Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXII

bhuśuṇḍa uvāca |
tato jagati jāteṣu bhagavanyuṣmadādiṣu |
bharadvājapulastyātrināradendramarīciṣu || 1 ||
[Analyze grammar]

pulahoddālakādyeṣu kratubhṛgvaṅgirassu ca |
sanatkumārabhṛṅgīśaskandebhavadanādiṣu || 2 ||
[Analyze grammar]

gaurīsarasvatīlakṣmīgāyatryādyāsu bhūriṣu |
merumandarakailāsahimavaddardurādiṣu || 3 ||
[Analyze grammar]

hayagrīvahiraṇyākṣakālanemibalādiṣu |
hiraṇyakaśipukrāthabaliprahrādakādiṣu || 4 ||
[Analyze grammar]

śibinyaṅkupṛthūlākhyavainyanābhāgakeliṣu |
nalamāndhātṛsagaradilīpanahuṣādiṣu || 5 ||
[Analyze grammar]

ātreyavyāsavālmīkiśukavātsyāyanādiṣu |
upamanyumaṇīmaṅkībhagīrathaśukādiṣu || 6 ||
[Analyze grammar]

alpakātītakāleṣu kiṃciddūreṣu keṣucit |
tathādyatanasargeṣu smaraṇe gaṇanaiva kā || 7 ||
[Analyze grammar]

mune te brahmaputrasya janmāṣṭakamidaṃ kila |
saṃsmarāmyaṣṭame sarge tasmiṃstvaṃ mama saṃgataḥ || 8 ||
[Analyze grammar]

kadācijjāyase vyomnaḥ kadācijjāyase jalāt |
kadācidvāyutaḥ śailātkadācijjāyase'nalāt || 9 ||
[Analyze grammar]

yādṛśo yādṛśācāro yādṛksaṃsthānadiggaṇaḥ |
sargo'yaṃ tādṛśāneva trīnsargānsaṃsmarāmyaham || 10 ||
[Analyze grammar]

ekarūpākhilācārasaṃniveśadharāmarān |
samakālānsthirasthairyāndaśasargānsmarāmyaham || 11 ||
[Analyze grammar]

antardhānaṃ gatā dhātrī vārapañcakamuddhṛtā |
mune pañcasu sargeṣu kūrmeṇaiva payonidheḥ || 12 ||
[Analyze grammar]

mandarākarṣaṇāvegaparyākulasurāsuram |
smarāmi dvādaśaṃ cedamamṛtāmbhodhimanthanam || 13 ||
[Analyze grammar]

sarvauṣadhirasopetāṃ baligrāhastadā divaḥ |
vāratrayahiraṇyākṣo nītavānvasudhāmadhaḥ || 14 ||
[Analyze grammar]

reṇukātmajatāṃ gatvā ṣaṣṭhavāramimaṃ hariḥ |
bahusargāntareṇāpi cakāra kṣatriyakṣayam || 15 ||
[Analyze grammar]

śataṃ kaliyugānāṃ ca harerbuddhadaśāśatam |
śaukarājatayaivāptaṃ smarāmi munināyaka || 16 ||
[Analyze grammar]

triṃśattripuravikṣobhāndvau dakṣādhvarasaṃkṣayau |
daśaśakravighātāṃśca candramauleḥ smarāmyaham || 17 ||
[Analyze grammar]

bāṇārthamaṣṭau saṃgrāmāñjvarapramathamantrakān |
vikṣobhitasurānīkāntsmarāmi hariśarvayoḥ || 18 ||
[Analyze grammar]

yugaṃprati dhiyāṃ puṃsāṃ nyūnādhikatayā mune |
kriyāṅgapāṭhavaicitryayuktānvedāntyarāmyaham || 19 ||
[Analyze grammar]

ekārthāni samagrāṇi bahupāṭhāni me'nagha |
purāṇāni pravartante prasṛtāni yugaṃprati || 20 ||
[Analyze grammar]

punastāneva tānevamanyānapi yuge yuge |
vedādivitpraracitānitihāsānsmarāmyaham || 1 ||
[Analyze grammar]

itihāsaṃ mahāścaryamanyaṃ rāmāyaṇāmidham |
granthalakṣapramāṇaṃ ca jñānaśāstraṃ smarāmyaham || 22 ||
[Analyze grammar]

rāmavadvyavahartavyaṃ na rāvaṇavilāsavat |
iti yatra dhiyāṃ jñānaṃ haste phalamivārpitam || 23 ||
[Analyze grammar]

kṛtaṃ vālmīkinā caitadadhunā yatkariṣyati |
anyacca prakaṭaṃ loke sthitaṃ jñāsyasi kālataḥ || 28 ||
[Analyze grammar]

vālmīkināmnā jīvena tenaivānyena vā kṛtam |
etacca dvādaśaṃ vāraṃ kriyate vismṛtiṃ gatam || 25 ||
[Analyze grammar]

dvitīyametasya samaṃ bhārataṃ nāma nāmataḥ |
smarāmi prāktanavyāsakṛtaṃ jagati vismṛtam || 26 ||
[Analyze grammar]

vyāsābhidhena jīvena tenaivānyena vā kṛtam |
etattu saptamaṃ vāraṃ kriyate vismṛtiṃ gatam || 27 ||
[Analyze grammar]

ākhyānakāni śāstrāṇi nivṛttāni yugaṃprati |
vicitrasaṃniveśāni saṃsmarāmi munīśvara || 28 ||
[Analyze grammar]

bhūyastānyeva tānyeva tathānyāni yuge yuge |
sādho padārthajālāni prapaśyāmi smarāmi vai || 29 ||
[Analyze grammar]

rākṣasakṣataye viṣṇormahīmavatariṣyataḥ |
adhunaikādaśaṃ janma rāmanāmno bhaviṣyati || 30 ||
[Analyze grammar]

nārasiṃhena vapuṣā hiraṇyakaśipuṃ hariḥ |
jaghāna vāratritayaṃ mṛgendra iva vāraṇam || 31 ||
[Analyze grammar]

vasudevagṛhe viṣṇorbhuvo bhāranivṛttaye |
adhunā ṣoḍaśaṃ janma bhaviṣyati munīśvara || 32 ||
[Analyze grammar]

jaganmayī bhrāntiriyaṃ na kadācana vidyate |
vidyate tu kadācicca jalabudbudavatsthitā || 33 ||
[Analyze grammar]

dṛśyabhrāntiranityeyamantasthā saṃvidātmani |
jāyate līyate cāśu lolā vīcirivāmbhasi || 34 ||
[Analyze grammar]

samekasaṃniveśāni bahūni viṣamāṇi ca |
tathārdhasamarūpāṇi trijaganti smarāmyaham || 35 ||
[Analyze grammar]

tānyeva tādṛkkarmāṇi tathānyācaraṇāni ca |
tatkarmāṇi tathānyāni bhūtānīha smarāmyaham || 36 ||
[Analyze grammar]

pratimanvantaraṃ brahmanviparyaste jagatkrame |
saṃniveśe'nyathājāte prayāte saṃśrute jane || 37 ||
[Analyze grammar]

mamānyānyeva mitrāṇi anya eva ca bandhavaḥ |
anya eva navā bhṛtyā anya eva samāśrayāḥ || 38 ||
[Analyze grammar]

kadācidahamekānte vindhyakacchakṛtālayaḥ |
kadācitsahyanilayaḥ kadāciddardurālayaḥ || 39 ||
[Analyze grammar]

kadāciddhimavadvāsī kadācinmalayācalaḥ |
kadācitprāktanenaiva saṃniveśena bhūdharam || 40 ||
[Analyze grammar]

cūtavṛkṣe ca śākhāyāṃ prāpya nīḍaṃ karomyaham |
anādyanteṣu yāteṣu yugeṣu munināyaka || 41 ||
[Analyze grammar]

prāktanenaiva jāto'yaṃ saṃniveśena pādapaḥ |
dehaṃ tyaktvā sukhaṃ sādho nātaḥ pariṇatiṃ gataḥ || 42 ||
[Analyze grammar]

tadīyenaiva jāto'yaṃ saṃniveśena pādapaḥ |
tāte jīvati yaivābhūcchobhāsya sutarostathā || 43 ||
[Analyze grammar]

kṛtaprāksaṃniveśo'yamahaṃ sthitimihāgataḥ |
nehābhūduttarā pūrvaṃ kakubnāyaṃ ca bhūdharaḥ || 44 ||
[Analyze grammar]

diguttarābhūdanyeyaṃ pūrvameva mahīdharaḥ |
ekaikadehasaṃsthānavītabrahmaniśāgamaḥ || 45 ||
[Analyze grammar]

dhyānānte tattva evainaṃ sargamālokya vedmyaham |
arkāderṛkṣasaṃccārānmervādisthānakā diśaḥ || 46 ||
[Analyze grammar]

saṃsthānamanyathā tasminsthite yānti diśo'nyathā |
na sannāsajjaganmanye bhramayankevalaṃ dhiyaḥ || 47 ||
[Analyze grammar]

ātmaspandacamatkāravibhavo'yaṃ vijṛmbhate |
putraḥ pitṛtvamāyāti mitraṃ yātyaritāṃ tathā || 48 ||
[Analyze grammar]

strītvaṃ ca śataśo yātānpuṃsaścaiva smarāmyaham |
kalau kṛtayugācārānkṛte kaliyugasthitim || 49 ||
[Analyze grammar]

tretāyāṃ dvāpare caiva saṃsmarāmi munīśvara |
adṛṣṭavedavedārthānsvasaṃketavihāriṇaḥ || 50 ||
[Analyze grammar]

sargānnirargalācārānkvacitkāṃścitsmarāmyaham |
dhyātari brahmaṇo brahmansasurāsuramānuṣam || 51 ||
[Analyze grammar]

caturyugasahasrānte jagacchūnyaṃ smarāmyaham |
manomanananirmāṇānpārthivākāravarjitān |
vyāptānvāyumayairbhūtairdaśa sargānsmarāmyaham || 52 ||
[Analyze grammar]

vicitrasaṃsthānaviśeṣadeśānvicitrakāryākulabhūtakośān |
vicitravinyāsavilāsaveṣānsmarāmyahaṃ brahmadineṣvaśeṣām || 53 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter XXII

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: