![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter V
śrīrāma uvāca |
bhagavansarvadharmajña pūrvāparavidāṃ vara |
ayaṃ manasi saṃsāraḥ sphāraḥ kathamiva sthitaḥ || 1 ||
[Analyze grammar]
yathāyaṃ manasi sphāraḥ saṃsāraḥ sphurati sphuran |
dṛṣṭāntadṛṣṭyā sphuṭayā tathā kathaya me'nagha || 2 ||
[Analyze grammar]
śrīvasiṣṭha uvāca |
yathaindavānāṃ viprāṇāṃ jagantyavapuṣāmapi |
sthitāni jātadārḍhyāni manasīdaṃ tathā sthitam || 3 ||
[Analyze grammar]
lavaṇasya yathā rājñaścendrajālākulākṛteḥ |
caṇḍālatvamanuprāptaṃ tathedaṃ manasi sthitam || 4 ||
[Analyze grammar]
bhārgavasya ciraṃ kālaṃ svargabhogabubhukṣayā |
yathā bhogādhināthatvaṃ saṃsāritvaṃ babhūva ca || 5 ||
[Analyze grammar]
bhogeśvaratvaṃ ca yathā tathedaṃ manasi sthitam |
śrīrāma uvāca |
bhagavanbhṛguputrasya svargabhogabubhukṣayā || 6 ||
[Analyze grammar]
kathaṃ bhogādhināthatvaṃ saṃsāritvaṃ babhūva ca |
śrīvasiṣṭha uvāca |
śrṛṇu rāma purā vṛttaṃ saṃvādaṃ bhṛgukālayoḥ || 7 ||
[Analyze grammar]
sānau mandaraśailasya tamālaviṭapākule |
purā mandaraśailasya sānau kusumasaṃkule || 8 ||
[Analyze grammar]
atapyata tapo ghoraṃ kasmiṃścidbhagavānbhṛguḥ |
tamupāste sma tejasvī bālaḥ putro mahāmatiḥ || 9 ||
[Analyze grammar]
śukraḥ sakalacandrābhaḥ prakāśa iva bhāsuraḥ |
bhṛgurvanavare tasminsamādhāveva saṃsthitaḥ || 10 ||
[Analyze grammar]
sarvakālaṃ samutkīrṇo vanopalatalādiva |
śukraḥ kusumaśayyāsu kaladhautājireṣu ca || 11 ||
[Analyze grammar]
mandaroddāmadolāsu bālo ramaṇalīlayā |
vidyāvidyādṛśormadhye śukraḥ prāptamahāpadaḥ || 12 ||
[Analyze grammar]
triśaṅkuriva rodontaravartata tadākulaḥ |
nirvikalpasamādhisthe sa kadācitpitaryatha || 13 ||
[Analyze grammar]
avyagro'bhavadekānte jitāririva bhūmipaḥ |
dadarśāpsarasaṃ tatra gacchantīṃ nabhasaḥ pathā || 14 ||
[Analyze grammar]
kṣīrodamadhyalulitāṃ lakṣmīmiva janārdanaḥ |
mandāramālāvalitāṃ mandānilacalālakām || 15 ||
[Analyze grammar]
hārajhāṅkārigamanāṃ sugandhitanabhonilām |
lāvaṇyapādapalatāṃ madaghūrṇitalocanām || 16 ||
[Analyze grammar]
amṛtīkṛtataddeśāṃ dehendūdayadīptibhiḥ |
kāntāmālokya tasyābhūdullasattaralaṃ manaḥ || 17 ||
[Analyze grammar]
dṛṣṭanirmalapūrṇenduvapurambunidheriva |
sāpyālokya śukramukhaṃ tathā paravaśā hyabhūt || 18 ||
[Analyze grammar]
manasijeṣu parāhatamāśayaṃ sa paribodhya manastadanūśanā |
vigalitetaravṛttitayātmanā sa ca vadhūmaya eva vabhūva ha || 19 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter V
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!