![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XII
kāla uvāca |
surāsuranarākārā imā yāḥ saṃvido mune |
brahmārṇavādabhinnāstāḥ satyametanmṛṣetarat || 1 ||
[Analyze grammar]
mithyābhāvanayā brahmansvavikalpakalaṅkitāḥ |
na brahma vayamityantarniṃścayena hyadhogatāḥ || 2 ||
[Analyze grammar]
brahmaṇo vyatiriktatvaṃ brahmārṇavagatā api |
bhāvayantyo vimuhyanti bhīmāsu bhavabhūmiṣu || 3 ||
[Analyze grammar]
yā etāḥ saṃvido brāhmyo mananaikakalaṅkitāḥ |
etattatkarmaṇāṃ bījamapyakarmaiva viddhi tāḥ || 4 ||
[Analyze grammar]
saṃkalparūpayaivāntarmune kalanayaitayā |
karmajālakarañjānāṃ bījamuṣṭyā karālayā || 5 ||
[Analyze grammar]
imā jagati vistīrṇāḥ śarīropalapaṅktayaḥ |
tiṣṭhanti parivalganti rudanti ca hasanti ca || 6 ||
[Analyze grammar]
ābrahmastambaparyantaṃ spandanaiḥ pavano yathā |
ullasanti nilīyante mlāyanti vihasanti ca || 7 ||
[Analyze grammar]
tā etāḥ kāścidatyacchā yathā hariharādayaḥ |
kāścidalpavimohasthā yathoraganarāmarāḥ || 8 ||
[Analyze grammar]
kāścidatyantamohasthā yathā tarutṛṇādayaḥ |
kāścidajñānasaṃmūḍhāḥ kṛmikīṭatvamāgatāḥ || 9 ||
[Analyze grammar]
kāścicattṛṇavaduhyante dūre brahmamahodadheḥ |
aprāptabhūmikā etā yathoraganagādayaḥ || 10 ||
[Analyze grammar]
sattvamātraṃ samālokya kāścidevamupāgatāḥ |
jātājātā nikhanyante kṛtāntajaraṭhākhunā || 11 ||
[Analyze grammar]
kāścidantaramāsādya brahmatattvamahāmbudheḥ |
gatāstattāṃ samaṃ kāryairharibrahmaharādikāḥ || 12 ||
[Analyze grammar]
alpamohātmikāḥ kāścittameva brahmavāridhim |
adṛṣṭapārabhūmyaughamavalambya vyavasthitāḥ || 13 ||
[Analyze grammar]
kāścidbhoktavyajanmaughabhuktajanmaughakoṭayaḥ |
vandhyāḥ prakāśatāmasyaḥ saṃsthitā bhūtajātayaḥ || 14 ||
[Analyze grammar]
kāścidūrdhvādadho yānti yathā hastānmahatphalam |
ūdhvādūrdhvataraṃ kāścidadhastātkāścidapyadhaḥ || 15 ||
[Analyze grammar]
bahusukhaduḥkhakarākarākṣayeyaṃ paramapadāsmaraṇātsamāgateha |
paramapadāvagamātprayāti nāśaṃ vihagapatismaraṇādviṣavyatheva || 16 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!