Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter LXXXI

śrīvasiṣṭha uvāca |
etatpañcakabījaṃ tu kuṇḍalinyāṃ tadantare |
prāṇamārutarūpeṇa tasyāṃ sphurati sarvadā || 1 ||
[Analyze grammar]

sāntaḥkuṇḍalinīspandasparśasaṃvitkalāmalā |
kaloktā kalanenāśu kathitā cetanena cit || 2 ||
[Analyze grammar]

jīvanājjīvatāṃ yātā mananācca manaḥsthitā |
saṃkalpāccaiva saṃkalpā bodhādbuddhiriti smṛtā || 3 ||
[Analyze grammar]

ahaṃkārātmatāṃ yātā saiṣā puryaṣṭakābhidhā |
sthitā kuṇḍalinī dehe jīvaśaktiranuttamā || 4 ||
[Analyze grammar]

apānatāmupāgatya satataṃ pravahatyadhaḥ |
samānā nābhimadhyasthā udānākhyopari sthitā || 5 ||
[Analyze grammar]

adhastvapānarūpaiva madhye saumyaiva sarvadā |
puṣṭāpyudānarūpaiva puṃsaḥ svasyaiva tiṣṭhati || 6 ||
[Analyze grammar]

sarvayatnamadho yāti yadi yatnānna dhāryate |
tatpumānmṛtimāyāti tayā nirgatayā balāt || 7 ||
[Analyze grammar]

samastaivordhvamāyāti yadi yuktyā na dhāryate |
tatpumānmṛtimāyāti tayā nirgatayā balāt || 8 ||
[Analyze grammar]

sarvathātmani tiṣṭheccettyaktvordhvādhogamāgamau |
tajjantorhīyate vyādhirantarmārutarodhataḥ || 9 ||
[Analyze grammar]

sāmānyanāḍīvaidhuryātsāmānyavyādhisaṃbhavaḥ |
pradhānanāḍīvaidhuryātpradhānavyādhisaṃbhavaḥ || 10 ||
[Analyze grammar]

śrīrāma uvāca |
kiṃvināśāḥ kimutpādāḥ śarīre'sminmunīśvara |
ādhayo vyādhayaścaiva yathāvatkathayāśu me || 11 ||
[Analyze grammar]

śrīvasiṣṭha uvāca |
ādhayo vyādhayaścaiva dvayaṃ duḥkhasya kāraṇam |
tannivṛttiḥ sukhaṃ vidyāttatkṣayo mokṣa ucyate || 12 ||
[Analyze grammar]

mithaḥ kadācijjāyete kadācitsamameva ca |
paryāyeṇa kadācicca ādhivyādhī śarīrake || 13 ||
[Analyze grammar]

dehaduḥkhaṃ vidurvyādhimādhyākhyaṃ vāsanāmayam |
maurkhyamūle hi te vidyāttattvajñāne parikṣayaḥ || 14 ||
[Analyze grammar]

atattvajñānavaśataḥ svendriyākramaṇaṃ vinā |
hṛdi tānavamutsṛjya rāgadveṣeṣvanāratam || 15 ||
[Analyze grammar]

idaṃ prāptamidaṃ neti jāḍyādvā ghanamohadāḥ |
ādhayaḥ saṃpravartante varṣāsu mihikā iva || 16 ||
[Analyze grammar]

bhṛśaṃ sphurantīṣvicchāsu maurkhye cetasyanirjite |
durannābhyavahāreṇa durdeśākramaṇena ca || 17 ||
[Analyze grammar]

duṣkālavyavahāreṇa duṣkriyāsphuraṇena ca |
durjanāsaṅgadoṣeṇa durbhāvodbhāvanena ca || 18 ||
[Analyze grammar]

kṣīṇatvādvā prapūrṇatvānnāḍīnāṃ randhasaṃtatau |
prāṇe vidhuratāṃ yāte kāye tu vikalīkṛte || 19 ||
[Analyze grammar]

dauḥsthityakāraṇaṃ doṣādvyādhirdehe pravartate |
nadyāḥ prāvṛṇnidāghābhyāmivākāraviparyayaḥ || 20 ||
[Analyze grammar]

prāktanī caihikī vāpi śubhā vāpyaśubhā matiḥ |
yaivādhikā saiva tathā tasminyojayati krame || 21 ||
[Analyze grammar]

ādhayo vyādhayaścaiva jāyante bhūtapañcake |
kathaṃ śṛṇu vinaśyanti rāghavāṇāṃ kulodvaha || 22 ||
[Analyze grammar]

dvividho vyādhirastīha sāmānyaḥ sāra eva ca |
vyavahārastu sāmānyaḥ sāro janmamayaḥ smṛtaḥ || 23 ||
[Analyze grammar]

prāptenābhimatenaiva naśyanti vyāvahārikāḥ |
ādhikṣayeṇādhibhavāḥ kṣīyante vyādhayo'pyalam || 24 ||
[Analyze grammar]

ātmajñānaṃ vinā sāro nādhirnaśyati rāghava |
bhūyo rajjvavabodhena rajjusarpo hi naśyati || 25 ||
[Analyze grammar]

ādhivyādhivilāsānāṃ rāma sārādhisaṃkṣayaḥ |
sarveṣāṃ mūlahā prāvṛṇnadīva taṭavīrudhām || 26 ||
[Analyze grammar]

anādhijā vyādhayastu dravyamantraśubhakramaiḥ |
cikitsakādiśāstroktairnaśyantyanyairihāthavā || 27 ||
[Analyze grammar]

snānamantrauṣadhopāyā vaktuścādhigatāni ca |
tvayā cikitsāśāstrāṇi kimanyadupadiśyate || 28 ||
[Analyze grammar]

śrīrāma uvāca |
ādheḥ kathaṃ bhavedvyādhiḥ kathaṃ ca sa vinaśyati |
dravyāditarayā yuktyā mantrapuṇyādirūpayā || 29 ||
[Analyze grammar]

śrīvasiṣṭha uvāca |
citte vidhurite dehaḥ saṃkṣobhamanuyātyalam |
tathāhi ruṣito janturagrameva na paśyati || 30 ||
[Analyze grammar]

anavekṣya puro mārgamamārgamanudhāvati |
prakṛtaṃ mārgamutsṛjya śarārto hariṇo yathā || 31 ||
[Analyze grammar]

saṃkṣobhātsāmyamutsṛjya vahanti prāṇavāyavaḥ |
dehe gajapraviṣṭena payāṃsīva sarittaṭe || 32 ||
[Analyze grammar]

asamaṃ vahati prāṇe nāḍyo yānti visaṃsthitim |
asamyaksaṃsthite bhūpe yathā varṇāśramakramāḥ || 33 ||
[Analyze grammar]

kāścinnāḍyaḥ prapūrṇatvaṃ yānti kāścicca riktatām |
prāṇā''vidhurite dehe sarvataḥ sarito yathā || 34 ||
[Analyze grammar]

kujīrṇatvamajīrṇatvamatijīrṇatvameva vā |
doṣāyaiva prayātyannaṃ prāṇasaṃcāraduṣkramāt || 35 ||
[Analyze grammar]

yathā kāṣṭhāni nayati prācīdeśaṃ saridrayaḥ |
tathānnāni nayatyantaḥ prāṇavātaḥ svamāśrayam || 36 ||
[Analyze grammar]

yānyannāni nirodhena tiṣṭhantyantaḥśarīrake |
tānyeva vyādhitāṃ yānti pariṇāmasvabhāvataḥ || 37 ||
[Analyze grammar]

evamādherbhavedvyādhistasyābhāvācca naśyati |
yathā mantrairvinaśyanti vyādhayastatkramaṃ śṛṇu || 38 ||
[Analyze grammar]

yathā virekaṃ kurvanti harītakyaḥ svabhāvataḥ |
bhāvanāvaśataḥ kāyaṃ tathā yaralavādayaḥ || 39 ||
[Analyze grammar]

śuddhayā puṇyayā sādho kriyayā sādhusevayā |
manaḥ prayāti nairmalyaṃ nikaṣeṇeva kāñcanam || 40 ||
[Analyze grammar]

ānando vardhate dehe śuddhe cetasi rāghava |
pūrṇendāvudite hyatra nairmalyaṃ bhuvane yathā || 41 ||
[Analyze grammar]

sattvaśuddhyā vahantyete krameṇa prāṇavāyavaḥ |
jarayanti tathānnāni vyādhistena vinaśyati || 42 ||
[Analyze grammar]

ādhivyādhyoriti proktau nāśotpattikramau tvayi |
kuṇḍalinyāḥ kathāyogādadhunā prakṛtaṃ śṛṇu || 43 ||
[Analyze grammar]

puryaṣṭakaparākhyasya jīvasya prāṇanāmikām |
viddhi kuṇḍalinīmantarāmodasyeva mañjarīm || 44 ||
[Analyze grammar]

tāṃ yadā pūrakābhyāsādāpūrya sthīyate samam |
tadaiti mairavaṃ sthairyaṃ kāyasyāpīnatā tathā || 45 ||
[Analyze grammar]

yadā pūrakapūrṇāntarāyataprāṇamārutam |
nīyate saṃvidevordhvaṃ soḍhuṃ gharmaklamaṃ śramam || 46 ||
[Analyze grammar]

sarpīva tvaritaivordhvaṃ yāti daṇḍopamāṃ gatā |
nāḍīḥ sarvāḥ samādāya dehabaddhā latopamāḥ || 47 ||
[Analyze grammar]

tadā samastamevedamutplāvayati dehakam |
nīrandhraṃ pavanāpūrṇaṃ bhastrevāmbu tatāntaram || 48 ||
[Analyze grammar]

ityabhyāsavilāsena yogena vyomagāminā |
yoginaḥ prāpnuvantyuccairdīnā indradaśāmiva || 49 ||
[Analyze grammar]

brahmanāḍīpravāheṇa śaktiḥ kuṇḍalinī yadā |
bahirūrdhvaṃ kapāṭasya dvādaśāṅgulamūrdhani || 50 ||
[Analyze grammar]

recakena prayogeṇa nāḍyantaranirodhinā |
muhūrte sthitimāpnoti tadā vyomagadarśanam || 51 ||
[Analyze grammar]

śrīrāma uvāca |
darśanaṃ kīdṛśaṃ brahmannayanāṃśugaṇaṃ vinā |
adivyānāmindriyāṇāṃ tattvameva kathaṃ bhavet || 52 ||
[Analyze grammar]

śrīvasiṣṭha uvāca |
na kecana mahābāho bhūcareṇa nabhasvataḥ |
adivyenāśritā jñānairdṛśyante puruṣendriyaiḥ || 53 ||
[Analyze grammar]

vijñānāddūrasaṃsthena buddhinetreṇa rāghava |
dṛśyante vyomagā siddhāḥ svapnavatsvārthadā api || 54 ||
[Analyze grammar]

svapnāvalokanaṃ yadvattadvatsiddhāvalokanam |
kevalo'tha viśeṣo'yaṃ siddhaprāptau sthirārthatā || 55 ||
[Analyze grammar]

mukhādbahirdvādaśānte recakābhyāsayuktitaḥ |
prāṇe ciraṃ sthitiṃ nīte praviśatyaparāṃ purīm || 56 ||
[Analyze grammar]

śrīrāma uvāca |
vada svabhāvasya kathaṃ brahmannacalasaṃsthitiḥ |
vaktāraḥ sānukampā hi duṣpraśne'pi na khedinaḥ || 57 ||
[Analyze grammar]

śrīvasiṣṭha uvāca |
śaktiryā tu svabhāvākhyā yathā sphurati cātmanaḥ |
sargādiṣu tathaivāsau sthitiṃ yātīti niścayaḥ || 58 ||
[Analyze grammar]

avastutvādavidyāyā vastuśaktirapi kvacit |
bhidyate dṛśyate hyaṅga vasante śāradaṃ phalam || 59 ||
[Analyze grammar]

sarvamevamidaṃ brahma nānā'nānātayā sthitam |
jṛmbhate vyavahārārthaṃ kevalaṃ kathitasthiti || 60 ||
[Analyze grammar]

śrīrāma uvāca |
sūkṣmacchidrādigatyarthaṃ pūraṇārthaṃ ca khasya vā |
aṇutāṃ sthūlatāṃ vāpi kāyo'yaṃ nīyate katham || 61 ||
[Analyze grammar]

śrīvasiṣṭha uvāca |
kāṣṭhakrakacayoḥ śleṣādyathā chedaḥ pravartate |
dvayoḥ saṃgharṣaṇādagniḥ svabhāvājjāyate tathā || 62 ||
[Analyze grammar]

māṃsaṃ kuyantrajaṭhare sthitaṃ śliṣṭamukhaṃ mithaḥ |
ūrdhvādhaḥsaṃmilatsthūladdhyambhaḥsthairiva vaitasam || 63 ||
[Analyze grammar]

tasya kuṇḍalinī lakṣmīrnilīnāntarnijāspade |
padmarāgasamudgasya kośe muktāvalī yathā || 64 ||
[Analyze grammar]

āvartaphalamāleva nityaṃ salasalāyate |
daṇḍāhateva bhujagī samunnativivartinī || 65 ||
[Analyze grammar]

dyāvāpṛthivyormadhyasthā kriyeva spandadharmiṇī |
saṃvinmadhuvibodhārko hṛtpadmapuṭaṣaṭpadī || 66 ||
[Analyze grammar]

tatsarvaṃ śaktipadmādi bāhyenābhyantaraistayā |
hṛdi vyādhūyate vātaiḥ patravṛndamivābhitaḥ || 67 ||
[Analyze grammar]

yadvadvyoma sphuratyaṅga syabhāvāttatra vāyavaḥ |
balavanmṛdu yatkiṃcidbhṛśaṃ kavalayanti tat || 68 ||
[Analyze grammar]

vātairāhanyamānaṃ tatpadmādi taralāyate |
hṛdyanyānyaiti kāryeṇa pallavādi yathā taroḥ || 69 ||
[Analyze grammar]

deheṣvājaraṇaṃ sarvarasānāṃ pavano'nvaham |
janayatyagnimanyonyasaṃgharṣādvanaveṇuvat || 70 ||
[Analyze grammar]

svabhāvaśītavātātmā dehastenauṣṇyametyatha |
uditena sa sarvāṅge bhuvanaṃ bhānunā yathā || 71 ||
[Analyze grammar]

sarvato vicaredasmiṃstattejastārakākṛti |
hṛtpadmahemabhramaro yogināṃ cintyatāṃ gatam || 72 ||
[Analyze grammar]

tatprakāśamayaṃ jñānaṃ cintitaṃ satprayacchati |
yena yojanalakṣasthaṃ vastu nityaṃ hi dṛśyate || 73 ||
[Analyze grammar]

tasyāgnervāḍavasyeva jalaṃ saṃśuṣkamindhanam |
māṃsapaṅkajakhaṇḍāḍhyaṃ hṛtsaraḥ kośavāsinaḥ || 74 ||
[Analyze grammar]

yadacchaṃ śītalatvaṃ ca tadasyātmendurucyate |
itīndorutthitaḥ so'gniragnīṣomau hi dehakaḥ || 75 ||
[Analyze grammar]

sarvaṃ tūṣṇātmakaṃ kiṃcittejo'rkāgnyabhidhaṃ viduḥ |
śītātmakaṃ tu somākhyamābhyāmeva kṛtaṃ jagat || 76 ||
[Analyze grammar]

vidyāvidyāsvarūpeṇa sarvaṃ sadasadātmanā |
jagadvā yena nirvṛttaṃ tadevaivaṃ vibhajyate || 77 ||
[Analyze grammar]

saṃvitprakāśaṃ vidyādi sūryamagniṃ vidurbudhāḥ |
asajjāḍyaṃ tamo vidyādyāhuḥ somaṃ manīṣiṇaḥ || 78 ||
[Analyze grammar]

śrīrāma uvāca |
vahnirvāyvātmanaḥ somādudetīti munīśvara |
somasyotpattimadhunā vada me vadatāṃ vara || 79 ||
[Analyze grammar]

śrīvasiṣṭha uvāca |
agnīṣomau mithaḥ kāryakāraṇe ca vyavasthite |
paryāyeṇa samaṃ caitau prajīṣete parasparam || 80 ||
[Analyze grammar]

janmāṅgabījāṅkuravattathā divasarātrivat |
sthitiśchāyātapasamā kevalā saitayorbhavet || 81 ||
[Analyze grammar]

tulyakālopalambhāsāvitthaṃ chāyātapasthitiḥ |
kevalaikopalambhāḍhyā sthitirdivasarātrivat || 82 ||
[Analyze grammar]

kāryakāraṇabhāvaśca dvividhaḥ kathito'nayoḥ |
sadrūpapariṇāmottho vināśapariṇāmajaḥ || 83 ||
[Analyze grammar]

ekasmādyaddvitīyasya saṃbhavo'ṅkurabījavat |
kāryakāraṇabhāvo'sau sadrūpapariṇāmajaḥ || 84 ||
[Analyze grammar]

ekanāśe dvitīyasya yadbhāvo dinarātrivat |
kāryakāraṇabhāvo'sau vināśapariṇāmajaḥ || 85 ||
[Analyze grammar]

sadrūpapariṇāmasya mṛdghaṭakramasaṃsthiteḥ |
akṣopalambhāditaratpramāṇaṃ nopayujyate || 86 ||
[Analyze grammar]

vināśapariṇāmasya dinarātrikramasthiteḥ |
abhāvo'pyekavastustho gato mukhyapramāṇatām || 87 ||
[Analyze grammar]

anāsthā nāsti kartṛtvamityādyā''yuktivādinaḥ |
avajñayā bahiṣkāryāḥ svānubhūtyapalāpinaḥ || 88 ||
[Analyze grammar]

pratyakṣavadabhāvo'pi pramaiva raghunandana |
agnyabhāvo'pi śītasya pramāṇaṃ sarvajantuṣu || 89 ||
[Analyze grammar]

agnirdhūmatayā bhāgādyāṃ prayāti payodatām |
sadrūpapariṇāmena tadagniḥ somakāraṇam || 90 ||
[Analyze grammar]

agnirnaṣṭatayā śaityādasāveva prayāti yat |
vināśapariṇāmena tadagniḥ somakāraṇam || 91 ||
[Analyze grammar]

saptāmbudhipayaḥ pītvā dhūmodgāreṇa vāḍavaḥ |
payodatāṃ prayātena tadeva janayatyalam || 92 ||
[Analyze grammar]

arkaḥ pītvā niśānāthamāmāvāsyaṃ punaḥpunaḥ |
udgiratyamale pakṣe mṛṇālamiva sārasaḥ || 93 ||
[Analyze grammar]

pītvāmṛtopamaṃ śītaṃ prāṇaḥ somamukhāgame |
abhrāgamātpūrayati śarīraṃ pīnatāṃ gataḥ || 94 ||
[Analyze grammar]

jalamapyudapāṃ bhoge prayātyarkasya raśmitām |
sadrūpapariṇāmena tajjalaṃ vahnikāraṇam || 95 ||
[Analyze grammar]

nāśātmakatayā toyamauṣṇyatvādeti hyagnitām |
bināśapariṇāmena tattoyaṃ vahnikāraṇam || 96 ||
[Analyze grammar]

agnervināśe sadrūpapariṇāmo niśākaraḥ |
indorvināśe sadrūpapariṇāmo hutāśanaḥ || 97 ||
[Analyze grammar]

hutāśo nāśamāgatya somo bhavati vai tathā |
divaso nāśamāgatya rātrirbhavati vai yathā || 98 ||
[Analyze grammar]

tamaḥprakāśayośchāyātapayordinarātrayoḥ |
madhye vilakṣaṇaṃ rūpaṃ prājñairapi na labhyate || 99 ||
[Analyze grammar]

saṃdhirapyavilopaḥ syādetayoreva tadvapuḥ |
bhāvābhāvairyathaikāsthāniṣṭhāvetau tathaiva hi || 100 ||
[Analyze grammar]

dvābhyāṃ caitanyajāḍyābhyāṃ bhūtāni prasphuranti hi |
yathā tamaḥprakāśābhyāmahorātrā mahītale || 101 ||
[Analyze grammar]

cidūpajaḍarūpābhyāmāravdheyaṃ jagatsthitiḥ |
jalāmṛtābhyāṃ miśrābhyāṃ śītā tanurivaindavī || 102 ||
[Analyze grammar]

prakāśamanalaṃ sūryaṃ cidrūpaṃ viddhi rāghava |
jaḍātmakaṃ tamorūpaṃ viddhi somaśarīrakam || 103 ||
[Analyze grammar]

citsūrye nirmale dṛṣṭe nāma naśyedbhavodayam |
vyomasūrye bahirdṛṣṭe yathā kṛṣṇaniśātamaḥ || 104 ||
[Analyze grammar]

somadehe jaḍe dṛṣṭe cinnije satyavadbhavet |
niśīthe vilasatyabje yathā sauraprabhābharaḥ || 1 ||
[Analyze grammar]

somaṃ prakaṭayatyagniściddehasya ciraṃ prabhām |
svasaṃvinmayaminduściddehasthaṃ rūpamarkajam || 106 ||
[Analyze grammar]

cinniṣkriyā tvanāmā sā kevalā nopalabhyate |
āloka iva dīpena dehenaivāvagamyate || 107 ||
[Analyze grammar]

citaścetyonmukhatvena lābhaḥ saiva ca saṃsṛtiḥ |
niścetyāyāḥ śubho lābho nirvāṇaṃ vā tadeva hi || 108 ||
[Analyze grammar]

anyonyalabdhasadvākyāvevaṃ kuḍyaprakāśavat |
agnīṣomāvimau jñeyo saṃpṛktau dehadehinau || 109 ||
[Analyze grammar]

atiśāyini nirvāṇe jāḍye caivātiśāyini |
agnīṣomasya caivāṅga sthitirbhavati kevalā || 110 ||
[Analyze grammar]

prāṇo'gniruṣṇaprakṛtirapānaḥ śītalaḥ śaśī |
chāyātapavadityetau saṃsthitau mukhamārgagau || 111 ||
[Analyze grammar]

apāne śītale sattāmetyuṣṇaḥ prāṇapāvakaḥ |
pratibimbamivādarśe sa ca tasmiṃstathaiva hi || 112 ||
[Analyze grammar]

cidagniḥ padmapatrasthaṃ somaṃ vācātmakaṃ tviṣā |
janayatyanubhūtyeha kuḍyālokaṃ yathā bahiḥ || 113 ||
[Analyze grammar]

saṃsṛtyādau yathā kācitsaṃvicchītoṣṇarūpiṇī |
agnīṣomābhidhāṃ prāptā saiva sarge nṛṇāmiha || 114 ||
[Analyze grammar]

yatra somakalā grastā kṣaṇaṃ sūryeṇa ṣoḍaśī |
mukhādvitastimātraṃ syāttatra baddhapado bhava || 115 ||
[Analyze grammar]

nūnaṃ sūryapadaṃ prāpto yatra somo hṛdambare |
nūnaṃ kevalayā sthityā tatra baddhapado bhava || 116 ||
[Analyze grammar]

uṣṇamagniścidādityaḥ śaityaṃ soma udāhṛtam |
yatraitau pratibimbasthau tatra baddhapado bhava || 117 ||
[Analyze grammar]

śarīre somasūryāgnisaṃkrāntijño bhavānagha |
tatra saṃkrāntikālā hi bāhyāstṛṇasamāḥ smṛtāḥ || 118 ||
[Analyze grammar]

saṃkrāntimuttaramathāyanamaṅga samyakkālaṃ tathā viṣuvatau yadi dehavātaiḥ |
antarbahiṣṭhamiva vetsi yathānubhūtaṃ tacchobhase'tra na punaḥ paramabhyupetaḥ || 119 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter LXXXI

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: