Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CLXXIV

śrīvasiṣṭha uvāca |
sargādau svapnasaṃvittyā cidevābhāti kevalā |
jagadityavabhāseva brahmaivāto jagattrayam || 1 ||
[Analyze grammar]

sargāstaraṅgā brahmābdhesteṣu saṃvedanaṃ dravaḥ |
sargāntaraṃ sukhādyātma dvaitaikyādītaratkutaḥ || 2 ||
[Analyze grammar]

yathā svapnasuṣuptātma nidrārūpakameva kham |
dṛśyādṛśyāṃśamekātmarūpaṃ cinnabhasastathā || 3 ||
[Analyze grammar]

jāgrati svapnanagaraṃ yādṛktādṛgidaṃ jagat |
parijñātaṃ bhavedatra kathamāsthā vivekinaḥ || 4 ||
[Analyze grammar]

sargādau sargasaṃvitteryathābhūtārthavedanāt |
jāgrati svāpnanagaraṃ yādṛśaṃ tādṛśaṃ jagat || 5 ||
[Analyze grammar]

jāgrati svapnanagaravāsanā vividhā yathā |
satyā api na satyāstā jāgratyo vāsanāstathā || 6 ||
[Analyze grammar]

anyathopaprapadyeha kalpyate yadi kāraṇam |
tatkiṃ nedīyasī nātra bhrāntatā kalpyate tathā || 7 ||
[Analyze grammar]

svānubhūyata eveyaṃ bhrāntiḥ svapnajagatsviva |
kāraṇaṃ tvanumāsādhyaṃ kvānumā'nubhavādhikā || 8 ||
[Analyze grammar]

dṛṣṭamapyasti yanneśe na cātmani vicāritam |
anyathānupapattyāntarbhrāntyātma svapnaśailavat || 9 ||
[Analyze grammar]

nirvikalpaṃ paraṃ jāḍyaṃ savikalpaṃ tu saṃsṛtiḥ |
dhyānaṃ tena samādhānaṃ na saṃbhavaṃti kiṃcana || 10 ||
[Analyze grammar]

sacetyaṃ saṃsṛtirdhyānamacetyaṃ tūpalasthiti |
mokṣo nopalavadbhānaṃ na vikalpātmakaṃ tataḥ || 11 ||
[Analyze grammar]

na ca nāmopalābhena nirvikalpasamādhinā |
anyadāsādyate kiṃcillabhyate kiṃ svanidrayā || 12 ||
[Analyze grammar]

tasmātsamyakparijñānādbhrāntimātraṃ vivekinaḥ |
sargātyantāsaṃbhavato yo jīvanmuktatodayaḥ || 13 ||
[Analyze grammar]

nirvikalpaṃ samādhānaṃ tadanantamihocyate |
yathāsthitamavikṣubdhamāsanaṃ sarvabhāsanam || 14 ||
[Analyze grammar]

tadanantasuṣuptākhyaṃ tatturīyamiti smṛtam |
tannirvāṇamiti proktaṃ tanmokṣa iti śabditam || 15 ||
[Analyze grammar]

samyagbodhaikaghanatā yāsau dhyānamiti smṛtam |
dṛśyātyantāsaṃbhavātma bodhamāhuḥ paraṃ padam || 16 ||
[Analyze grammar]

tacca nopalavajjāḍyaṃ na suṣuptopamaṃ bhavet |
na nirvikalpaṃ na ca vā savikalpaṃ na vā'pyasat || 17 ||
[Analyze grammar]

dṛśyātyantāsaṃbhavātma tadevādyaṃ hi vedanam |
tatsarvaṃ tanna kiṃcicca tadvadevāṅga vetti tat || 18 ||
[Analyze grammar]

samyakprabodhānnirvāṇaṃ paraṃ tatsamudāhṛtam |
yathāsthitamidaṃ viśvaṃ tatrālaṃ pralayaṃ gatam || 19 ||
[Analyze grammar]

na tatra nānā'nānā na na ca kiṃcinna kiṃcana |
samastasadasadbhāvasīmāntaḥ sa udāhṛtaḥ || 20 ||
[Analyze grammar]

atyantāsaṃbhavaṃ dṛśyaṃ yadvai nirvāṇamāsitam |
śuddhabodhodayaṃ śāntaṃ tadviddhi paramaṃ padam || 21 ||
[Analyze grammar]

sa ca saṃprāpyate śuddho bodho dhyānamanuttamam |
śāstrātpadapadārthajñabodhinotpannabuddhinā || 22 ||
[Analyze grammar]

mokṣopāyābhidhaṃ śāstramidaṃ vācayatāniśam |
buddhyupāyena śuddhena puṃsā nānyena kenacit || 23 ||
[Analyze grammar]

na tīrthena na dānena na snānena na vidyayā |
na dhyānena na yogena na tapobhirna cādhvaraiḥ || 24 ||
[Analyze grammar]

bhrāntimātraṃ kiledaṃ sadasatsadiva lakṣyate |
vyomaiva jagadākāraṃ svapno'nidre cidambare || 25 ||
[Analyze grammar]

na śāmyati tapastīrthairbhrāntirnāma kadācana |
tapastīrthādinā svargāḥ prāpyante na tu muktatā || 26 ||
[Analyze grammar]

bhrāṃtiḥ śāmyati śāstrārthātsamyagbuddhyāvalokitāt |
ātmajñānamayānmokṣopāyādeveha nānyataḥ || 27 ||
[Analyze grammar]

ālokakāriṇātyarthaṃ śāstrārthenaiva śāmyati |
amalenākhilā bhrāntiḥ prakāśenaiva tāmasī || 28 ||
[Analyze grammar]

sargasaṃhārasaṃsthānāṃ bhāso bhānti cidambare |
spandanānīva maruti dravatvānīva vāriṇi || 29 ||
[Analyze grammar]

dravyasya hṛdyeva camatkṛtirnijā nabhasvataḥ spanda ivāniśaṃ yathā |
yathā sthitā sṛṣṭiriyaṃ tathāstitā layaṃ nabhasyantarananyarūpiṇī || 30 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter CLXXIV

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: