![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XVII
śrīvasiṣṭha uvāca |
anahaṃvedanādevaṃ śubhāśubhaphalapradā |
saṃsāraphalinī nūnamicchāntarupaśāmyati || 1 ||
[Analyze grammar]
anahaṃvedanābhyāsātsamaloṣṭāśmakāñcanaḥ |
bhūtvā śāntabhavāpīḍo na naraḥ paritāmyati || 2 ||
[Analyze grammar]
ahaṃtāpuṭakoḍḍīnaparabodhabaleritaḥ |
ahamityarthapāṣāṇo na jāne kvāśu gacchati || 3 ||
[Analyze grammar]
ahaṃtāpuṭakoḍḍīno brahmavīrabaleritaḥ |
ahamityarthapāṣāṇo na jāne kvāśu gacchati || 4 ||
[Analyze grammar]
ahaṃtāpuṭakoḍḍīno brahmavīrabaleritaḥ |
śarīrayantrapāṣāṇo na jāne kvāśu gacchati || 5 ||
[Analyze grammar]
ahamarthahimaṃ tvantaranahaṃtā cidarciṣā |
uḍḍīyeva vilīnaṃ sanna jāne kvāśu gacchati || 6 ||
[Analyze grammar]
ahaṃraso vilīnontaranahaṃtācidarciṣā |
śarīraparṇādudvarṇānna jāne kvāśu gacchati || 7 ||
[Analyze grammar]
śarīraparṇānniṣpītastvahaṃbhāvarasāsavaḥ |
anahaṃtārkamārgeṇa paratāmadhigacchati || 8 ||
[Analyze grammar]
śayane kardame śaile gṛhe vyomni sthale jale |
sthūlā sūkṣmā nirākārā rūpāntaragatāpi ca || 9 ||
[Analyze grammar]
yatra tatra sthitā suptā prabuddhā bhasmatāṃ gatā |
dhṛtā nītā nimagnā ca dūrasthā nikaṭā satī || 10 ||
[Analyze grammar]
śarīravaṭadhānāntaḥsthitāhaṃtvanavāṃkurā |
śāstrājālaṃ tanotyāśu saṃsārākhyamidaṃ kṣaṇāt || 11 ||
[Analyze grammar]
ahaṃtvavaṭadhānāntaḥsthitadehabṛhaddrumaḥ |
saṃsāraśākhānivahaṃ yatra tatra tanotyalam || 12 ||
[Analyze grammar]
śākhāśateddhadalapuṣpaphaladrumo'sti bījodare nanu dṛśā paridṛśyate'sau |
deho'styahaṃtvakaṇikāntaraśeṣadṛśyasaṃvitparīta iti buddhidṛśaiva dṛṣṭam || 13 ||
[Analyze grammar]
dehādahaṃtvamanavāptavato vicāraiścidvyomamātravapuṣo vapuṣo'tha voccaiḥ |
nāhaṃtvabījajaṭharādasato'bhyudeti saṃsāravṛkṣa iha bodhamahāgnidagdhāt || 14 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XVII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!