Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXII

śrīvasiṣṭha uvāca |
athavā raghuvaṃśākhyanabhaḥpūrṇaniśākara |
balivadbuddhibhedena jñānamāsādayāmalam || 1 ||
[Analyze grammar]

śrīrāma uvāca |
bhagavansarvadharmajña tvatprasādānmayā hṛdi |
prāptaṃ prāptavyamakhilaṃ viśrāntaṃ cāmale pade || 2 ||
[Analyze grammar]

śaradīvāmbarādabhramadabhraṃ mama cetasaḥ |
vibho vyapagataṃ sarvaṃ tṛṣṇākhyaṃ tanmahātamaḥ || 3 ||
[Analyze grammar]

amṛtāpūritaḥ svasthaḥ śītalātmā mahādyutiḥ |
tiṣṭhāmyānandavānantaḥ sāyaṃ pūrṇaṃ ivoḍurāṭ || 4 ||
[Analyze grammar]

aśeṣasaṃśayāmbhodaśaratsamaya kiṃtvaham |
tṛptimeṣāṃ na gacchāmi vacasāṃ vadatastava || 5 ||
[Analyze grammar]

balervijñānasaṃprāptiṃ punarmadbodhavṛddhaye |
vibho kathaya khidyante santo nāvanataṃ prati || 6 ||
[Analyze grammar]

śrīvasiṣṭha uvāca |
śrṛṇu rāghava te vakṣye balervṛttāntamuttamam |
śrutena yena taṃ tattvabodhaṃ prāpsyasi śāśvatam || 7 ||
[Analyze grammar]

astyasmiñjagataḥ kośe kasmiṃściddiṅnikuñjake |
pātālamiti vikhyāto loko bhūmeradhaḥ sthitaḥ || 8 ||
[Analyze grammar]

kṣīrodārṇavajātābhirdiradhābhiramṛtāṃśubhiḥ |
kvaciddānavakanyābhirbhāti nirvivarāntaraḥ || 9 ||
[Analyze grammar]

jihvāgaṇoddāmaravairvilolarasanāyugaiḥ |
kvacidbhogibhirāpūrṇaḥ sahasraśatamastakaiḥ || 10 ||
[Analyze grammar]

dehādrivalitāśeṣaviśvoddharaṇaghasmaraiḥ |
kvaciddanusutairvyāptaścaladbhiriva merubhiḥ || 11 ||
[Analyze grammar]

kumbhakūṭāgraviśrāntavasudhāmaṇḍalodaraiḥ |
kvaciddigdantibhirdantadrumādribhirupāśritaḥ || 12 ||
[Analyze grammar]

mahākaṭakaṭāśabdatrastabhūtaparamparaiḥ |
kvaciddurgandhabhūtābhairadhonārakamaṇḍalaiḥ || 13 ||
[Analyze grammar]

ābhūtalamabhiprotasaptapātālamaṇḍalaiḥ |
kvacidratnākarairvyāptaḥ pātālairvivarairiva || 14 ||
[Analyze grammar]

surāsuraśiraḥsuptapādāmbhoruhapāṃsunā |
kvacidbhagavatā tena kapilena pavitritaḥ || 15 ||
[Analyze grammar]

āsurīsaṃbhṛtānantapūjanakrīḍanaiṣiṇā |
kvacidbhagavatā tena hāṭakeśena pālitaḥ || 16 ||
[Analyze grammar]

tasminnasuradostambhadhāryamāṇamahābhare |
babhūva dānavo rājā virocanasuto baliḥ || 17 ||
[Analyze grammar]

sākrandena samaṃ sarvaiḥ suravidyādharoragaiḥ |
pādasaṃvāhanaṃ yasya surarājena vāñchitam || 18 ||
[Analyze grammar]

kośastrailokyaratnānāṃ pātā sarvaśarīriṇām |
dhartā bhuvanadhartṛṇāṃ yasya pālayitā hariḥ || 19 ||
[Analyze grammar]

airāvaṇasya saṃśoṣaṃ yannāmnā kaṭabhittayaḥ |
kekayevāhihṛnnāḍyo jagmurājagmurārtatām || 20 ||
[Analyze grammar]

pratāpogroṣmabhiryasya kalpakāla ivābdhayaḥ |
yayuḥ śoṣonmukhāḥ sapta saptatāṃ kupitākṛteḥ || 21 ||
[Analyze grammar]

yadadhvarāgryadhūmābhrarājayo valitābdhayaḥ |
brahmāṇḍakoṭarasyāsya sadā kavacatāṃ yayuḥ || 22 ||
[Analyze grammar]

yasya dṛṣṭidṛḍhāghātanunnādhārakulācalāḥ |
vinamanti diśaḥ sarvā latāḥ phalanatā iva || 23 ||
[Analyze grammar]

līlāvijitaniḥśeṣabhuvanābhogabhūṣaṇaḥ |
daśakoṭīḥ sa varṣāṇi daityo rājyaṃ cakāra ha || 24 ||
[Analyze grammar]

atha gacchatsvanalpeṣu yugeṣvāvartavṛttiṣu |
surāsuramahaugheṣu protpatatsu patatsu ca || 25 ||
[Analyze grammar]

ajasramatibhukteṣu trailokyodāravṛttiṣu |
bhogeṣvabhajadudvegaṃ balirdānavanāyakaḥ || 26 ||
[Analyze grammar]

meruśrṛṅgaśikhāratnakṛtavātāyanasthitaḥ |
ekadā cintayāmāsa svayaṃ saṃsārasaṃsthitim || 27 ||
[Analyze grammar]

kiyantamidamakṣuṇṇaśaktinaiva mayādhunā |
sāmrājyamiha kartavyaṃ vihartavyaṃ jagattraye || 28 ||
[Analyze grammar]

mahatā mama rāṣṭreṇa trailokyādbhutakāriṇā |
kiṃ vā bhavati bhuktena bhūribhogātihāriṇā || 29 ||
[Analyze grammar]

āpātamātramadhuramāvaśyakaparikṣayam |
bhogopabhogamātraṃ me kiṃ nāmedaṃ sukhāvaham || 30 ||
[Analyze grammar]

punardinaikakalanāśarvarīsaṃsthitiḥ punaḥ |
punastānyeva karmāṇi lajjāyai naca tuṣṭaye || 31 ||
[Analyze grammar]

punarāliṅgyate kāntā punareva ca bhujyate |
seyaṃ śiśujanakrīḍā lajjāyai mahatāmiha || 32 ||
[Analyze grammar]

tameva bhuktavirasaṃ vyāpāraughaṃ punaḥpunaḥ |
divase divase kurvanprājñaḥ kasmānna lajjate || 33 ||
[Analyze grammar]

punardinaṃ punā rātriḥ punaḥ kāryaparamparāḥ |
punaḥpunarahaṃ manye prājñasyeyaṃ viḍambanā || 34 ||
[Analyze grammar]

ūrmitāṃ punarāsādya punareti nirūrmitām |
yathā jalaṃ tathaivāyaṃ tāṃ tāmeti kriyāṃ janaḥ || 35 ||
[Analyze grammar]

unmattaceṣṭitākārā punaḥpunariyaṃ kriyā |
janaṃ hāsayate prājñaṃ bālalīlopamā muhuḥ || 36 ||
[Analyze grammar]

kṛtayāpyanayā nityaṃ kriyayā kṛtakāryayā |
ko'rthaḥ syāttādṛśo yena punaḥ karma na vidyate || 37 ||
[Analyze grammar]

kiyantamathavā kālamidamāḍamvaraṃ mahat |
ihāsmābhiranuṣṭheyaṃ kiṃ tāvatsamavāpyate || 38 ||
[Analyze grammar]

ananteyaṃ śiśukrīḍā vastuśūnyaiva vastutaḥ |
āvṛttyā kriyate vyarthamanarthaprasarārthibhiḥ || 39 ||
[Analyze grammar]

phalamekaṃ mahodāraṃ neha paśyāmi kiṃcana |
kāryamastītaratprāpte yasminnāma na kiṃcana || 40 ||
[Analyze grammar]

bhogādṛte kimanyatsyāttadbhavyamavināśi yat |
evaṃ saṃcintayāmyāśu dadhyau matvetyasau baliḥ || 41 ||
[Analyze grammar]

athābhyuvācāsurarāḍāḥ saṃsmṛtamiti kṣaṇāt |
svātmanyeva manasyarthaṃ sabhrūbhaṅgaṃ vimarśayan || 42 ||
[Analyze grammar]

purā kileha bhagavānpṛṣṭo'bhūtsa virocanaḥ |
pitā mayātmatattvajño dṛṣṭalokaparāvaraḥ || 43 ||
[Analyze grammar]

yathā sakaladuḥkhānāṃ sukhānāṃ ca mahāmate |
yatra sarve bhramāḥ śāntāḥ ko'sau sīmānta ucyate || 44 ||
[Analyze grammar]

kopaśānto manomohaḥ kvātītāḥ sakalaiṣaṇāḥ |
virāmarahitaṃ kutra tāta viśramaṇaṃ ciram || 45 ||
[Analyze grammar]

kiṃ prāpteha samastebhyaḥ prāpye'smiṃstṛptimānpumān |
kiṃ dṛṣṭvā darśanaṃ bhūyo na tātopakarotyalam || 46 ||
[Analyze grammar]

atyantabahavo'pyete bhogā hi na sukhāvahāḥ |
kṣobhayanti mano mohe pātayanti satāmapi || 47 ||
[Analyze grammar]

tattātāvihatānandasundaraṃ kiṃcideva me |
tādṛkkathaya yatrasthaściraṃ viśrāntimemyaham || 48 ||
[Analyze grammar]

ityākarṇya purā niśākarakaraspardhālugucchaskhalatpuṣpāpūrakṛtāvaguṇṭhanapadasyoktaṃ tale tena me |
pitrā svargahṛtasya sāgarataroḥ saṃropitasyājire sphārākārarasāyanāsavasamaṃ saṃmohaśāntyai vacaḥ || 49 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter XXII

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: