Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CLXXXIV

kundadanta uvāca |
ityuktavānasau pṛṣṭaḥ kadambatalatāpasaḥ |
saptadvīpā bhuvo'ṣṭau tāḥ kathaṃ bhātā gṛheṣviti || 1 ||
[Analyze grammar]

kadambatāpasa uvāca |
ciddhāturīdṛgevāyaṃ yadeṣa vyomarūpyapi |
sarvago yatra yatrāste tatra tatrātmani svayam || 2 ||
[Analyze grammar]

ātmānamitthaṃ trailokyarūpeṇānyena vā nijam |
paripaśyati rūpaṃ svamatyajanneva khātmakam || 3 ||
[Analyze grammar]

kundadanta uvāca |
ekasminvimale śānte śive paramakāraṇe |
kathaṃ svabhāvasaṃsiddhā nānātā vāstavī sthitā || 4 ||
[Analyze grammar]

kadambatāpasa uvāca |
sarvaṃ śāntaṃ cidākāśe nānāstīha na kiṃcana |
dṛśyamānamapi sphāramāvartātmā yathāmbhasi || 5 ||
[Analyze grammar]

asatsveṣu padārtheṣu padārthā iti bhānti yat |
citvaṃ svapnasuṣuptātma tattasyācchaṃ nijaṃ vapuḥ || 6 ||
[Analyze grammar]

saspando'pi hi niḥspandaḥ parvato'pi na parvataḥ |
yathā svapneṣu cidbhāvaḥ svabhāvo'rthagatastathā || 7 ||
[Analyze grammar]

na svabhāvā na caivārthāḥ santi sarvātmakocite |
sargādau kacitaṃ rūpaṃ yadyathā tattathā sthitam || 8 ||
[Analyze grammar]

na ca nāma paraṃ rūpaṃ kacanākacanātmakam |
dravyātmā cicca cidvyoma sthitamitthaṃ hi kevalam || 9 ||
[Analyze grammar]

ekaiva cidyathā svapne senāyāṃ janalakṣatām |
gatevācchaiva kacati tathaivāsyāḥ padārthatā || 10 ||
[Analyze grammar]

yatsvataḥ svātmani svacche citkhaṃ kacakacāyate |
tattenaiva tadākāraṃ jagadityanubhūyate || 11 ||
[Analyze grammar]

asatyapi yathā vahnāvuṣṇasaṃviddhi bhāsate |
saṃvinmātrātmake vyomni tathārthaḥ svasvabhāsakaḥ || 12 ||
[Analyze grammar]

asatyapi yathā stambhe svapne khe stambhatā vidaḥ |
tathedamasyā nānātvamananyadapi cānyavat || 13 ||
[Analyze grammar]

ādisarge padārthatvaṃ tatsvabhāvācchameva ca |
cidvyomnā yadyathā buddhaṃ tattathādyāpi vindate || 14 ||
[Analyze grammar]

puṣpe patre phale stambhe tarureva yathā tataḥ |
sarvaṃ sarvatra sarvātma parameva tathā'param || 11 ||
[Analyze grammar]

paramārthāmbarāmbhodhāvāpaḥ sargaparaṃparā |
paramārthamahākāśe śūnyatā sargasaṃvidaḥ || 16 ||
[Analyze grammar]

paramārthaśca sargaśca paryāyau taruvṛkṣavat |
bodhādetadabodhāttu dvaitaṃ duḥkhāya kevalam || 17 ||
[Analyze grammar]

paramārtho jagaccedamekamityeva niścayaḥ |
adhyātmaśāstrabodhena bhavepsaiṣā hi muktatā || 18 ||
[Analyze grammar]

saṃkalpasya vapurbrahma saṃkalpakacidākṛteḥ |
tadeva jagato rūpaṃ tasmādbrahmātmakaṃ jagat || 19 ||
[Analyze grammar]

yato vāco nivartante na nivartanta eva vā |
vidhayaḥ pratiṣedhāśca bhāvābhāvadṛśastathā || 20 ||
[Analyze grammar]

amaunamaunaṃ jīvātma yatpāṣāṇavadāsanam |
yatsadevāsadābhāsaṃ tadbrahmābhidhamucyate || 21 ||
[Analyze grammar]

sarvasminnekasughane brahmaṇyeva nirāmaye |
kā pravṛttirnivṛttiḥ kā bhāvābhāvādivastunaḥ || 22 ||
[Analyze grammar]

ekasyāmeva nidrāyāṃ suṣuptasvapnavibhramāḥ |
yadā bhāntyavicitrāyāṃ citrā iva nirantarāḥ || 23 ||
[Analyze grammar]

etasyāṃ citkhasattāyāṃ tathā mūlakasargakāḥ |
bahavo bhāntyacitrāyāṃ citrā iva nirantarāḥ || 24 ||
[Analyze grammar]

dravye dravyāntaraṃ śliṣṭaṃ yatkāryāntaramākṣipet |
tadvadantastathābhūtacitsāraṃ sphuraṇaṃ mithaḥ || 25 ||
[Analyze grammar]

sarve padārthāścitsāramātramapratighāḥ sadā |
yathā bhānti tathā bhānti cinmātraikātmatāvaśāt || 26 ||
[Analyze grammar]

cinmātraikātmasāratvādyathā saṃvedanaṃ sthitāḥ |
niḥspandā nirmanaskārāḥ sphuranti dravyaśaktayaḥ || 27 ||
[Analyze grammar]

avidyamānamevedaṃ dṛśyate'thānubhūyate |
jagatsvapna ivāśeṣaṃ sarudropendrapadmajam || 28 ||
[Analyze grammar]

vicitrāḥ khalu dṛśyante cijjale spandarītayaḥ |
harṣāmarṣaviṣādotthajaṅgamasthāvarātmani || 29 ||
[Analyze grammar]

svabhāvavātādhūtasya jagajjālacamatkṛteḥ |
hā cinmarīcipāṃśvabhranīhārasya visāritā || 30 ||
[Analyze grammar]

yathā keśoṇḍrakaṃ vyomni bhāti vyāmalacakṣuṣaḥ |
tathaiveyaṃ jagadbhāntirbhātyanātmavido'mbare || 31 ||
[Analyze grammar]

yāvatsaṃkalpitaṃ tāvadyathā saṃkalpitaṃ tathā |
yathā saṃkalpanagaraṃ kacatīdaṃ jagattathā || 32 ||
[Analyze grammar]

saṃkalpanagare yāvatsaṃkalpasakalā sthitiḥ |
bhavatyevāpyasadrūpā satīvānubhave sthitā || 33 ||
[Analyze grammar]

pravahatyeva niyatirniyatārthapradāyinī |
sthāvaraṃ jaṅgamaṃ caiva tiṣṭhatyeva yathākramam || 34 ||
[Analyze grammar]

jāyate jaṅgamaṃ jīvātsthāvaraṃ sthāvarādapi |
niyatyādho vahatyambu gacchatyūrdhvamathānalaḥ || 35 ||
[Analyze grammar]

vahanti dehayantrāṇi jyotīṃṣi pratapanti ca |
vāyavo nityagatayaḥ sthitāḥ śailādayaḥ sthirāḥ || 36 ||
[Analyze grammar]

jyotirmayaṃ vivṛttaṃ tu dhārāsārāmbarīkṛtam |
yugasaṃvatsarādyātma kālacakraṃ pravartate || 37 ||
[Analyze grammar]

bhūtalaikāntarābdhyadrisaṃniveśaḥ sthitāyate |
bhāvābhāvagrahotsargadravyaśaktiśca tiṣṭhati || 38 ||
[Analyze grammar]

kundadanta uvāca |
prāgdṛṣṭaṃ smṛtimāyāti tatsvasaṃkalpanānyataḥ |
bhāti prathamasarge tu kasya prāgdṛṣṭabhāsanam || 39 ||
[Analyze grammar]

tāpasa uvāca |
apūrvaṃ dṛśyate sarvaṃ svapne svamaraṇaṃ yathā |
prāgdṛṣṭaṃ dṛṣṭamityeva tatraivābhyāsataḥ smṛtiḥ || 40 ||
[Analyze grammar]

cittvāccidvyomni kacati jagatsaṃkalpapattanam |
na sannāsadidaṃ tasmādbhātābhātaṃ yataḥ svataḥ || 41 ||
[Analyze grammar]

citprasādena saṃkalpasvapnādyadyānubhūyate |
śuddhaṃ cidvyoma saṃkalpapuraṃ mā smaryatāṃ katham || 42 ||
[Analyze grammar]

harṣāmarṣavinirmuktairduḥkhena ca sukhena ca |
prakṛtenaiva mārgeṇa jñaiścakrairiva gamyate || 43 ||
[Analyze grammar]

nidrāvyapagame svapnanagare yādṛśaṃ smṛtau |
cidvyomātma paraṃ viddhi tādṛśaṃ trijagadbhramam || 44 ||
[Analyze grammar]

saṃvidābhāsamātraṃ yajjagadityabhiśabditam |
tatsaṃvidvyoma saṃśāntaṃ kevalaṃ viddhi netarat || 45 ||
[Analyze grammar]

yasminsarvaṃ yataḥ sarvaṃ yatsarvaṃ sarvataśca yat |
sarvaṃ sarvatayā sarvaṃ tatsarvaṃ sarvadā sthitam || 46 ||
[Analyze grammar]

yatheyaṃ saṃsṛtirbrāhmī bhavato yadbhaviṣyati |
yathā bhānaṃ ca dṛśyasya tadetatkathitaṃ mayā || 47 ||
[Analyze grammar]

uttiṣṭhataṃ vrajatamāspadamahni padmaṃ bhṛṅgāvivābhimatamāśu vidhīyatāṃ svam |
tiṣṭhāmi duḥkhamalamastasamādhisaṃsthaṃ bhūyaḥ samādhimahamaṅga ciraṃ viśāmi || 48 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter CLXXXIV

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: