![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter LXXIX
śrīrāma uvāca |
yogayuktasya cittasya śama eva nirūpitaḥ |
samyagjñānamidānīṃ me kathayānugrahātprabho || 1 ||
[Analyze grammar]
śrīvasiṣṭha uvāca |
anādyantāvabhāsātmā paramātmeha vidyate |
ityeko niścayaḥ sphāraḥ samyagjñānaṃ vidurbudhāḥ || 2 ||
[Analyze grammar]
imā ghaṭapaṭākārāḥ padārthaśatapaṅktayaḥ |
ātmaiva nānyadastīti niścayaḥ samyagīkṣaṇam || 3 ||
[Analyze grammar]
asamyagvedanājjanma mokṣaḥ samyagavekṣaṇāt |
asamyagvedanādrajjuḥ sarpo no samyagīkṣaṇāt || 4 ||
[Analyze grammar]
saṃkalpāṃśavinirmuktā saṃvitsaṃvedyavarjitā |
saṃvittyābhisamākhyātā muktāvastīha netarat || 5 ||
[Analyze grammar]
sā śuddharūpā vijñātā paramātmeti kathyate |
śuddhā tvaśuddharūpāntaravidyetyucyate budhaiḥ || 6 ||
[Analyze grammar]
saṃvittireva saṃvedyaṃ nānayordvitvakalpanā |
cinotyātmānamātmaiva rāmaivaṃ nānyadasti hi || 7 ||
[Analyze grammar]
yathābhūtātmadarśitvametāvadbhuvanatraye |
yadātmaiva jagatsarvamiti niścitya pūrṇatā || 8 ||
[Analyze grammar]
sarvamātmaiva kau diṣṭau bhāvābhāvau kva ca sthitau |
kva bandhamokṣakalane kimanyadrāma śocyate || 9 ||
[Analyze grammar]
na cetyamanyanno cittaṃ brahmaivedaṃ vijṛmbhate |
sarvamekaṃ paraṃ vyoma ko mokṣaḥ kasya bandhatā || 10 ||
[Analyze grammar]
brahmedaṃ bṛṃhitākāraṃ vṛhadbṛhadavasthitam |
jñānādastamitadvitvaṃ bhavātmaiva tvamātmanā || 11 ||
[Analyze grammar]
samyagālokite rūpe kāṣṭhapāṣāṇavāsasām |
manāgapi na bhedo'sti kvāsi saṃkalpanonmukhaḥ || 12 ||
[Analyze grammar]
ādāvante ca saṃśāntaṃ svarūpamavināśi yat |
vastu nāmātmanaścaiva tanmayo bhava rāghava || 13 ||
[Analyze grammar]
paraṃ vyomedamakhilaṃ jagatsthāvarajaṅgamam |
sukhaduḥkhakramaḥ kutra vijvaro bhava rāghava || 14 ||
[Analyze grammar]
dvaitādvetasamudbhūtairjarāmaraṇavibhramaiḥ |
sphuratyātmabhirātmaiva citrairambviva vīcibhiḥ || 15 ||
[Analyze grammar]
śuddhamātmānamāliṅgya nityamantasthayā dhiyā |
yaḥ sthitastaṃ ka ātmehaṃ bhogā bandhayituṃ kṣamāḥ || 16 ||
[Analyze grammar]
kṛtasphāravicārasya manobhogādayo'rayaḥ |
manāgapi na bhindanti śailaṃ mandānilā iva || 17 ||
[Analyze grammar]
avicāriṇamajñānaṃ mūḍhamāśāparāyaṇam |
nigirantīha duḥkhāni bakā matsyamivājalam || 18 ||
[Analyze grammar]
jagadātmaiva sakalamavidyā nāsti kutracit |
iti dṛṣṭimavaṣṭabhya samyagrūpaḥ sthiro bhava || 19 ||
[Analyze grammar]
nānātvamasti kalanāsu na vastuto'ntarnānāvidhāsu sarasīṣu jalādi nānyat |
ityekaniścayamayaḥ puruṣo vimukta ityucyate samavalokitasamyagarthaḥ || 20 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter LXXIX
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!