmeti paramāṃ vastuśaktitaḥ || 22 ||
[Analyze grammar]

anicchayoreva yathā saptasaptisamudrayoḥ |
prāgadṛśyaṃ tṛtīyatvaṃ svabhāvavaśataḥ svataḥ || 23 ||
[Analyze grammar]

svasaṃnidhānamātreṇa viditapratibhāsanam |
sadasanmayamābhogi pratibimbaṃ pravartate || 24 ||
[Analyze grammar]

mumukṣuśāstrayorevaṃ mithaḥ saṃbandhamātrataḥ |
sarvasaṃvitpadātītamātmajñānaṃ pravartate || 25 ||
[Analyze grammar]

anayoḥ prekṣaṇāddehe viveko jāyate yathā |
tathā svabhāvataḥ śāstravivekājjñeyavedanam || 26 ||
[Analyze grammar]

loṣṭena loṣṭaṃ salile kṣālayanbālako yathā |
kṣayeṇa loṣṭayorhastanairmalyaṃ labhate param || 27 ||
[Analyze grammar]

tathā śāstravikalpaughairvikalpāṃścetanādbudhaḥ |
kṣālayansvavicāreṇa paramāṃ yāti śuddhatām || 28 ||
[Analyze grammar]

mahāvākyārthaniṣyandaṃ svātmajñānamavāpyate |
śāstrāderikṣurasataḥ svādviva svānubhūtitaḥ || 29 ||
[Analyze grammar]

prabhābhityoḥ samāsaṅgādyathā''loko'nubhūyate |
śrutaśrutavatoḥ saṅgādātmajñānaṃ tathā bhavet || 30 ||
[Analyze grammar]

trivargamātrasiddhyai yanna mokṣāya ca tacchrutam |
vipulaśrutacarcāsu tucchamaśrutameva tat || 31 ||
[Analyze grammar]

tacchrutaṃ yatkila jñaptyai sā jñaptiḥ samatā yayā |
tatsāmyaṃ yatra sauṣuptī sthitirjāgrati jāyate || 32 ||
[Analyze grammar]

evaṃ hi sarvametattacchāstrādeḥ samavāpyate |
tasmātsarvaprayatnena śāstrādyabhyāsamāharet || 33 ||
[Analyze grammar]

śāstrārthabhāvanavaśena girā gurūṇāṃ satsaṅgamena niyamena śamena rāma |
tatprāpyate sakalaviśvapadādatītaṃ sarveśvaraṃ paramamādyamanādiśarma || 34 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter CXCVI

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: