Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXXII

< Previous

Next >

śrīvasiṣṭha uvāca |
yadā citiḥ prasarati tadāhaṃtājagadbhramaḥ |
asadevābhyudetīva spandādapi ca vāyutā || 1 ||
[Analyze grammar]

udito'pi na khedāya brahmarūpatvavedanāt |
paramāya tvanarthāya jagacchabdārthabhāvanāt || 5 ||
[Analyze grammar]

rūpānubhavamādatte cakṣuḥprasaraṇādyathā |
citiḥ prasaraṇāttadvajjagadvibhramamāsthitā || 3 ||
[Analyze grammar]

yāsau prasarati vyarthaṃ cetyābhāvānna sā satī |
asatkathaṃ prasarati vandhyāputraḥ kva nṛtyati || 4 ||
[Analyze grammar]

ayaṃ tvanubhavādeva mudhaivānubhavansthitaḥ |
asadevānanubhavansvayamarbhakayakṣavat || 5 ||
[Analyze grammar]

ahaṃbhāvo'pi duḥkhārthamahamityeva vedanāt |
avedanānnāhamataḥ svāyatte bandhamuktate || 6 ||
[Analyze grammar]

taddhyānaṃ sa samādhirvā yadavedanamāsitam |
ajaḍānāṃ jaḍamiva samaṃ śāntamanāmayam || 7 ||
[Analyze grammar]

dvaitādvaitasamudbhedairvākyasaṃdarbhavibhramaiḥ |
mā viṣīdata duḥkhāya vibudhā abudhā iva || 8 ||
[Analyze grammar]

asadāśrayate duḥkhaṃ svapnavaddhanavāsanaḥ |
rūpālokamanaskārānsaṃkalparacitāniva || 9 ||
[Analyze grammar]

duḥkhaṃ sadeva nāśnāti suptavattanuvāsanaḥ |
rūpālokamanaskārānsaṃkalparahitāniva || 10 ||
[Analyze grammar]

atyantatanutāmetya vāsanaivaiti muktatām |
deśakālakriyāyogātpadārthe bhāvanāmiva || 11 ||
[Analyze grammar]

atyantatanutāṃ yātā vāsanaivaiti muktatām |
parāṇupariṇāmena khatāṃ khe'bhrādikā yathā || 12 ||
[Analyze grammar]

ahaṃbhāvanayā bodhe vāsanā ghanatānavā |
vipaścitsaṃgamābhyāsātpāṇḍityamiva mūḍhatā || 13 ||
[Analyze grammar]

nāhamastīha madyuktyā niścayo'ntaḥ śamātmakaḥ |
jīvato'jīvataścāsti rūḍhabodha iti smṛtaḥ || 14 ||
[Analyze grammar]

vāyau dvandvamivātredaṃ jagadādi ca bhāsate |
ko'haṃ kathamidaṃ ceti vicāreṇaiva śāmyati || 15 ||
[Analyze grammar]

nāhamityeva nirvāṇaṃ kimetāvati mūḍhatā |
satsaṃgamavicārābhyāmetadāśvavagamyate || 16 ||
[Analyze grammar]

kṣīyate tattvavitsaṅgādahamityeva bandhanam |
ālokeneva timiraṃ divaseneva yāminī || 17 ||
[Analyze grammar]

ko'haṃ kathamidaṃ dṛśyaṃ ko jīvaḥ kiṃ ca jīvanam |
iti tattvajñasaṃyogādyāvajjīvaṃ vicārayet || 18 ||
[Analyze grammar]

jīvitaṃ bhuvanaṃ bhāti tato'hamiti naśyati |
tattvamekena tajjñārkasevanātsa niṣevyatām || 19 ||
[Analyze grammar]

yo yo bodhātiśayavāṃstaṃ taṃ pṛthagupāsva bho |
saṃgame kathayodeti teṣāṃ vādapiśācikā || 20 ||
[Analyze grammar]

vādayakṣe'pyabhyudite bālasyeva vipaścitaḥ |
yuktiyuktamalaṃ mukhyamudetyahamiti bhramaḥ || 21 ||
[Analyze grammar]

ataḥ pratyekamekānte prājñaḥ seveta paṇḍitam |
ekīkṛtya taduktāṃstānarthānbuddhyā vicārayet || 22 ||
[Analyze grammar]

vicārayettaduktyarthaṃ buddhyā buddhivivṛddhaye |
sarvasaṃkalpamuktaṃ yattatsattanmayatāṃ vrajet || 23 ||
[Analyze grammar]

vipaścitsaṃgamairbuddhiṃ nītvā paramatīkṣṇatām |
ajñānalatikā saikā kaṇaśaḥ kriyatāmalam || 24 ||
[Analyze grammar]

eṣo'rthaḥ saṃbhavatyeva tenedaṃ kathayāmyaham |
svānubhūtaṃ vayaṃ bālā nāsamañjasavādinaḥ || 25 ||
[Analyze grammar]

vyomno'mbuvāhādivijṛmbhayeva taraṅgabhaṃgyeva mahājalasya |
na yujyate nāpi ca naśyatīha nāśodayau nirmananasya kiṃcit || 26 ||
[Analyze grammar]

idaṃ hi sarvaṃ mṛgatṛṣṇikāmbuvannirāmaye brahmaṇi śānta ātate |
vicārite nāhamitīha vidyate kutaḥ kva kasmānmananādivibhramaḥ || 27 ||
[Analyze grammar]