Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter LXI

śrīrāma uvāca |
yathāsmākaṃ mune svapnapurapattanamaṇḍalam |
tathaiva padmajādīnāṃ yadi dehaparigrahaḥ || 1 ||
[Analyze grammar]

tathaivedaṃ ca saṃjātaṃ yadi sarvamasanmayam |
tadasmākaṃ dṛḍhataraḥ pratyayaḥ kathamutthitaḥ || 2 ||
[Analyze grammar]

śrīvasiṣṭha uvāca |
asmatsargavadābhāti pūrvasargaḥ prajāpateḥ |
ājīvapratibhāsātmā vidyate na tu vāstavaḥ || 3 ||
[Analyze grammar]

sarvagatvācciteḥ sarvaṃ jīvaḥ sarvatra saṃsṛtiḥ |
sā cāsamyagdarśanotthā samyagdarśananāśinī || 4 ||
[Analyze grammar]

svapnābhaḥ pratibhāso'sya ya eṣa samupasthitaḥ |
ahaṃtāpratyayaikātmā sa evātidṛḍhaṃ sthitaḥ || 5 ||
[Analyze grammar]

svapne kṣipravināśitvaṃ yathā puṃsā na dṛśyate |
sarvasvapne tathaivaitadbrahmaṇāmiha lakṣyate || 6 ||
[Analyze grammar]

svapno'yaṃ puruṣasyāsya pratibhāsasya yo bhavet |
rāmā'smadādisarvātmā bhavettādṛśa eva ca || 7 ||
[Analyze grammar]

yatsvapnapuruṣājjātaṃ tatsvapnapuruṣātmakam |
bhavatītyanubhūtaṃ hi yadbījaṃ tatphalaṃ yathā || 8 ||
[Analyze grammar]

asatyameva tadviddhi yadasatyena sādhyate |
asatye'rthe samarthe'pi na yuktaṃ bhāvanaṃ ghanam || 9 ||
[Analyze grammar]

yena tena parityājyamasadbhāvanabhāvanam |
dṛḍhapratyayitaṃ svapnapuruṣādyatsamutthitam || 10 ||
[Analyze grammar]

bhavatyātmani sargādi dṛḍhapratyayameva tat |
nimeṣamātraḥ pauro'yaṃ sargasvapnaḥ puraḥ sthitaḥ || 11 ||
[Analyze grammar]

tasminnimeṣa evāsminkalpatā parikalpyate |
sudīrghasvapnakhaṇḍo'yaṃ yathodeti prajāpateḥ || 12 ||
[Analyze grammar]

sargākhyaḥ sarvabhūtānāṃ pratyekamuditastathā |
cittattvasyaiva bhāvena sargavargaparamparā || 13 ||
[Analyze grammar]

sphuratyambho dravatvena yathāvartavivartanaiḥ |
yathā svapnātmikaiveyaṃ sargalakṣmīrna vāstavī || 14 ||
[Analyze grammar]

tadā saṃbhavatīdaṃ vai tatpadaṃ pralayaṃ gatam |
yadyathā yādṛśaṃ dṛṣṭaṃ tattādṛgvidyate tathā || 15 ||
[Analyze grammar]

na hi paryanuyoktavyāḥ svapnavibhramarītayaḥ |
na tadasti jagatyasminyanna saṃbhavati bhrame || 16 ||
[Analyze grammar]

vicitrāstriṣu lokeṣu dṛśyante vastudṛṣṭayaḥ |
jalamadhye jvalatyagniryathābdhau vaḍavānalaḥ || 17 ||
[Analyze grammar]

nagarāṇyambare santi yathā vaimānikāśrayāḥ |
śilāsvabjāni jāyante hemādrāviva pādapāḥ || 18 ||
[Analyze grammar]

ekānte sarvapuṇyāni santi kalpatarau yathā |
śilāḥ phalanti phalivadyathā ratnagulucchakāḥ || 19 ||
[Analyze grammar]

śilāntaḥ prāṇinaḥ santi bhekā iva śilāntare |
dṛṣado vāri niryāti candrakāntopalādiva || 20 ||
[Analyze grammar]

nimeṣeṇa ghaṭo yāti paṭatāṃ svāpasaṃvidi |
asatyamapi budhyeta svapne svamaraṇaṃ yathā || 21 ||
[Analyze grammar]

ākasmikaṃ jalaṃ vyomni dhriyate bhūtagaṃ yathā |
vitānamiva khe vāri tiṣṭhati svarṇadī yathā || 22 ||
[Analyze grammar]

uḍḍīyante śilāḥ sthūlāḥ pakṣavanto yathādrayaḥ |
śilāntaḥ prāpyate sarvaṃ nanu cintāmaṇeriva || 23 ||
[Analyze grammar]

cintitāni phalantyāśu devodyānāntareṣviva |
tānyeva na phalantyāśu mokṣādīnāṃ ca rāghava || 24 ||
[Analyze grammar]

acetano'pi kurute karma yantrapumāniva |
evamādyāstathānye ca vicitrārambhavibhramāḥ || 25 ||
[Analyze grammar]

dṛṣṭāḥ śambaragandharvavilāsairapyasaṃbhavāḥ |
deśakālakriyādravyaratnasaṃcaraṇīyajāḥ || 26 ||
[Analyze grammar]

arthā gandharvajanitā anantāḥ satyasaṃbhavāḥ |
asaṃbhavaḥ saṃbhavo'yamapi bhāvyupapadyate || 27 ||
[Analyze grammar]

saṃbhavo'saṃbhavaḥ samyak siddhaye svapnavibhramaḥ |
na tadasti na yatsatyaṃ na tadasti na yanmṛṣā || 28 ||
[Analyze grammar]

sarvaṃ sarveṇa sarvatra svapne sargābhidhānake |
svapne nimagnadhīrjantuḥ paśyati sthiratāṃ yathā || 29 ||
[Analyze grammar]

sargasvapne magnabuddhiḥ paśyati sthiratāṃ tathā |
bhramādbhramāntaraṃ gacchansvapnātsvapnāntaraṃ vrajan |
atisthirapratyayabhāgiha jīvo vimuhyati || 30 ||
[Analyze grammar]

śvabhrāntaraṃ śvabhranipātadoṣāt saṃprāpnuvanmugdhamṛgaḥ prayāti |
mohaṃ yathā pātamayaikarūpaṃ jīvastathā saṃsṛtipātramūḍhaḥ || 31 ||
[Analyze grammar]

Other editions:

Also see the following editions of the Sanskrit text or (alternative) English translations of the Yoga Vasistha Chapter LXI

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: