Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter CXII
śrīvasiṣṭha uvāca |
lokahārāmbaravyālaṃ cedicandanakānanam |
chinnaṃ paraśudhārābhiḥ patitaṃ dakṣiṇārṇave || 1 ||
[Analyze grammar]
parṇavatprohya pūreṇa pārasīkāḥ parasparam |
praharanto vimohena vinaṣṭā vaṃjulāvane || 2 ||
[Analyze grammar]
dardurādrau duranteṣu daradīrṇahṛdantarāḥ |
darīrandhreṣu saṃlīnā daradā dānavā iva || 3 ||
[Analyze grammar]
caturāyudhadhārāgracūrṇanīhāradhāriṇaḥ |
vidyudvalayino vātā vellitāyudhavāridāḥ || 4 ||
[Analyze grammar]
dantino'nyonyamābhagnadantadehaughapīḍitāḥ |
mṛtyūdarombhakagrāsapiṇḍapiṇḍā ivābhavan || 5 ||
[Analyze grammar]
tajjā raivatikā rātrau raudratomaratāḍitāḥ |
rūpikābhiḥ piśācībhirbhuktā bhāgīkṛtāṅgakāḥ || 6 ||
[Analyze grammar]
tālītamālagahane daśārṇā jīrṇajaṅgale |
gale pādaṃ nidhāyāntaḥ kṛttāḥ siṃhairgatāsavaḥ || 7 ||
[Analyze grammar]
paścimārṇavatīrasthā nālikeradharāvanau |
yavanā vigataprāṇā nigīrṇā makarotkaraiḥ || 8 ||
[Analyze grammar]
nārācanikaraṃ nīlaṃ nimeṣaṃ nāsahañchakāḥ |
ramaṭhā nalinīṣaṇḍā iva tāṇḍavitāsavaḥ || 9 ||
[Analyze grammar]
śravaṇābhogaśṛṅgāgro mahendro'drirdivi vrajaiḥ |
vidrutairvalito nīlairjālairjalamucāmiva || 10 ||
[Analyze grammar]
cāmīkaravarākārā bhagnā taṅgaṇavāhinī |
mṛtā hṛtāmbarā corairbhuktaikānte niśācaraiḥ || 11 ||
[Analyze grammar]
dyaurivarkṣabharairāsīttadāsāraṃ bhuvastalam |
vivartamānairabhitaḥ kacadbhirjvalanāyudhaiḥ || 12 ||
[Analyze grammar]
dhārādharadharārandhrapratiśruddhanaghuṃghumā |
jagadgehaguhāsīddyaurghanaṃ gātumivodyatā || 13 ||
[Analyze grammar]
dvipāntarajanāścakrairjarjarā jīvitaṃ jahuḥ |
mīnajaṅgalajambāle jīrṇamatsyā ivājale || 14 ||
[Analyze grammar]
yāvaddvīpā jitāḥ kukṣau sahyādrau samamūrtayaḥ |
āśvasya divasānsapta yayurāyāsamantharam || 15 ||
[Analyze grammar]
gandhamādanapunnāgavanakuñjeṣu puñjitāḥ |
vidyādharakumārībhirgāndhārāḥ parirakṣitāḥ || 16 ||
[Analyze grammar]
hūṇacīnakirātānāṃ muktaistaiścakravarṣaṇaiḥ |
kamalānīva lūnāni śirāṃsyabhimukhānilaiḥ || 17 ||
[Analyze grammar]
nilīpā nalinīnāle kaṇṭakā iva niścalāḥ |
drume drume drumamayā bhayāttvasyāvasaṃściram || 18 ||
[Analyze grammar]
cārusāraṅgaraṅgāsu śailakānanabhūmiṣu |
caturdikkaṃ tadāpātaiḥ saṃpannaṃ kṣobhaṇaṃ ghanam || 19 ||
[Analyze grammar]
kaṇṭakasthalanāmānaḥ kaṇṭakasthalakarkaśāḥ |
kaṇṭakasthalagā āsankaṇṭakasthalamaṇḍale || 20 ||
[Analyze grammar]
pārasīkāḥ paraṃ pūraiḥ pāraṃ prāpya payonidheḥ |
nipetuḥ pavanaiḥ pūtāḥ pralaye tārakā iva || 21 ||
[Analyze grammar]
vavurambhodhikuṭṭākā dṛṣadāṃ kaṭakāṅkitāḥ |
sarvadigvanaluṇṭākā vātāḥ pralayaśaṅkitāḥ || 22 ||
[Analyze grammar]
āsārasārāḥ paṅkāmbuplutāḥ saghanaghuṃghumāḥ |
āsandaśadiśo'dṛśyā bahukṣubdhāyudhānilaiḥ || 23 ||
[Analyze grammar]
nirhrādakāribhirvātairvahacchapachapāravam |
prasasrurbhuvi nīhārā mahārṇavarayā iva || 24 ||
[Analyze grammar]
vidūrasthā rathebhyaśca vīcicītkārakāriṇaḥ |
sarombhasyanilaiḥ petuḥ padmebhya iva ṣaṭpadāḥ || 26 ||
[Analyze grammar]
āyudhaughe'pi cakraughātpādātaṃ valamāvilam |
rajorāśirivāsāre na samarthaṃ palāyane || 26 ||
[Analyze grammar]
hūṇā āmastakaṃ magnā uttarārṇavasaikate |
klinnāstatraiva paṅkāntaḥ pūraṇāvilaśūlavat || 27 ||
[Analyze grammar]
tīrailāvanalekhāsu śakāḥ pūrvapayonidheḥ |
nītā baddhvā dinaṃ muktā na gatā yamasādanam || 28 ||
[Analyze grammar]
mandaṃ mandrā mahendrādrau krandantaḥ patitā divaḥ |
āśvāsitā munivarairnijāśramamṛgā iva || 29 ||
[Analyze grammar]
praviṣṭā yācanaṃ sahye labdhāḥ suravilāddvayam |
anarthenā'rtha āyāti kākatālīyataḥ kvacit || 30 ||
[Analyze grammar]
patitā dardurāraṇye daśārṇā jīrṇaparṇavat |
bhuktvā viṣaphalānyajñā mṛtāstatraiva te svayam || 31 ||
[Analyze grammar]
viśalyakaraṇīṃ bhuktvā kākatālīyayogataḥ |
himādrau haihayā yātā gṛhaṃ vidyādharā iva || 32 ||
[Analyze grammar]
pṛṣṭhanṛmlānakusumā dhanurbhirgṛhamāgatāḥ |
vaṅgā nādyāpi dṛśyante piśācatvamivāgatāḥ || 33 ||
[Analyze grammar]
aṅgā vanaphalairbhuktairvidyādharapadapradaiḥ |
vidyādharībhiḥ krīḍanti divi vidyādharāḥ sthitāḥ || 34 ||
[Analyze grammar]
tālītamālakhaṇḍeṣu patitāḥ pātitāṅgakāḥ |
pārasīkā gatā mohaṃ bhramādvaimānikā iva || 35 ||
[Analyze grammar]
taralāsāramātaṅgaṃ patitaṃ taṅgaṇāṅgaṇe |
aṅgairaṃga kaliṅgānāṃ caturaṅgaṃ valaṃ hatam || 36 ||
[Analyze grammar]
kramatyaribale sālvāḥ śaraśailodakodare |
patitāḥ prabhuṇā sārdhamadyāpyevopalāḥ sthitāḥ || 37 ||
[Analyze grammar]
asaṃkhyāḥ prapalāyantaḥ kakubhaṃ kakubhaṃ prati |
narāḥ sarattaraṅgeṣu sāgareṣu layaṃ gatāḥ || 38 ||
[Analyze grammar]
kṣetrāṭavīpurajalasthalaśailakūlakulyāgrahārasaridabdhibhṛgudrumeṣu |
grāmārapaṭṭigirikūpaguhāgṛheṣu bhraṣṭāni kaḥkalayituṃ kubalāni śaktaḥ || 39 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter CXII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!