Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CXLI

< Previous

Next >

muniruvāca |
tatra daṃdahyamāno'pi nābhavaṃ duḥkhabhāgaham |
svapne svapno'yamityeṣa jānannagnāvapi cyutaḥ || 1 ||
[Analyze grammar]

jvālājālanavoḍḍītimaṇḍalairakhilairnabhaḥ |
alātacakravaccāru kevalaṃ bhrāntavānaham || 2 ||
[Analyze grammar]

taṃ davāgnimahaṃ yāvattattvavittyādakhinnadhīḥ |
vicārayāmyakhinnātmā mārutastāvadāyayau || 3 ||
[Analyze grammar]

sītkāramatigambhīraṃ dadhanmegharavopamam |
jagatpadārthairāvṛttairuhyamānaiḥ parāvṛtaḥ || 4 ||
[Analyze grammar]

bṛhadbhirghuṃghumāvegairvane dviguṇitāmbudaḥ |
sūryairāvṛttibhirvyūḍhairvimiśrālātacakrakaḥ || 5 ||
[Analyze grammar]

jvālāsaṃdhyābhranivahairvṛhadagninadīśataḥ |
śailadviguṇabhūkhaṇḍadānavāmarapattanaḥ || 6 ||
[Analyze grammar]

bhūtairdviguṇapātraugho bhrāntairambarakukṣiṣu |
dagdhādagdhābhirapyardhadagdhābhiritaretaram || 7 ||
[Analyze grammar]

patantībhiḥ surastrībhirdviguṇāgniśikhālavaḥ |
patadaṅgāradhāraughakaṇasīkaradanturaḥ || 8 ||
[Analyze grammar]

alātavidyuto dhunvanpūtāṅgārogramaṇḍalīḥ |
dhūmāndhakāraiḥ sthagayanmlānamūrdhvadiśomukham || 9 ||
[Analyze grammar]

bhūmervyomno diṅmukhebhyaḥ samantājjvālāsaṃdhyāvāridā nirgatāste |
yaistairjvālāśailasaṃpiṇḍamātraṃ savyomaukāḥ saṃsthitā saptalokī || 10 ||
[Analyze grammar]

kvāpi protphālakīrṇānalakaṇakapilaprollasanmūrdhajāliḥ kvāpi proḍḍīnakuḍyaḥ kaṭuraṭanapaṭurbhasmasaṃpiṇḍapāṇḍuḥ |
kvāpi jvālāpaṭālīṃ paridadhadabhitaḥ saṃpatantīṃ gṛhītāṃ raudraḥ kartuṃ pravṛtto hara iva sa tadā māruto nṛtyalīlāḥ || 11 ||
[Analyze grammar]