Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter IV

< Previous

Next >

śrīvasiṣṭha uvāca |
mano buddhirahaṃkāra indriyādi tathānagha |
acetyacinmayaṃ sarvaṃ kva te jīvādayaḥ sthitāḥ || 1 ||
[Analyze grammar]

ekenaivātmanā dattā nānāteyaṃ mahātmanā |
yathaikenaiva candreṇa timirāppātradarpaṇaiḥ || 2 ||
[Analyze grammar]

bhogatṛṣṇāviṣāveśo yadaivopaśamaṃ gataḥ |
tadaivamastamajñānamāndhyaṃ dhvāntakṣayādiva || 3 ||
[Analyze grammar]

adhyātmaśāstramantreṇa tṛṣṇāviṣaviṣūcikā |
kṣīyate bhāvitenāntaḥ śaradā mihikā yathā || 4 ||
[Analyze grammar]

maurkhye kṣīṇe kṣataṃ viddhi cittaṃ rāma sabāndhavam |
vilīnāmbudhare vyomni jāḍyaṃ śāmyatyavighnataḥ || 5 ||
[Analyze grammar]

acittatvaṃ gate citte kṣīyate vāsanābhramaḥ |
hāramuktāsamāveśaśchinne tantāvivānagha || 6 ||
[Analyze grammar]

raghunātha vighātāya śāstrārthaṃ bhāvayanti ye |
kṛmikīṭatvayogyāya cetasā saṃmilanti te || 7 ||
[Analyze grammar]

navatāmarasākārakāntalocanalolatā |
śānte maurkhye'kṣatā vāte calatā saraso yathā || 8 ||
[Analyze grammar]

sthiratāmupayāto'si bhāvābhāvavivarjitaḥ |
pade paramavistāre nabhasīva prabhañjanaḥ || 9 ||
[Analyze grammar]

manye madvacanairbodhamāgato'si raghūdvaha |
vigatājñānanidro'ntarnṛpatiḥ paṭahairiva || 10 ||
[Analyze grammar]

sāmānye ca lagantyeva jane kulagurorgiraḥ |
atyudāramatau rāma na laganti kathaṃ tvayi || 11 ||
[Analyze grammar]

yatropādeyavākyatvaṃ bhāvitaṃ svena cetasā |
madvaco'ntarviśatyuccaistapte kṣetre yathā payaḥ || 12 ||
[Analyze grammar]

vayamiha hi mahānubhāva nityaṃ kulaguravo bhavatāṃ raghūdvahānām |
maduditamidamāśu dhāryamārya śubhavacanaṃ hṛdi hāravattvayeti || 13 ||
[Analyze grammar]