![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter LXXXVIII
śrīvasiṣṭha uvāca |
bhūpīṭhena satā tatra mayā tadanu mānava |
anubhūtaṃ nadanadīsvasaṃvedanasaṃsthiteḥ || 1 ||
[Analyze grammar]
kvacinmaraṇasākrandanārīkaruṇavedanam |
kvaciduttāṇḍavastraiṇamahotsavamahāsukham || 2 ||
[Analyze grammar]
kvaciddurvāradurbhikṣadurākrandaṃ durīhitam |
kvacitsakalasasyaughasaṃpannaghanasauhṛdam || 3 ||
[Analyze grammar]
kvacidagnimahādāhadagdhadehogravedanam |
kvacijjalaplavālūnapurapattanakhaṇḍakam || 4 ||
[Analyze grammar]
kvaciccapalasāmantakṛtaluṇṭhanamaṇḍalam |
kvaciduddāmadaurātmyarakṣaḥpaiśācamaṇḍalam || 5 ||
[Analyze grammar]
kvacijjalāśayollāsavellanotpulakāgrakam |
kandarodaraniṣkrāntavātavellitavāridam || 6 ||
[Analyze grammar]
saṃvidbodhonnamatsvāṅgakeśotthāṅkuralomakam |
vārivāhanavikṣobhanatonnatalasattalam || 7 ||
[Analyze grammar]
saśṛṅgabhairavaśvabhrapurādrivanapattanam |
saṃvinmaṇḍalasaṃcālalekhāṅkamṛdukampanam || 8 ||
[Analyze grammar]
kvacitsāmantasaṃkṣubdhasainyasaṃharaṇaṃ raṇe |
kvacitsaumyasukhāsīnasarvasāmantamaṇḍalam || 9 ||
[Analyze grammar]
araṇyaṃ kvacidāśūnyamullasadvātajhaṃkṛti |
jaṃgalaṃ kvacidālūnavyuptasaṃpannasasyakam || 10 ||
[Analyze grammar]
haṃsakāraṇḍavākīrṇasaraḥ phullāmbujaṃ kvacit |
kvacinmarusthalasthūlastambhanārjunamārutam || 11 ||
[Analyze grammar]
kvacinnadanadīvāhahelānikaṣaghargharam |
kvacidaṅkurakāryāṅgasiktabījasya jṛmbhaṇam || 12 ||
[Analyze grammar]
kvacidantastu kīṭāsyamṛduspandanavedanam |
māṃ tvamevāśu buddhveha trāyasvetīva bodhanam || 13 ||
[Analyze grammar]
śākhāparikarābhogaṃ mṛdbhāgāṅganipīḍanaiḥ |
mūlajālamavaṣṭabhya kvacidviṭapadhāriṇam || 14 ||
[Analyze grammar]
anyonyamalamākramya diktaṭāṅganipīḍanaiḥ |
kvacidadrya sthinibiḍairarṇavollāsavellitam || 15 ||
[Analyze grammar]
śuṣkapallavasaṃkocanibiḍāṅganipīḍanam |
amarṣaṇaiḥ karairārkaiḥ svarasākarṣaṇaṃ kvacit || 16 ||
[Analyze grammar]
śṛṅgamandiramātaṅgaprahārāśanibhūruhām |
nibiḍāṅgotkaṭasthairyaparuṣāpatanaṃ kvacit || 17 ||
[Analyze grammar]
nimīlitaikṣaṇānandatanūnāmasamākramam |
kvacitsūkṣmatarollekhamaṅkurollāsanaṃ navam || 18 ||
[Analyze grammar]
makṣikāyaukamaśakanivāsasadṛśaṃ kvacit |
kuḍyaleśakubhṛṅgārihalahelānikarṣaṇam || 19 ||
[Analyze grammar]
śītaṃ śītaviśīrṇāṅgajarjaratvagvikīrṇavat |
pāṣāṇībhūtasalilaṃ kvacitparuṣamārutam || 20 ||
[Analyze grammar]
uddālībhūtamṛdvaṅgamajjadantaḥkṛmivrajam |
kvacidudbhavadaṅgādimūlaṃ jalanimajjanam || 21 ||
[Analyze grammar]
śanairantarnilīnāmbukṛtāhlādaṃ bahiśca rasonnāmāṅkuraromaughaṃ kvacidvarṣavijṛmbhitam || 22 ||
[Analyze grammar]
tanutarapavanavikampitakomalanalinīdalāstaraṇaiḥ |
viharaṇamiva me vihitaṃ sarobhiraṅgeṣu nirvāṇam || 23 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter LXXXVIII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!