Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXI

bhuśuṇḍa uvāca |
yugakṣobheṣu ghoreṣu vākyāsu viṣamāsu ca |
susthiraḥ kalpavṛkṣo'yaṃ na kadācana kampate || 1 ||
[Analyze grammar]

agamyo'yaṃ samagrāṇāṃ lokāntaravihāriṇām |
bhūtānāṃ tena tiṣṭhāma iha sādho sukhena vai || 2 ||
[Analyze grammar]

hiraṇyākṣo dharāpīṭhaṃ dvīpasaptakaveṣṭitam |
yadā jahāra tarasā nākampata tadā taruḥ || 3 ||
[Analyze grammar]

yadā lolāyitavapurbabhūvāmaraparvataḥ |
sarvato dattasāmyādristadā nākampata drumaḥ || 4 ||
[Analyze grammar]

bhujāvaṣṭambhavinamanmerurnārāyaṇo yadā |
mandaraṃ proddadhārādriṃ tadā nākampata drumaḥ || 5 ||
[Analyze grammar]

yadā surāsurakṣobhapataccandrārkamaṇḍalam |
āsījjagadatikṣubdhaṃ tadā nākampata drumaḥ || 6 ||
[Analyze grammar]

unmūlitādrīndraśilā yadotpātānilā vavuḥ |
ādhūtamerutaravastadā nākampata drumaḥ || 7 ||
[Analyze grammar]

yadā kṣīrodalolādrikandarānilakampitāḥ |
kalpābhrapaṅktayaścerustadā nākampata drumaḥ || 8 ||
[Analyze grammar]

yadā samantato meruḥ kālanemibhujāntare |
kiṃcidunmūlito'tiṣṭhattadā nākampata drumaḥ || 9 ||
[Analyze grammar]

pakṣīśapakṣapavanā amṛtākrāntisaṃgare |
yadā vavuḥ patatsiddhāstadāyaṃ nāpataddrumaḥ || 10 ||
[Analyze grammar]

yadā śeṣākṛtiṃ rudro nasamāptaikaceṣṭitām |
yayau garutmānbrahmāṇḍaṃ tadā nākampata drumaḥ || 11 ||
[Analyze grammar]

yadā kalpānalaśikhāḥ śailābdhisakalolbaṇaḥ |
śeṣaḥ phaṇābhistatyāja tadā nākampata drumaḥ || 12 ||
[Analyze grammar]

evaṃrūpe drumavare tiṣṭhatāmāpadaḥ kutaḥ |
asmākaṃ muniśārdūla dauḥsthityena kilāpadaḥ || 13 ||
[Analyze grammar]

śrīvasiṣṭha uvāca |
kalpānteṣu mahābuddhe vahatsūtpātavāyuṣu |
prapatatsvindubhārkeṣu kathaṃ tiṣṭhasi vijvaraḥ || 14 ||
[Analyze grammar]

bhuśuṇḍa uvāca |
yadā papāta kalpānte vyavahāro jagatsthitau |
kṛtaghna iva sanmitraṃ tadā nīḍaṃ tyajāmyaham || 15 ||
[Analyze grammar]

ākāśa eva tiṣṭhāmi vigatākhilakalpanaḥ |
stabdhaprakṛtisarvāṅgo mano nirvāsanaṃ yathā || 16 ||
[Analyze grammar]

pratapanti yadādityāḥ śakalīkṛtabhūdharāḥ |
vāruṇīṃ dhāraṇāṃ baddhvā tadā tiṣṭhāmi dhīradhīḥ || 17 ||
[Analyze grammar]

yadā śakalitādrīndrā vānti pralayavāyavaḥ |
pārvatīṃ dhāraṇāṃ baddhvā khe tiṣṭhāmyacalaṃ tadā || 18 ||
[Analyze grammar]

jagadgalitamervādi yātyekārṇavatāṃ yadā |
vāyavīṃ dhāraṇāṃ baddhvā saṃplave'caladhīstadā || 19 ||
[Analyze grammar]

brahmāṇḍapāramāsādya tattvānte vimale pade |
suṣuptāvasthayā tāvattiṣṭhāmyacalarūpayā || 20 ||
[Analyze grammar]

yāvatpunaḥ kamalajaḥ sṛṣṭikarmaṇi tiṣṭhati |
tatra praviśya brahmāṇḍaṃ tiṣṭhāmi vihagālaye || 21 ||
[Analyze grammar]

śrīvasiṣṭha uvāca |
yathā tiṣṭhasi pakṣīndra dhāraṇābhirakhaṇḍitaḥ |
kalpānteṣu tathā kasmānnānye tiṣṭhanti yoginaḥ || 22 ||
[Analyze grammar]

bhuśuṇḍa uvāca |
brahmanniyatireṣā hi durlaṅghyā pārameśvarī |
mayedṛśena vai bhāvyaṃ bhāvyamanyaistu tādṛśaiḥ || 23 ||
[Analyze grammar]

na śakyate tolayitumavaśyaṃ bhavitavyatā |
yadyathā tattathaitaddhi svabhāvasyaiva niścayaḥ || 24 ||
[Analyze grammar]

matsaṃkalpavaśenaiva kalpe kalpe punaḥ punaḥ |
asminneva gireḥ śṛṅge taruritthaṃ bhavatyayam || 25 ||
[Analyze grammar]

śrīvasiṣṭha uvāca |
atyantamokṣadīrghāyurbhavānnirdeśanāyakaḥ |
jñānavijñānavāndhīro yogayogyamanogatiḥ || 26 ||
[Analyze grammar]

dṛṣṭānekavidhānalpasargasaṅgagamāgamaḥ |
kiṃ kiṃ smarasi kalyāṇa citramasmiñjagatkrame || 27 ||
[Analyze grammar]

bhuśuṇḍa uvāca |
mahattara śilāvṛkṣāmajātatṛṇavīrudham |
aśailavanavṛkṣaughāṃ smarāmīmāṃ dharāmadhaḥ || 28 ||
[Analyze grammar]

daśavarṣasahasrāṇi daśavarṣaśatāni ca |
bhasmasārabharāpūrṇāṃ saṃsmarāmi dharāmadhaḥ || 29 ||
[Analyze grammar]

anutpannadivādhīśāmaśaktaśaśimaṇḍalām |
avibhaktadivālokāṃ saṃsmarāmi dharāmadhaḥ || 30 ||
[Analyze grammar]

meruratnatalodyotairardhaprakaṭakoṭaram |
lokālokamivākyāḍhyādribhuvanaṃ saṃsmarāmyaham || 31 ||
[Analyze grammar]

pravṛddhāsurasaṃgrāme kṣīyamāṇantarāmiha |
palāyamānāmabhitaḥ saṃsmarāmi dharāmimām || 32 ||
[Analyze grammar]

caturyugāni cākrāntāmasurairmattakāśibhiḥ |
daityāntaḥpuratāṃ prāptāṃ saṃsmarāmi dharāmimām || 33 ||
[Analyze grammar]

atyantāntaritāntāntasamastāparamaṇḍalām |
ajadevatrayīśeṣāṃ saṃsmarāmi jagatkuṭīm || 34 ||
[Analyze grammar]

caturyugārdhamaparaṃ nīrandhrāṃ vanapādapaiḥ |
adṛṣṭetaranirmāṇāṃ saṃsmarāmi dharāmimām || 35 ||
[Analyze grammar]

evaṃ caturyugaṃ sāgraṃ nīrandhrairacalairvṛtām |
apravṛttajanācārāṃ saṃsmarāmi dharāmimām || 36 ||
[Analyze grammar]

daśavarṣasahasrāṇi mṛtadaityāsthiparvataiḥ |
ākīrṇāṃ paritaḥ pūrṇāṃ saṃsmarāmi dharāmimām || 37 ||
[Analyze grammar]

bhayādantarhitāśeṣavaimānikanabhaścarām |
dyāṃ ca nirvṛkṣaniḥśeṣāṃ saṃsmarāmi tamomayīm || 38 ||
[Analyze grammar]

anagastyāmagastyāśāmekaparvatatāṃ gatām |
matte vindhyamahāśaile saṃsmarāmi jagatkuṭīm || 39 ||
[Analyze grammar]

etāṃścānyāṃśca vṛttāntānsaṃsmarāmi bahūnapi |
kiṃ tena bahunoktena sāraṃ saṃkṣepataḥ śṛṇu || 40 ||
[Analyze grammar]

asaṃkhyātānmanūnbrahmansmarāmi śataśo gatān |
sarvānsaṃrambhabahulāṃścaturyugaśatāni ca || 41 ||
[Analyze grammar]

ekameva svayaṃ śuddhaṃ puruṣāsuravarjitam |
ālokanicayaṃ caikaṃ kaṃcitsargaṃ smarāmyaham || 42 ||
[Analyze grammar]

surāpaṃ brāhmaṇaṃ mattaṃ niṣiddhasuraśūdrakam |
bahunāthasatīkaṃ ca kaṃcitsargaṃ smarāmyaham || 43 ||
[Analyze grammar]

vṛkṣanīrandhrabhūpīṭhamakalpitamahārṇavam |
svayasaṃjātapuruṣaṃ kaṃcitsargaṃ smarāmyaham || 44 ||
[Analyze grammar]

aparvatamabhūmiṃ ca vyomasthāmaramānavam |
acandrārkaprakāśākhyaṃ kaṃcitsargaṃ smarāmyaham || 45 ||
[Analyze grammar]

anindramamahīpālamamadhyasthādhamottamam |
svamamandhakakupcakraṃ kaṃcitsargaṃ smarāmyaham || 46 ||
[Analyze grammar]

sargaprārambhakalanā vibhāgo bhuvanatraye |
kulaparvatasaṃsthānaṃ jambūdvīpaṃ pṛthaksthitam || 47 ||
[Analyze grammar]

varṇadharmadhiyāṃ sṛṣṭivibhāgo maṇḍalāvaneḥ |
ṛkṣacakrakasaṃsthānaṃ dhruvanirmāṇameva ca || 48 ||
[Analyze grammar]

janmendubhāskarādīnāmindropendravyavasthitim |
hiraṇyākṣāpaharaṇaṃ varāhoddharaṇaṃ kṣiteḥ || 49 ||
[Analyze grammar]

kalpanaṃ pārthivānāṃ ca vedānayanameva ca |
mandaronmūlanaṃ cābdheramṛtārthaṃ ca manthanam || 50 ||
[Analyze grammar]

ajātapakṣo garuḍaḥ sāgarāṇāṃ ca saṃbhavaḥ |
ityādikā yāḥ smṛtayaḥ svalpātītajagatkramāḥ |
bālairapi hi tāstāta smaryante tāsu ko grahaḥ || 51 ||
[Analyze grammar]

garuḍavāhanaṃ vihagavāhanaṃ vihagavāhanaṃ vṛṣabhavāhanam |
vṛṣabhavāhanaṃ garuḍavāhanaṃ kalitavānahaṃ kalitajīvitaḥ || 52 ||
[Analyze grammar]

Other editions:

Also see the following editions of the Sanskrit text or (alternative) English translations of the Yoga Vasistha Chapter XXI

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: