![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XXVII
bhuśuṇḍa uvāca |
etatte kathitaṃ brahmanyathāsmi yadihāsmi ca |
tvadājñāmātrasiddhyarthaṃ dhārṣṭyena jñānapāraga || 1 ||
[Analyze grammar]
śrīvasiṣṭha uvāca |
aho nu citraṃ bhagavanbhavatā bhūṣaṇaṃ śruteḥ |
ātmodantaḥ prakathitaḥ paraṃ vismayakāraṇam || 2 ||
[Analyze grammar]
dhanyāste ye mahātmānamatyantacirajīvanam |
bhavantaṃ paripaśyanti dvitīyamiva padmajam || 3 ||
[Analyze grammar]
yāvadadya dṛśo dhanyāḥ svātmodantamakhaṇḍitam |
yathāvatpāvanaṃ buddheḥ sarvaṃ kathitavānasi || 4 ||
[Analyze grammar]
prabhātaṃ dikṣu sarvāsu dṛṣṭā vibudhabhūtayaḥ |
bhavāniva jagatyasminna mahānavalokitaḥ || 5 ||
[Analyze grammar]
kathaṃcitprāpyate kaścidbhrāntveva hi mahājanaḥ |
na bhavāniva bhavyātmā sulabho jagati kvacit || 6 ||
[Analyze grammar]
vaṃśakhaṇḍe hi kasmiṃścijjāyate mauktikaṃ yathā |
jagatkhaṇḍe hi kasmiṃściddṛśyate tvādṛśastathā || 7 ||
[Analyze grammar]
mayā tu sumahatkāryamadya saṃpāditaṃ śubham |
puṇyadehavimuktātmā yadbhavānavalokitaḥ || 8 ||
[Analyze grammar]
tadastu tava kalyāṇaṃ praviśātmaguhāṃ śubhām |
madhyāhnasamayo yanme vrajāmi suramandiram || 9 ||
[Analyze grammar]
ityākarṇya bhuśuṇḍo'sau jagrāhotthāya pādapāt |
saṃkalpitābhyāṃ hastābhyāmupāttaṃ hemapallavam || 10 ||
[Analyze grammar]
kalpavṛkṣalatāpuṣpakesareṇa himatviṣā |
tatpātraṃ mauktikārghyeṇa pūrayāmāsa pūrṇadhīḥ || 11 ||
[Analyze grammar]
tenārghyapādyapuṣpeṇa trinetramiva māmasau |
āpādamastakaṃ bhaktyā pūjayāmāsa pūrvajaḥ || 12 ||
[Analyze grammar]
anuvrajyākadarthena khagendrālamiti bruvan |
viṣṭarādahamutthāya tataḥ khagavadāplutaḥ || 13 ||
[Analyze grammar]
vyomni yojanamātraṃ tu madanuvrajyayā gataḥ |
karaṃ kareṇāvaṣṭabhya balātsaṃrodhitaḥ khagaḥ || 14 ||
[Analyze grammar]
mayi yāte kṣaṇenaiva gaganādhvanyadṛśyatām |
nivṛtto'sau vihaṃgendro dustyajā saṃgatiḥ satām || 15 ||
[Analyze grammar]
anyonyamapi kasmiṃścittaraṅgaka ivāmbudhau |
vyomanyadṛśyatāṃ yāto khagasmṛtyā munīnaham || 16 ||
[Analyze grammar]
saptarṣimaṇḍalaṃ prāpya jāyayā paripūjitaḥ |
yāte kṛtayugasyādau purā varṣaśatadvaye || 17 ||
[Analyze grammar]
saṃgato'haṃ bhuśuṇḍena meroḥ śṛṅgadrume'bhavam |
adya rāma kṛte kṣīṇe tretā saṃprati vartate || 18 ||
[Analyze grammar]
madhye tretāyugasyāsya jātastvaṃ ripumardana |
punaradyāṣṭame varṣe tatraivopari bhūbhṛtaḥ |
milito'bhūdbhuśuṇḍo me tathevājararūpavān || 19 ||
[Analyze grammar]
iti saṃkathitaṃ citraṃ bhuśuṇḍodantamuttamam |
śrutvā vicārya caivāntaryadyuktaṃ tatsamācara || 20 ||
[Analyze grammar]
śrīvālmīkiruvāca |
iti sumatibhuśuṇḍasatkathāṃ yo vimalamatiḥ pravicārayiṣyatīha |
bhavabhayabahulākulāsthitāṃ sa prasabhamasatsaritaṃ tariṣyatīti || 21 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XXVII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!