Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXXIII

śrīvasiṣṭha uvāca |
sarvātiśayasāphalyātsarvaṃ sarvatra sarvadā |
saṃbhavatyeva tasmāttvaṃ śubhodyogaṃ na saṃtyaja || 1 ||
[Analyze grammar]

mitrasvajanabandhūnāṃ nandinānandadāyinā |
sarasīśānamāsādya mṛtyurapyupanirjitaḥ || 2 ||
[Analyze grammar]

sarvotkarṣeṇa saṃpannā devā api vimarditāḥ |
dānavairdānavārthāḍhyairgajaiḥ padmākarā iva || 3 ||
[Analyze grammar]

maruttanṛpateryajñe saṃvartena maharṣiṇā |
brahmaṇevāparaḥ sargo bhāvitaḥ sasurāsuraḥ || 4 ||
[Analyze grammar]

mahātiśayayuktena viśvāmitreṇa vipratā |
bhūyobhūyaḥ prayuktena duṣprāpā tapasārjitā || 5 ||
[Analyze grammar]

piṣṭasekāmbu duṣprāpaṃ rasāyanavadaśnatā |
durbhagenedṛśenāptaḥ kṣīroda upamanyunā || 6 ||
[Analyze grammar]

trailokyamallāṃstṛṇavadaśnanviṣṇvalajādikān |
bhaktyātiśayadārḍhyena kālaḥ śvetena kālitaḥ || 7 ||
[Analyze grammar]

praṇayena yamaṃ jitvā kṛtvā vacanasaṃgamam |
paralokādupānītaḥ sāvitryā satyavānpatiḥ || 8 ||
[Analyze grammar]

na so'styatiśayo loke yasyāsti na phalaṃ sphuṭam |
bhavitavyaṃ vicāryāntaḥ sarvātiśayaśālinā || 9 ||
[Analyze grammar]

ātmajñānamaśeṣāṇāṃ sukhaduḥkhadaśādṛśām |
mūlakāṣakaraṃ tasmādbhāvyaṃ tatrātiśāyinā || 10 ||
[Analyze grammar]

nāśāyāpadgatārthinyā dṛṣṭyā dṛśyādidṛṣṭayaḥ |
duḥkhādṛte nirābādhaṃ sukhaṃ kiṃ cidavāpyate || 11 ||
[Analyze grammar]

aśamaḥ paramaṃ brahma śamaśca paramaṃ padam |
yadyapyevaṃ tathāpyenaṃ prathamaṃ viddhi śaṃkaram || 12 ||
[Analyze grammar]

abhimānaṃ parityajya śamamāśritya śāśvatam |
vicārya prajñayāryatvaṃ kuryātsajjanasevanam || 13 ||
[Analyze grammar]

na tapāṃsi na tīrthāni na śāstrāṇi jayanti ca |
saṃsārasāgarottāre sajjanāsevanaṃ vinā || 14 ||
[Analyze grammar]

lobhamoharuṣāṃ yasya tanutānudinaṃ bhavet |
yathāśāstraṃ viharati svasvakarmasu sajjanaḥ || 15 ||
[Analyze grammar]

athātmaviduṣāṃ saṅgāttasya sādhoḥ pravartate |
atyantābhāva evāsya yathā dṛśyasya dṛśyate || 16 ||
[Analyze grammar]

dṛśyātyantābhāvatastu paramevāvaśiṣyate |
anyābhāvavaśādāśu jīvastatraiva līyate || 17 ||
[Analyze grammar]

nacotpannaṃ nacaivāsīddṛśyaṃ naca bhaviṣyati |
vartamāne'pi naivāsti paramevāstyavedhitam || 18 ||
[Analyze grammar]

evaṃ yuktisahasreṇa darśitaṃ dṛśyate'pi ca |
sarvairevānubhūtaṃ ca darśayiṣyāmi cādhunā || 19 ||
[Analyze grammar]

tathedamamalaṃ śāntaṃ trijagatsaṃvidambaram |
idaṃ tattvamatattvādi kuto'tra syātkathaṃ ca vā || 20 ||
[Analyze grammar]

ciccamatkurute cāru cañcalā'cañcalātmani |
yattayaiva tadevedaṃ jagadityavabudhyate || 21 ||
[Analyze grammar]

trailokyabhūyonubhavaścidādityāṃśumaṇḍalam |
ko vā svāṃśumatorbhedo nirvikalpaḥsa kathyatām || 22 ||
[Analyze grammar]

svābhāvato'syāścidṛṣṭerye unmeṣanimeṣaṇe |
jagadrūpānubhūtestāvetāvastamayodayau || 23 ||
[Analyze grammar]

ahamartho'parijñātaḥ paramārthāmbare malam |
parijñāto'hamarthastu paramātmāmbaraṃ bhavet || 24 ||
[Analyze grammar]

ahaṃbhāvaḥ parijñāto nāhaṃbhāvo bhavatyalam |
ekatāmambunevāmbu yāti cinnabhasātmanā || 25 ||
[Analyze grammar]

ahamādijagaddṛśyaṃ kila nāstyeva vastutaḥ |
avaśyameva tattasmācchiṣyate'haṃvicārataḥ || 26 ||
[Analyze grammar]

bādhyate cāmaladhiyāmapiśāce piśācadhīḥ |
śiśūnāṃ tāvadādhvāntaḥkaraṇānāṃ vicāraṇā || 27 ||
[Analyze grammar]

cijjyotsnā yāvadevāntarahaṃkāraghanāvṛtā |
vikāsayati no tāvatparamārthakumudvatīm || 28 ||
[Analyze grammar]

pramārjite'hamityasminpade svārthe svayaṃ vinā |
narakasvargamokṣāditṛṣṇāyāḥ kalpanaiva kā || 29 ||
[Analyze grammar]

hṛdi yāvadahaṃbhāvo vāridaḥ pravijṛmbhate |
tāvadvikāsamāyāti tṛṣṇākuṭajamañjarī || 30 ||
[Analyze grammar]

ākramya cetanāṃ nityamahaṃkārāmbude sthite |
jāḍyameva sthitiṃ yāti na prakāśaḥ kadācana || 31 ||
[Analyze grammar]

asannayamahaṃkāraḥ svayaṃ mithyā prakalpitaḥ |
duḥkhāyaiva na harṣāya bālasaṃbhramayakṣavat || 32 ||
[Analyze grammar]

mudhaiva kalpito mohamahaṃbhāvaḥ prayacchati |
anantasaṃsārakaraṃ dāmādiṣviva durmatau || 33 ||
[Analyze grammar]

ayaṃ so'hamiti sphārānmohādanyatarattamaḥ |
anarthabhūtaṃ saṃsāre na bhūtaṃ na bhaviṣyati || 34 ||
[Analyze grammar]

yatkiṃcididamāyāti sukhaduḥkhamalaṃ bhave |
tadahaṃkāracakrasya pravikāro vijṛmbhate || 35 ||
[Analyze grammar]

ahaṃkārāṅkuraḥ kṛṣṭo hṛdayenāvaropitaḥ |
sahasraśākhaṃ duśchedaṃ tasya saṃsṛtināśanam || 36 ||
[Analyze grammar]

ahaṃbhāvo'ṅkuro janma vṛkṣāṇāmakṣayātmanām |
mamedamiti vistīrṇāsteṣāṃ śākhāḥ sahasraśaḥ || 37 ||
[Analyze grammar]

karaṭāpātavisphoṭā bhāntyarthā vāsanādayaḥ |
vicāryacāruravavattaraṅgavarapaṅkivat || 38 ||
[Analyze grammar]

ahaṃbhāvanayā bhāti tvamahaṃbhāvavarjitaḥ |
saṃsāracakravahanamātmanaḥ parirodhayā || 39 ||
[Analyze grammar]

ahaṃbhāvatamo yāvajjanmāraṇye vijṛmbhate |
tāvadetā vivalganti cintāmattāḥ piśācikāḥ || 40 ||
[Analyze grammar]

ahaṃkārapiśācena gṛhīto yo narādhamaḥ |
na śāstrāṇi na mantrāśca tasyābhāvasya siddhaye || 41 ||
[Analyze grammar]

śrīrāma uvāca |
kenopāyena bhagavannahaṃkāro na vardhate |
taṃ tvaṃ kathaya me brahmansaṃsārabhayaśāntaye || 42 ||
[Analyze grammar]

śrīvasiṣṭha uvāca |
cinmātradarpaṇākāre nirmale svātmani sthite |
iti bhāvānusaṃdhānādahaṃkāro na vardhate || 43 ||
[Analyze grammar]

mithyeyamindrajālaśrīḥ kiṃ me snehavirāgayoḥ |
ityantarānusaṃdhānādahaṃkāro na jāyate || 44 ||
[Analyze grammar]

nāhamātmani no yasya dṛśyaśriya iti svayam |
śāntena vyavahāreṇa nāhaṃkāraḥ pravardhate || 45 ||
[Analyze grammar]

ahaṃ hi jagadityantarheyādeyadṛśoḥ kṣaye |
samatāyāṃ prasannāyāṃ nāhaṃbhāvaḥ pravardhate || 46 ||
[Analyze grammar]

ahaṃ cijjagadityantarheyādeyadṛśoḥ kṣaye |
samatāyāṃ prasannāyāṃ nāhaṃbhāvaḥ pravardhate || 47 ||
[Analyze grammar]

śrīrāma uvāca |
kimākṛtirahaṃkāraḥ kathaṃ saṃtyajyate prabho |
saśarīro'śarīraśca tyakte tasmiṃśca kiṃ bhavet || 48 ||
[Analyze grammar]

śrīvasiṣṭha uvāca |
trividho rāghavāstīha tvahaṃkāro jagattraye |
dvau śreṣṭhāvitarastyājyaḥ śrṛṇu tvaṃ kathayāmi te || 49 ||
[Analyze grammar]

ahaṃ sarvamidaṃ viśvaṃ paramātmāhamacyutaḥ |
nānyadastīti paramā vijñeyā sā hyahaṃkṛtiḥ || 50 ||
[Analyze grammar]

mokṣāyaiṣā na bandhāya jīvanmuktasya vidyate |
sarvasmādvyatirikto'haṃ bālāgraśatakalpitaḥ || 51 ||
[Analyze grammar]

iti yā saṃvideṣāsau dvitīyāhaṃkṛtiḥ śubhā |
mokṣāyaiṣā na bandhāya jīvanmuktasya vidyate || 52 ||
[Analyze grammar]

ahaṃkārābhidhā yā sā kalpyate natu vāstavī |
pāṇipādādimātro'yamahamityeṣa niścayaḥ || 53 ||
[Analyze grammar]

ahaṃkārastṛtīyo'sau laukikastuccha eva saḥ |
varjya eva durātmāsau śatrureva paraḥ smṛtaḥ || 54 ||
[Analyze grammar]

anenābhihato janturna bhūyaḥ parirohati |
ripuṇānena balinā vividhādhipradāyinā || 55 ||
[Analyze grammar]

kaṣṭīkṛtamatirlokaḥ saṃkaṭeṣveva majjati |
anayā durahaṃkṛtyā bhāvātsaṃsaktayā ciram || 56 ||
[Analyze grammar]

śiṣṭāhaṃkāravāñjanturbhagavānyāti muktatām |
lokāhaṃkāravaddoṣavapurasminnirūpaṇaḥ || 57 ||
[Analyze grammar]

na deho'smīti nirṇīya varjanaṃ mahatāṃ matam |
prathamaṃ dvāvahaṃkārāvaṅgīkṛtyāntyalaukikau || 58 ||
[Analyze grammar]

prathamaṃ dvāvahaṃkārāvaṅgīkṛtyāntyalaukikau |
tṛtīyāhaṃkṛtistyājyā laukikī duḥkhadāyinī || 59 ||
[Analyze grammar]

anayā durahaṃkṛtyā dāmavyālakaṭāḥ kila |
tāṃ daśāṃ samanuprāptā yā kathāsvapi khedadā || 60 ||
[Analyze grammar]

śrīrāma uvāca |
tṛtīyāṃ laukikīmetāṃ tyaktvā cittādahaṃkṛtim |
kiṃbhāvaḥ puruṣo brahmanprāpnuyādātmano hitam || 61 ||
[Analyze grammar]

śrīvasiṣṭha uvāca |
eṣā tāvatparityājyā tyaktvaitāṃ duḥkhadāyinīm |
yathā yathā pumāṃstiṣṭhetparameti tathā tathā || 62 ||
[Analyze grammar]

ahaṃkāradṛśāvete pūrvokte bhāvayanyadi |
tiṣṭhedupaiti paramaṃ tatpadaṃ puruṣo'nagha || 63 ||
[Analyze grammar]

atha te api saṃtyajya sarvāhaṃkṛtivarjitaḥ |
saṃtiṣṭheta tathātyuccaiḥ padamevādhirohati || 64 ||
[Analyze grammar]

sarvadā sarvayatnena laukikī durahaṃkṛtiḥ |
paramānandabodhāya varjanīyā'nayā dhiyā || 65 ||
[Analyze grammar]

śarīrāsthāmayāpuṇyadurahaṃkāravarjanam |
atyantaparamaṃ śreya etadeva paraṃ padam || 66 ||
[Analyze grammar]

bhāvādahaṃkṛtiṃ tyaktvā sthūlāmetāṃ hi laukikīm |
tiṣṭhanvyavaharanvāpi na naraḥ prapatatyadhaḥ || 67 ||
[Analyze grammar]

saṃśāntāhaṃkṛterjantorbhogā rogā mahāmate |
na svadante sutṛptasya yathā prativiṣā rasāḥ || 68 ||
[Analyze grammar]

bhogeṣvasvadamāneṣu puṃsaḥ śreyaḥ puro gatam |
kṣīṇe'ndhakāre kiṃ nāma manaso'nyatpravartate || 69 ||
[Analyze grammar]

ahaṃkārānusaṃdhānavarjanādeva rāghava |
pauruṣeṇa prayatnācca tīryate bhavasāgaraḥ || 70 ||
[Analyze grammar]

nāhaṃ na tena mama kiṃcidapīti matvā sarvaṃ ca me sakalamapyahameva ceti |
labdhāspadaṃ manasi saṃvidamevamīḍyāṃ nītvā sthitiṃ paramupaiti padaṃ mahātmā || 71 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter XXXIII

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: