Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter L

< Previous

Next >

śrīvasiṣṭha uvāca |
tamathāsau tathā buddhiphalapallavaśālinam |
ānandamantharamanāḥ ṣuṣparūpācalopamam || 1 ||
[Analyze grammar]

kadambaṃ rodasīstambhamāruroha vanasthitam |
ekārṇavagataṃ śaurirvaṭavṛkṣamivonnatam || 2 ||
[Analyze grammar]

tatrāsau vyomalagnāyāḥ śākhāyāḥ prāntapallave |
viveśa vigatāśaṅkamekāgraṃ tapa āsthitaḥ || 3 ||
[Analyze grammar]

athopaviśya mṛduni navapallavaviṣṭare |
kṣaṇamālokitāstena diśaḥ kautukacañcalam || 4 ||
[Analyze grammar]

saridekāvalīramyāḥ śailendrastanakuḍmalāḥ |
nirmalākāśakabarā lolanīlāmbudālakāḥ || 5 ||
[Analyze grammar]

nīlapallavavasanāḥ puṣpapūrāvataṃsikāḥ |
gṛhītasāgarāpūrṇakalaśāḥ purubhūṣaṇāḥ || 6 ||
[Analyze grammar]

dhṛtapraphullapadminyaḥ sugandhimukhamārutāḥ |
nīlaghuṃghumakākalyo nirjharārāvanūpurāḥ || 7 ||
[Analyze grammar]

dyumūrdhāno mahīpādā vanālīromarājayaḥ |
jaṅgalorunitambinyaścandrārkakṛtakuṇḍalāḥ || 8 ||
[Analyze grammar]

śālisaṃsārakedārāścandanasthālikānvitāḥ |
śikharorasijālagnahimaśubhrāmbudāṃśukāḥ || 9 ||
[Analyze grammar]

mahārṇavapayaḥpūranavamaṇḍanadarpaṇāḥ |
ṛkṣaughagharmapulakā bhuvanāntaḥpurāntarāḥ || 10 ||
[Analyze grammar]

ārtavastanadhāriṇyo lagnasūryāṃśukuṅkumāḥ |
vicitrakusumopetāścandrāṃśusitacandanāḥ || 11 ||
[Analyze grammar]

gaganagatalatādalopaviṣṭaḥ prasṛtavanāvanivārivāhaveṣāḥ |
tribhuvanavanitā dadarśa hṛṣṭaḥ kusumanirantaramaṇḍitā daśāśāḥ || 12 ||
[Analyze grammar]