Chapter XXVIII

śrīvasiṣṭha uvāca |
ityuktvā bhagavāndevāṃstatraivāntardhimāyayau |
velāvanitaṭe śabdaṃ kṛtvevāmbutaraṅgakaḥ || 1 ||
[Analyze grammar]

surāstvākarṇya tadvākyaṃ jagmuḥ svābhimatāṃ diśam |
kamalāmodamādāya vanamālāmivānilāḥ || 2 ||
[Analyze grammar]

dināni katicitsveṣu kānteṣu sthirakāntiṣu |
dvirephā iva padmeṣu mandireṣu viśaśramuḥ || 3 ||
[Analyze grammar]

kaṃcitkālaṃ samāsādya svātmodayakaraṃ śubham |
cakrurdundubhinirghoṣaṃ pralayābhraravopamam || 4 ||
[Analyze grammar]

atha daityairmamāvyomni taiḥ pātālatale sthitaiḥ |
kālakṣepakaraṃ ghoraṃ punaryuddhamavartata || 5 ||
[Analyze grammar]

vavurasiśaraśaktimudgaraughā musalagadāparaśūgracakraśaṅkhāḥ |
aśanigiriśilāhutāśavṛkṣā ahigaruḍādimukhāni cāyudhāni || 6 ||
[Analyze grammar]

māyākṛtāyudhamahāmbughanapravāhā kṣiprāvahā pratidiśaṃ kila nirjagāma |
pāṣāṇaparvatamahīruhalakṣavṛkṣakṣubdhāmbupūraghanaghoṣavatī nadī drāk || 7 ||
[Analyze grammar]

मध्यप्रवाहवहदुल्मुकशूलशैलप्रासासिकुन्तशरतोमरमुद्गरौघा गङ्गोपमाम्बुवलितामरमन्दिरेण सर्वासु दिक्ष्वशनिवर्षनिकर्षणेन ॥ ८ ॥ madhyapravāhavahadulmukaśūlaśailaprāsāsikuntaśaratomaramudgaraughā gaṅgopamāmbuvalitāmaramandireṇa sarvāsu dikṣvaśanivarṣanikarṣaṇena || 8 ||
[Analyze grammar]

pṛthvyādidāruṇaśarīramapi prahāradānagrahā gahanarāśiśarīrakeva |
māyopaśāmyati surāsurasiddhasannā māyākṛtiḥ punarudeti nacaiva saiva || 9 ||
[Analyze grammar]

śailopamāyudhavighaṭṭitabhūdharāṇi raktāmbupūraparipūrṇamahārṇavāni |
daivāsurendraśavaśailavirūḍhakuntatālīvanāni kakubhāṃ vadanāni cāsan || 10 ||
[Analyze grammar]

udgīrṇakuntaśaraśaktigadāsicakrahelānigīrṇasuradānavamuktaśailā |
kāṣollasatkrakacadantanakhāgramālā jīvānvitā hyapatadāyasasiṃhasṛṣṭiḥ || 11 ||
[Analyze grammar]

ujjvālalocanaviṣajvalanātapaughadigdāhadarśitayugāntadineśasenā |
uḍḍīyamānaparidīrghamahāmahīdhramagnābdhivadviṣadharāvalirullalāsa || 12 ||
[Analyze grammar]

unnādavajramakarotkarakarkaśāntaḥkṣubdhābdhivīcivalayairvalitācalendraiḥ |
āsījjagatsakalameva susaṃkaṭāṅgamāvṛttibhirvividhahetinadīpravāhaiḥ || 13 ||
[Analyze grammar]

śailāstraśastragaruḍācalacālitoccanāgaṃ mahāsuragaṇāṅgaṇamantarikṣam |
āsītkṣaṇaṃ jaladhibhiḥ kṣaṇamagnipūraiḥ pūrṇaṃ kṣaṇaṃ dinakaraiḥ kṣaṇamandhakāraiḥ || 14 ||
[Analyze grammar]

garuḍaguḍaguḍākulāntarikṣapravisṛtahetihutāśaparvataughaiḥ |
jagadabhavadasahyakalpakāle jvalitasurālayabhūtalāntarālam || 15 ||
[Analyze grammar]

udapatannasurāvasudhātalādgaganamadritaṭādiva pakṣiṇaḥ |
atibalādapatanvibudhā bhuvi pralayacālitaśailaśilā iva || 16 ||
[Analyze grammar]

śarīrarūḍhonnatahetivṛkṣavanāvalīlagnamahāgnidāhāḥ |
surāsurāḥ prāpurathāmbarāntaḥ kalpānilāndolitaśailaśobhām || 17 ||
[Analyze grammar]

surāsurādrīndraśarīramuktai raktapravāhairabhito bhramadbhiḥ |
babhāra pūrṇaṃ parito'mbaro'dreḥ saṃdhyākaraughakṣatamaṅga gaṅgām || 18 ||
[Analyze grammar]

girivarṣaṇamambuvarṣaṇaṃ vividhogrāyudhavarṣaṇaṃ tathā |
viṣamāśanivarṣaṇaṃ ca te samamanyonyamathāgnivarṣaṇam || 19 ||
[Analyze grammar]

anayannayamārgakovidā dalitāśeṣagirīndrabhittayaḥ |
sasṛjuśca samaṃ samantataḥ karikumbheṣviva puṇyavarṣaṇam || 20 ||
[Analyze grammar]

devāsurāḥ samarasaṃbhramamākulāste anyonyamaṅgadalanākulahetihastāḥ |
nāgendraḍimbhapṛtanāpṛthupīṭhapeṣaiḥ kīrṇaśriyo nabhasi babhramurakṣipantaḥ || 21 ||
[Analyze grammar]

chinnaiḥ śiraḥkarabhujorubharairbhramadbhirākāśakāṣṭhaśalabhairaśivaistadānīm |
āsījjagajjaṭharamabhrabharairivograirābhāskarasthagitadiktaṭaśailajālam || 22 ||
[Analyze grammar]

raṭadbhaṭāsphoṭakaṭisphuṭadbhiḥ samīritairhetikalāsitaughaiḥ |
parasparāghātahataiḥ patadbhirjagāma śīrṇā dalaśo dharitrī || 23 ||
[Analyze grammar]

anyonyamāyudhaśilācalavṛkṣavarṣairmerupramāṇakaṭhināṅganigharṣaṇaiśca |
āsīdraṇaṃ caṭacaṭāsphuṭadantarikṣaṃ kalpakṣayāntamiva bhīmabharogranādaiḥ || 24 ||
[Analyze grammar]

mattānilakṣubdhajalānalārkadaladvayaṃ dīrghasurāsuraugham |
brahmāṇḍamākhaṇḍitakuḍyakoṇasakālakalpāntakarālamāsīt || 25 ||
[Analyze grammar]

भ्रान्तैर्भृशं भरितदिक्तटमद्रिकूटैरात्मप्रमाणघनहेतिहतै रणद्भिः कूजद्भिरार्तिभिरिवोग्रगुहोच्चवातैः क्रन्दद्भिरापतितसिंहरवैरदभ्रैः ॥ २६ ॥ bhrāntairbhṛśaṃ bharitadiktaṭamadrikūṭairātmapramāṇaghanahetihatai raṇadbhiḥ kūjadbhirārtibhirivograguhoccavātaiḥ krandadbhirāpatitasiṃharavairadabhraiḥ || 26 ||
[Analyze grammar]

māyānadījaladhiyodhaghanāgnidāhairvṛkṣaiḥ surāsuraśavairacalaiḥ śiloccaiḥ |
bhrānteḥ śarāsiśitaśaktigadāstraśastrairvātāvakīrṇavanaparṇavadantarantaḥ || 27 ||
[Analyze grammar]

adrīndrapakṣaparimāṇagamākṣamoktadurvārahastibaladāruṇadehakairdrāk |
āsītpatadbhaṭaśarīragirīndravātavibhraṣṭadevapurapūrṇajalārṇavaugham || 28 ||
[Analyze grammar]

ghanaghuṃghumapūritāntarikṣā kṣatajakṣālitabhūdharā dharā ca |
rudhirahradavṛttivartinī vā bhuvanābhogaguhā tadākulābhūt || 29 ||
[Analyze grammar]

anantadṛkprasṛtavikārakāriṇī kṣayodayonmukhasukhaduḥkhaśaṃsinī |
raṇakriyāsurasuraghaṭṭasaṃkaṭā tadābhavatkhalu sadṛśīha saṃsṛteḥ || 30 ||
[Analyze grammar]