![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter VII
bhuśuṇḍa uvāca |
tatastasya mayā brahmaṃstacchrutvā pāvanaṃ vacaḥ |
idamuktaṃ yathāpṛṣṭaṃ suspaṣṭapadayā girā || 1 ||
[Analyze grammar]
sādhu vidyādharādhīśa diṣṭyā buddho'si bhūtaye |
bhavāndhakūpakuharāccireṇotthānamicchasi || 2 ||
[Analyze grammar]
pāvanīyaṃ tava matī rājate ghanarūpiṇī |
vivekenānaleneva kanakadravasaṃtatiḥ || 3 ||
[Analyze grammar]
upadeśagirāmarthamādatte hārihelayā |
mukure nirmale dravyamayatnenaiva bimbati || 4 ||
[Analyze grammar]
yadidaṃ vacmi tatsarvamomityādātumarhasi |
asmābhiściramanviṣṭaṃ nātra kāryā vicāraṇā || 5 ||
[Analyze grammar]
yatkiṃcitsvadate'ntaste budhyasvābodhamutsṛjan |
nāsi tvaṃ ciramapyantaḥ prekṣito'pi na labhyase || 6 ||
[Analyze grammar]
nāhaṃtvamasti na jagaditi niścayinastava |
sarvamasti śivaṃ tacca na duḥkhāya sukhāya te || 7 ||
[Analyze grammar]
kimajñatvājjagajjātaṃ jagato'tha kimajñatā |
vicāryāpīti no vidma ekatvādalametayoḥ || 8 ||
[Analyze grammar]
mṛgatṛṣṇāmbuvadviśvamavastutvātsadapyasat |
yaścedaṃ bhāti tadbrahma na kiṃcitkiṃcideva vā || 9 ||
[Analyze grammar]
mṛgatṛṣṇāmbuvadviśvaṃ nāsti tvamathavāsti ca |
pratibhāso'pi nāstyatra tadabhāvādataḥ śivam || 10 ||
[Analyze grammar]
viśvabījamahaṃtvaṃ tvaṃ viddhi tasmāddhi jāyate |
sādryabdhyurvīnadīśādijagajjaraṭhapādapaḥ || 11 ||
[Analyze grammar]
ahaṃtvabījādaṇuto jāyate'sau jagaddrumaḥ |
tasyendriyarasāḍhyāni mūlāni bhuvanāni hi || 12 ||
[Analyze grammar]
tārakājālakalikā ṛkṣaughaḥ korakotkaraḥ |
vāsanāgucchavisarāḥ pūrṇacandraḥ phalālayaḥ || 13 ||
[Analyze grammar]
svargādayo bṛhadvargā mahāviṭapakoṭarāḥ |
merumandarasahyādigirayaḥ patrarājayaḥ || 14 ||
[Analyze grammar]
saptābdhayo'grasutayaḥ pātālaṃ mūlakoṭaram |
yugāni ghuṇavṛndāni parvāṇi guṇapaṅktayaḥ || 15 ||
[Analyze grammar]
ajñānamutpattimahī narā vihagakoṭayaḥ |
upalambho bṛhatstambho davo nirvāṇanirvṛtiḥ || 16 ||
[Analyze grammar]
rūpālokamanaskārā vividhāmodavṛttayaḥ |
vanaṃ vipulamākāśaṃ śuktijālaṃ mukhatvacaḥ || 17 ||
[Analyze grammar]
vicitraśākhā ṛtava upaśākhā diśo daśa |
saṃvidrasamahāpūro vātaspando nivartanaḥ || 18 ||
[Analyze grammar]
candrārkarucayo lolā majjanonmajjanonmukhāḥ |
ramyāḥ kusumamañjaryastimiraṃ bhramarabhramaḥ || 19 ||
[Analyze grammar]
pātālamāśāgaṇamantarikṣamāpūrya tiṣṭhatyasadeva sadvat |
tasyānahantāgnihate'hamarthabīje punarnāsti sato'pi rohaḥ || 20 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter VII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!