Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXI

< Previous

Next >

śrīvasiṣṭha uvāca |
jñāninaiva sadā bhāvyaṃ rāma na jñānabandhunā |
ajñātāraṃ varaṃ manye na punarjñānabandhutām || 1 ||
[Analyze grammar]

śrīrāma uvāca |
kimucyate jñānabandhurjñānī caiva kimucyate |
kiṃ phalaṃ jñānabandhutve jñānitve'pi ca kiṃ phalam || 2 ||
[Analyze grammar]

śrīvasiṣṭha uvāca |
vyācaṣṭe yaḥ paṭhati ca śāstraṃ bhogāya śilpivat |
yatate na tvanuṣṭhāne jñānabandhuḥ sa ucyate || 3 ||
[Analyze grammar]

karmaspandeṣu no bodhaḥ phalito yasya dṛśyate |
bodhaśilpopajīvitvājjñānabandhuḥ sa ucyate || 4 ||
[Analyze grammar]

vasanāśanamātreṇa tuṣṭāḥ śāstraphalāni ye |
jānanti jñānabandhūṃstānvidyācchāstrārthaśilpinaḥ || 5 ||
[Analyze grammar]

pravṛttilakṣaṇe dharme vartate yaḥ śrutocite |
adūravartijñānatvājjñānabandhuḥ sa ucyate || 6 ||
[Analyze grammar]

ātmajñānaṃ vidurjñānaṃ jñānānyanyāni yāni tu |
tāni jñānāvabhāsāni sārasyā'navabodhanāt || 7 ||
[Analyze grammar]

ātmajñānamanāsādya jñānāntaralavena ye |
saṃtuṣṭāḥ kaṣṭaceṣṭaṃ te te smṛtā jñānabandhavaḥ || 8 ||
[Analyze grammar]

jñānāditajjñeyavikāśaśāntyā vinā na saṃtuṣṭadhiyeha bhāvyam |
tvaṃ jñānabandhutvamupetya rāma ramasva mā bhogabhavāmayeṣu || 9 ||
[Analyze grammar]

atrāhārārthaṃ karma kuryādanindyaṃ kuryādāhāraṃ prāṇasaṃdhāraṇārtham |
prāṇāḥ saṃdhāryāstattvajijñāsanārthaṃ tattvaṃ jijñāsyaṃ yena bhūyo na duḥkham || 10 ||
[Analyze grammar]