Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XXVI
śrīvasiṣṭha uvāca |
iti saṃcintya balavānbalirāmīlitekṣaṇaḥ |
dadhyau kamalapatrākṣaṃ śukramākāśamandiram || 1 ||
[Analyze grammar]
sarvasthaṃ cintayānaṃ tu nityadhyāno'tha bhārgavaḥ |
cetaḥsthaṃ jñātavān śiṣyaṃ baliṃ gurvarthinaṃ pure || 2 ||
[Analyze grammar]
atha sarvagatānantacidātmā bhārgavaḥ prabhuḥ |
ānināya sa dehaṃ svaṃ ratnavātāyanaṃ baleḥ || 3 ||
[Analyze grammar]
gurudehaprabhājālaparimṛṣṭatanurbaliḥ |
bubudhe prātararkāṃśusaṃbodhitamivāmbujam || 4 ||
[Analyze grammar]
tatra ratnārghyadānena mandārakusumotkaraiḥ |
pādābhivandanairenaṃ pūjayāmāsa bhārgavam || 5 ||
[Analyze grammar]
ratnārghyaparipūrṇāṅgaṃ kṛtamandāraśekharam |
mahārhāsanaviśrāntamathovāca guruṃ baliḥ || 6 ||
[Analyze grammar]
baliruvāca |
bhagavaṃstvatprasādotthā pratibheyaṃ purastava |
niyojayati māṃ vaktuṃ kāryaṃ kartumivārkabhāḥ || 7 ||
[Analyze grammar]
bhogānprati virakto'smi mahāsaṃmohadāyinaḥ |
tattattvaṃ jñātumicchāmi mahāsaṃmohahāri yat || 8 ||
[Analyze grammar]
kiyanmātramidaṃ bhogajālaṃ kimayameva vā |
ko'haṃ kastvaṃ kimete vā lokā iti vadāśu me || 9 ||
[Analyze grammar]
śukra uvāca |
bahunātra kimuktena khaṃ gantuṃ yatnavānaham |
sarvadānavarājendra sāraṃ saṃkṣepataḥ śṛṇu || 10 ||
[Analyze grammar]
cidihāsti hi cinmātramidaṃ cinmayameva ca |
cittvaṃ cidahamete ca lokāściditi saṃgrahaḥ || 11 ||
[Analyze grammar]
bhavyo'si cettadetasmātsarvamāpnoṣi niścayāt |
no cettadvahvapi proktaṃ tvayi bhasmani hūyate || 12 ||
[Analyze grammar]
ciccetyakalanābandhastanmuktirmuktirucyate |
cidacetyākhilātmeti sarvasiddhāntasaṃgrahaḥ || 13 ||
[Analyze grammar]
enaṃ niścayamādāya vilokayasi helayā |
svayamevātmanātmānamanantaṃ padamāpsyasi || 14 ||
[Analyze grammar]
khaṃ vrajāmyahamatraiva munayaḥ sapta saṃgatāḥ |
kenāpi surakāryeṇa vastavyaṃ tatra vai mayā || 15 ||
[Analyze grammar]
rājanyāvadayaṃ dehastāvanmuktadhiyāmapi |
yathāprāptakriyātyāgo rocate na svabhāvataḥ || 16 ||
[Analyze grammar]
iti kathitavatātha bhārgaveṇa sphuṭajalarāśipathā mahājavena |
plutamaliśabale nabhontarāle taralataraṅgavadākule grahaughaiḥ || 17 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XXVI
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!