![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter LXII
śrīvasiṣṭha uvāca |
dhīro vicāravānsākṣādādāveva mahādhiyā |
śāstreṇa viduṣā śāstraṃ sujanena vicārayet || 1 ||
[Analyze grammar]
sujanema vitṛṇṇena viduṣā mahatā saha |
pravicārya mahāyogātpadamāsādyate param || 2 ||
[Analyze grammar]
śāstrārthasujanāsaṅgavairāgyābhyāsasatkṛtaḥ |
puruṣastvamivābhāti nijavijñānabhājanam || 3 ||
[Analyze grammar]
tvamudāranijācāro dhīro guṇagaṇākaraḥ |
adhitiṣṭhasi nirduḥkhaṃ vītasargamanomalaḥ || 4 ||
[Analyze grammar]
nūnamutsarjitābhreṇa śaradvyomnā samo bhavān |
bhava bhāvanayā mukto yukta uttamasaṃvidā || 5 ||
[Analyze grammar]
cintāmuktakalāvatyā muktakalpanayā sthitam |
mano muktavibhāgaṃ ca muktameva na saṃśayaḥ || 6 ||
[Analyze grammar]
tavottamānubhāvasya ta idānīṃ narā bhuvi |
ceṣṭāmanusariṣyanti rāgadveṣavihīnayā || 7 ||
[Analyze grammar]
bahirlokocitācārā vihariṣyanti vai janāḥ |
bhavārṇavaṃ tariṣyanti dhīmantaḥ potakānvitāḥ || 8 ||
[Analyze grammar]
tava tulyamatiryaḥ syātsujanaḥ samadarśanaḥ |
yogyo'sau jñānadṛṣṭīnāṃ mayoktānāṃ sudṛṣṭimān || 9 ||
[Analyze grammar]
yāvaddehaṃ dhiyā tiṣṭha rāgadveṣavihīnayā |
bahirlokocitācārastvantastyaktākhilaiṣaṇaḥ || 10 ||
[Analyze grammar]
parāṃ śāntimupāgaccha yathānye guṇaśālinaḥ |
avicāryāsta eveha gomāyuśiśudharmakāḥ || 11 ||
[Analyze grammar]
ye svabhāvā mahāsatyā nṛṇāṃ sāttvikajanmanām |
tānbhajanpuruṣo yāti pāścātyodārajanmatām || 12 ||
[Analyze grammar]
yāneva sevate janturiha jātiguṇānsadā |
athānyajātijāto'pi jātiṃ bhajati tāṃ kṣaṇāt || 13 ||
[Analyze grammar]
prāktanānakhilānbhāvānyānti karmavaśaṃ gatāḥ |
pauruṣeṇāvajīyante dharādharamahākulāḥ || 14 ||
[Analyze grammar]
dhairyeṇābhyuddharedbuddhiṃ paṅkānmugdhagavīmiva |
tāmasīṃ rājasīṃ caiva jātimanyāmapi śritaḥ || 15 ||
[Analyze grammar]
svavivekavaśādyānti santaḥ sāttvikajātitām |
ataścittamaṇau svacche yadrāghava niyojyate || 16 ||
[Analyze grammar]
tanmayo vibhavatyevaṃ tasmādbhavati pauruṣam |
pauruṣeṇa prayatnenamahārhaguṇaśālinaḥ || 17 ||
[Analyze grammar]
mumukṣavo bhavantīha pāścātyaśubhajātayaḥ |
na tadasti pṛthivyāṃ vā divi deveṣu vā kvacit || 18 ||
[Analyze grammar]
pauruṣeṇa prayatnena yannāpnoti guṇānvitaḥ |
brahmacaryeṇa dhairyeṇa vīryavairāgyaraṃhasā |
yuktyā yuktena hi vinā na prāpnoṣi tadīhitam || 19 ||
[Analyze grammar]
hitaṃ mahāsattvatayātmatattvaṃ vidhāya buddhyā bhava vītaśokaḥ |
tava krameṇaiva tato jano'yaṃ mukto bhaviṣyatyatha vītaśokaḥ || 20 ||
[Analyze grammar]
pāścātyajanmani vivekamahāmahimnā yukte tvayi prasṛtasarvaguṇābhirāme |
sattvasthakarmaṇi padaṃ kuru rāmabhadra maiṣā karotu bhavasaṅgavimohacintā || 21 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter LXII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!