Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter LXXXIV

śrīvasiṣṭha uvāca |
tataḥ śikhidhvajo rājā tattvajñānapadaṃ vinā |
ājagāma paraṃ mohaṃ tamondhatvamivāprajāḥ || 1 ||
[Analyze grammar]

duḥkhāgnidīpitamanā manāgapi vibhūtiṣu |
tāsvabhīṣṭopanītāsu na reme'gniśikhāsviva || 2 ||
[Analyze grammar]

ekānteṣu diganteṣu nirjhareṣu guhāsu ca |
ājagāma ratiṃ janturmukteṣurvyādhato yathā || 3 ||
[Analyze grammar]

rāghava tvamivāśeṣāḥ sāntvānunayabodhanaiḥ |
prārthitaḥ kāryate bhṛtyairmahīpo divasakriyāḥ || 4 ||
[Analyze grammar]

nityamuddāmavairāgyaḥ parivrāḍiva śāntadhīḥ |
khidyate ca mahābhogānsa bhoktuṃ ca śriyaṃ sthitaḥ || 3 ||
[Analyze grammar]

dadāvatitarāṃ dānaṃ gobhūmikanakādikam |
devebhyo brāhmaṇebhyaśca svajanebhyaśca mānada || 5 ||
[Analyze grammar]

cacāra ca tapaḥ kartuṃ kṛcchracāndrāyaṇādikam |
paribabhrāma tīrthāni vanānyāyatanāni ca || 7 ||
[Analyze grammar]

sa tathāpi viśokatvaṃ na manāgapi labdhavān |
anidhānāṃ khananbhūmiṃ nidhānārthī nidhiṃ yathā || 8 ||
[Analyze grammar]

rātriṃdivaṃ mahāneṣa śuṣyatyeva kṛśānunā |
cintayā cintayāmāsa saṃsāravyādhibheṣajam || 9 ||
[Analyze grammar]

cintāparavaśo dīno rājyaṃ svasya viṣopamam |
mahāvibhavamapyagre nāpaśyatkhinnayā dhiyā || 10 ||
[Analyze grammar]

athaikadaikāntagatāṃ cūḍālāmaṅkamāgatām |
idaṃ madhurayā vācā samuvāca śikhidhvajaḥ || 11 ||
[Analyze grammar]

śikhidhvaja uvāca |
bhuktaṃ rājyaṃ ciraṃ kālaṃ bhuktā vibhavabhūmayaḥ |
adhunāsmi virāgeṇa yukto gacchāmi kānanam || 12 ||
[Analyze grammar]

na sukhāni na duḥkhāni nāpado na ca saṃpadaḥ |
kroḍīkurvanti tanvaṅgi muniṃ vananivāsinam || 13 ||
[Analyze grammar]

na deśabhaṅgasaṃmoho na saṃgrāme janakṣayaḥ |
rājyādapyadhikaṃ manye sukhaṃ vananivāsinām || 14 ||
[Analyze grammar]

stabakastanadhāriṇyo raktapallavapāṇayaḥ |
mañjarījālahāriṇyo lolaśubhrāmbudāṃśukāḥ || 15 ||
[Analyze grammar]

svaparāgāṅgarāgiṇyaḥ kṛtakausumamaṇḍanāḥ |
āsevyakāñcanaśilānitambataṭaśobhitāḥ || 16 ||
[Analyze grammar]

taraṅgamauktikaprotasarinmuktālatāvṛtāḥ |
latāvayasyāvalitā mugdhamugdhamṛgātmajāḥ || 17 ||
[Analyze grammar]

svabhāvoddāmasaugandhyā vitīrṇaphalabhojanāḥ |
ṣaṭpadaśreṇinayanāḥ puṣpāpūralatāṅgikāḥ || 18 ||
[Analyze grammar]

āsvādyasyandatāṃ yātāḥ śītalāmalagātrikāḥ |
ramayanti tvamiva māṃ vanavīthyo varānane || 19 ||
[Analyze grammar]

yathā viviktamekānte mano bhavati nirvṛtam |
na tathā śaśibimbeṣu na ca brahmendrasadmasu || 20 ||
[Analyze grammar]

asminsanmantraṇe tanvi na vighnaṃ kartumarhasi |
bharturvighaṭayantīcchāṃ na svapne'pi kulastriyaḥ || 21 ||
[Analyze grammar]

cūḍālovāca |
prāptakālaṃ kṛtaṃ kāryaṃ rājate nātha netarat |
vasante rājate puṣpaṃ phalaṃ śaradi rājate || 22 ||
[Analyze grammar]

jarājaraṭhadehānāṃ yukto vanasamāśrayaḥ |
na yūnāṃ tvādṛśāmeva tenaitanme na rocate || 23 ||
[Analyze grammar]

yauvanena mahārāja na yāvadvayamujjhitāḥ |
puṣpaugheṇeva taravastāvacchobhāmahe gṛhe || 24 ||
[Analyze grammar]

puṣpadhānā puṣpamitajarasā saha kānanam |
samaṃ gṛhādgamiṣyāmo haṃsā iva sarovarāt || 25 ||
[Analyze grammar]

aprāptakālaṃ nṛpateḥ prajāpālanamujjhataḥ |
rājanyasyaiva randhrasya mahadeno bhaviṣyati || 26 ||
[Analyze grammar]

aprāptakāriṇaṃ bhūpaṃ rodhayanti ca vai prajāḥ |
rodhayanti hyakāryebhyaḥ prabhuṃ bhṛtyāḥ parasparam || 27 ||
[Analyze grammar]

śikhidhvaja uvāca |
alamutpalapatrākṣi vighnenābhimatasya me |
viddhi māṃ gatameveto dūramekāntakānanam || 28 ||
[Analyze grammar]

bālā tvamanavadyāṅgi nāgantavyaṃ vanaṃ tvayā |
puṃsāmapi hi mṛdvaṅgi durvigāhyo vanāśrayaḥ || 29 ||
[Analyze grammar]

samarthā na vanāvāse yoṣitaḥ kaṭhinā api |
kānane puṣpamañjaryaḥ soḍhuṃ śastrālimakṣamāḥ || 30 ||
[Analyze grammar]

bhavatyā pālayantyeha rājye sthātavyamuttame |
kuṭumbabhārodvahanaṃ patyau yāte vrataṃ striyaḥ || 31 ||
[Analyze grammar]

śrīvasiṣṭha uvāca |
ityuktvā dayitāṃ rājā tāminduvadanāṃ vaśī |
uttasthau snātumakhilaṃ dinakāryaṃ cakāra ca || 32 ||
[Analyze grammar]

athojjhitaprajāceṣṭo ravirastācalaṃ yayau |
śikhidhvajo vanamiva samastajanadurgamam || 33 ||
[Analyze grammar]

saṃhṛtya vitataṃ rūpaṃ tamevānuyayau prabhā |
nāthaṃ bhavananiṣkrāntaṃ cūḍālevānurāgiṇī || 34 ||
[Analyze grammar]

āyayau yāminī śyāmā bhuvanaṃ bhasmadhūsaram |
dhṛtavyomāpagaṃ śarvaṃ saṃśleṣā yamuneva sā || 3 ||
[Analyze grammar]

dikṣu saṃdhyābdadantāsu sthitāsu kṛtamaṇḍalam |
tamālabālakāṅkāsu jyotsnāhāsodayāṅkitam || 36 ||
[Analyze grammar]

gacchatoraparaṃ pāraṃ daṃpatyormairava padam |
devodyānamayaṃ rantuṃ dinaśrīdinanāthayoḥ || 37 ||
[Analyze grammar]

āgacchatoridaṃ pāraṃ hyaghatīkṣṇakarojjhitam |
niśāniśānāyakayordaṃpatyormairavaṃ punaḥ || 38 ||
[Analyze grammar]

tārāgaṇo'tha dadṛśe vikīrṇo vyomakuṭṭime |
mukto maṅgalalājānāṃ digvadhūbhirivāñjaliḥ || 39 ||
[Analyze grammar]

candrānanā tamaḥśyāmā śrāntā kusumahāsinī |
yāminī yauvanaṃ prāpa sarojamukulastanī || 40 ||
[Analyze grammar]

kṛtasaṃdhyāsamācāraḥ sahacūḍālayeṣṭayā |
suṣvāpa śayane bhūyo maināka iva sāgare || 41 ||
[Analyze grammar]

athārdharātrasamaye deśe niḥśabdatāṃ gate |
ghananidrāśilākośanilīne sakale jane || 42 ||
[Analyze grammar]

sa tasyāṃ saṃprasuptāyāṃ śayane komalāṃśuke |
bhṛśaṃ nidrāvimūḍhāyāṃ bhramaryāmiva paṅkaje || 43 ||
[Analyze grammar]

tatyāja dayitāṃ suptāmaṅkādrājā śikhidhvajaḥ |
svairaṃ svairaṃ mukhaṃ rāhordiśaṃ cāndraprabhāmiva || 44 ||
[Analyze grammar]

uttasthau śayanāllīnavadhūkārdhāñcalāṃśukāt |
salakṣmīkāntilolormerhariḥ kṣīrārṇavādiva || 45 ||
[Analyze grammar]

vīrakramārthaṃ yāmīti tatraivānucaravrajam |
yojayitvā jagāmāsau purānnirgatya pūrṇadhīḥ || 46 ||
[Analyze grammar]

rājyalakṣmi namastubhyamityuktvā maṇḍalādgataḥ |
viveśogrāmaraṇyānīmeko nada ivārṇavam || 47 ||
[Analyze grammar]

ghanāndhakāragulmāḍhyā kṣudrabhūtaughakarkaśā |
sāraṇyānī niśā sārdhaṃ samaṃ tenātivāhitā || 48 ||
[Analyze grammar]

prātaḥ śūnyāmaraṇyānīṃ sa nītvā vitataṃ dinam |
samamarkeṇa kasyāṃcidviśaśrāma vanāvanau || 49 ||
[Analyze grammar]

bhānāvadṛśyatāṃ yāte tatra snānādipūrvakam |
kiṃcitphalādikaṃ bhuktvā tāṃ nināya tamasvinīm || 50 ||
[Analyze grammar]

punaḥ prātaḥ purāṇyuccairmaṇḍalāni girīnnadīḥ |
javādullaṅghayāmāsa rājā dvādaśaśarvarīḥ || 51 ||
[Analyze grammar]

tato mandaraśailasya taṭasthaṃ janadurgamam |
prāpa kānanamatyantadūrasthajanatāpuram || 52 ||
[Analyze grammar]

raṭatpraṇālasalilavāpīvalitapādapam |
śīrṇavedyālayajñātabhūtapūrvadvijāśramam || 53 ||
[Analyze grammar]

kṣudraprāṇivinirmuktasiddhasevyalatālayam |
āpūrṇapādapalataṃ prāṇavṛttikraraiḥ phalaiḥ || 54 ||
[Analyze grammar]

tatraikasminsame śuddhe sthale salilamālite |
śītale śādvalaśyāme snigdhe saphalapādape || 55 ||
[Analyze grammar]

samañjarībhirvallībhiḥ sa cakāroṭajālayam |
prāvṛṭkālaḥ savidyudbhirnīlābhrairiva pañjaram || 56 ||
[Analyze grammar]

masṛṇaṃ vaiṇavaṃ daṇḍaṃ phalabhojanabhājanam |
arghapātraṃ puṣpabhāṇḍamakṣamālāṃ kamaṇḍalum || 57 ||
[Analyze grammar]

kanthāṃ śītāpanodāya bṛsīṃ caiva mṛgājinam |
ānīyāyojayattasminmaṭhikāmandire nṛpa || 58 ||
[Analyze grammar]

yatkiṃcidanyadvā vastu yogyaṃ tāpasakarmaṇi |
tattatra sthāpayāmāsa jagatīva kramaṃ vidhiḥ || 59 ||
[Analyze grammar]

saṃdhyāpūrvaṃ japaṃ prātaḥ prahare sa tadākarot |
puṣpoccayaṃ dvitīye tu snānaṃ devārcanaṃ tataḥ || 60 ||
[Analyze grammar]

paścādvanaphalaṃ kiṃcidvanakandaṃ visādi ca |
bhuktvā japyaparo bhūtvā nināyaiko niśāṃ vaśī || 61 ||
[Analyze grammar]

iti divasamakhedaṃ mandaropāntakacche viracita uṭaje'ntarmālaveśo nināya |
navanṛpativilāsaṃ taṃ na sasmāra kaṃ vā sphurati hṛdi viveke rājyalakṣmyo haranti || 62 ||
[Analyze grammar]

Other editions:

Also see the following editions of the Sanskrit text or (alternative) English translations of the Yoga Vasistha Chapter LXXXIV

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: