Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XLI
śrīvasiṣṭha uvāca |
asvabhāvasvabhāvo'yaṃ sarvo'haṃtādivedanaḥ |
svabhāvaikasvabhāvena nirvāṇīkriyatāṃ svayam || 1 ||
[Analyze grammar]
yatrādityo bhavettatra yathālokastathā bhavet |
paraṃ viṣayavairasyaṃ tatra yatra prabuddhadhīḥ || 2 ||
[Analyze grammar]
akartṛkarmakaraṇamadṛśyadraṣṭṛdarśanam |
jagadagrāhyasaṃbhāramabhittau citramutthitam || 3 ||
[Analyze grammar]
na cotthitaṃ kiṃca na vā śānte śāntaṃ yathāsthitam |
anāmayaṃ paraṃ brahma satyamavyayameva tat || 4 ||
[Analyze grammar]
ciccamatkāramātrātmakalpanāraṅgarañjanāḥ |
saṃkhyātuṃ kena śakyante khe jagaccitraputrikāḥ || 5 ||
[Analyze grammar]
rasabhāvavikārāḍhyaṃ nṛtyantyabhinayairnavaiḥ |
paramāṇuprati prāyaḥ khe sphurantyambarātmikāḥ || 6 ||
[Analyze grammar]
sarvartuśekharadharā digbāhulatikākulāḥ |
pātālapādalatikā brahmalokaśirodharāḥ || 7 ||
[Analyze grammar]
candrārkalolanayanāstārotkaratanūruhāḥ |
saptalokāṅgalatikāḥ paritocchāmbarāmbarāḥ || 8 ||
[Analyze grammar]
dvīpāmburāśivalayā lokālokādrimekhalāḥ |
bhūtabhāracalajjīvapravahatprāṇamārutāḥ || 9 ||
[Analyze grammar]
vanopavanavinyāsahārakeyūrabhūṣitāḥ |
purāṇavedavacanāḥ kriyāphalavinodanāḥ || 10 ||
[Analyze grammar]
trijagatputrikānṛtyaṃ yadidaṃ dṛśyate puraḥ |
brahmavāridravatvaṃ tattadbrahmānilavepanam || 11 ||
[Analyze grammar]
asvabhāvasthitaivāsya kāraṇaṃ kāraṇātmakam |
asuṣuptaṃ sthitā svāpe svapnasyeva satīva sā || 12 ||
[Analyze grammar]
asuṣuptasuṣuptasthaḥ svabhāvaṃ bhāvayanbhava |
jāgratyapi gatavyagro mā svapnamidamāśraya || 13 ||
[Analyze grammar]
yajjāgrati suṣuptatvaṃ bodhādarasavāsanam |
taṃ svabhāvaṃ vidustajjñā muktistatpariṇāmitā || 14 ||
[Analyze grammar]
akartṛkarmakaraṇamadṛśyadraṣṭṛdarśanam |
arūpālokamananaṃ sthitaṃ brahma jagattayā || 15 ||
[Analyze grammar]
kānte kāntaṃ prakacati pūrṇe pūrṇaṃ vyavasthitam |
dvitvaikyarahite bhāti dvitvaikyaparivarjitam || 16 ||
[Analyze grammar]
satyaṃ satye sthitaṃ śāntaṃ sargātmanyātmani svayam |
ākāśakośasadṛśaṃ śilājaṭharasaṃnibham || 17 ||
[Analyze grammar]
suratnajaṭharākāraṃ ghanamapyambaropamam |
pratibimbamiva kṣubdhamapyakṣubdhamasacca sat || 18 ||
[Analyze grammar]
bhaviṣyannavanirmāṇaṃ cetasīva sthitaṃ puram |
brahma bṛṃhitabhārūpamabhedīkṛtamānasam || 19 ||
[Analyze grammar]
yathā saṃkalpanagaraṃ saṃkalpānnaiva bhidyate |
tathāyaṃ jagadābhāsaḥ paramārthānna bhidyate || 20 ||
[Analyze grammar]
hemapīṭhamivānekabhaviṣyatsaṃniveśavat |
lakṣyamāṇamapi sphāraṃ śāntamavyayamāsthitam || 21 ||
[Analyze grammar]
ajasranāśotpādāḍhyamekarūpamanāmayam |
anāśotpādamajaramanekamiva kāntimat || 22 ||
[Analyze grammar]
brahmaiva śāntighanabhāvagataṃ vibhāti sargodayena vigatāstamayodayena |
vyomeva śūnyavibhavena galatsvabhāvalābhaṃ prati prasabhameva nanu prabuddhe || 23 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XLI
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!