Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter CXXXV

< Previous

Next >

śrīvasiṣṭha uvāca |
mattena bhūtavṛndena kiṃciccheṣīkṛte śave |
idamūcuḥ punardikṣu girau devāḥ savāsavāḥ || 1 ||
[Analyze grammar]

vidyādharāmaravihāravimānabhūmāvapyāstṛtānyaśiśirīkaraṇāya bhūtaiḥ |
medomayāni pavanaprasṛtāmalābhrakhaṇḍāñcitāmbarasamānyurujālakāni || 2 ||
[Analyze grammar]

dvīpeṣu saptasvapi paśya medojalāni bhūtaiḥ pravisāritāni |
bhuktaṃ ca māṃsaṃ rudhiraṃ ca pītaṃ kiṃcidgatā saṃprati dṛśyatāṃ bhūḥ || 3 ||
[Analyze grammar]

medaḥpaṭairāvalitākhilāṅgī kaṣṭaṃ sthitā saṃprati modanā bhūḥ |
medomayaiḥ śāradameghajālaiḥ sakambalānīva vanāni bhānti || 4 ||
[Analyze grammar]

pañcaitāni tadasthīni saṃpannāni mahādrayaḥ |
himādriśikharāṇīva sthitānyāvārya diktaṭam || 5 ||
[Analyze grammar]

śrīvasiṣṭha uvāca |
deveṣu kathayatsvevaṃ kṛtvemāṃ medinīṃ dharām |
medojālaiḥ sa bhūtaugho matto vyomni nanarta ha || 6 ||
[Analyze grammar]

nṛtyatsu bhūtavṛndeṣu śiṣṭaṃ raktaṃ surairbhuvaḥ |
ekapravāheṇaikasminnikṣiptaṃ makarālaye || 7 ||
[Analyze grammar]

surārṇavaṃ tamevainaṃ saṃkalpaṃ vidadhuḥ surāḥ |
tataḥprabhṛti so'dyāpi saṃpanno madirārṇavaḥ || 8 ||
[Analyze grammar]

bhūtāni nṛttamākāśe tāni kṛtvā pibanti tām |
madirāṃ punarākāśe nṛtyantyānandamandire || 9 ||
[Analyze grammar]

pibantyadyāpi tānīva madirāṃ madirārṇavāt |
khe nṛtyanti ca bhūtāni saha yogeśvarīgaṇaiḥ || 10 ||
[Analyze grammar]

teṣāṃ tānyatha bhūtānāṃ medojālāni bhūtale |
vistṛtānyavaśuṣkāṇi sthitāto medinī mahī || 11 ||
[Analyze grammar]

iti kramācchāntimupāgate śave punaḥ pravṛtte dinayāminīkrame |
prajāḥ sasarjātha navāḥ prajāpatiḥ punaḥ sa sargo'bhavadatra pūrvavat || 12 ||
[Analyze grammar]