Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter III

śrīrāma uvāca |
mahākalpāntasargādau prathamo'sau prajāpatiḥ |
smṛtyātmā jāyate manye smṛtyātmaiva tato jagat || 1 ||
[Analyze grammar]

śrīvasiṣṭha uvāca |
mahāpralayasargādāvevametadraghūdvaha |
smṛtyātmaiva bhavatyādau prathamo'sau prajāpatiḥ || 2 ||
[Analyze grammar]

tatsaṃkalpātmakajagatsmṛtyātmaivamidaṃ tataḥ |
bhāti saṃkalpanagaraṃ sthitaṃ pūrvaṃ prajāpateḥ || 3 ||
[Analyze grammar]

smṛtirna saṃbhavatyeva sargādau paramātmanaḥ |
janmābhāvātkathaṃ kutra nabhasīva mahādrumaḥ || 4 ||
[Analyze grammar]

śrīrāma uvāca |
na saṃbhavati kiṃ brahmansargādau prāktanī smṛtiḥ |
mahāpralayasaṃmohairnaśyati prāksmṛtiḥ katham || 5 ||
[Analyze grammar]

śrīvasiṣṭha uvāca |
ye mahāpralaye prājñāḥ sarve brahmādayaḥ purā |
kila nirvāṇamāyātāste'vaśyaṃ brahmatāṃ gatāḥ || 6 ||
[Analyze grammar]

prāktanaḥ kaḥ smṛteḥ kartā tasmātkathaya suvrata |
smṛtirnirmūlatāṃ yātā smarturmuktatayā yataḥ || 7 ||
[Analyze grammar]

ataḥ smarturabhāvena smṛtirvodeti kiṃ katham |
avaśyaṃ hi mahākalpe sarve mokṣaikabhāginaḥ || 8 ||
[Analyze grammar]

nānubhūte'nubhūte ca svataścidvyomni yā smṛtiḥ |
sā jagadbhūriti prauḍhā dṛśyā sāstyeva citprabhā || 9 ||
[Analyze grammar]

bhāti saṃvitprabhaiveyamanādyantāvabhāsinī |
yattadetajjagaditi svayaṃbhūriti ca sthitam || 10 ||
[Analyze grammar]

anādikālasaṃsiddhaṃ yadbhānaṃ brahmaṇo nijam |
sa ātivāhiko deho virājo jagadākṛtiḥ || 11 ||
[Analyze grammar]

paramāṇāvidaṃ bhāti trijagatsavanābhrakham |
deśakālakriyādravyadinarātrikramānvitam || 12 ||
[Analyze grammar]

paramāṇuḥ pravitatastasyāste tādṛgeva ca |
bhāti bhāsuratākāri tādṛggirikulaṃ punaḥ || 13 ||
[Analyze grammar]

tatrāpi tādṛgākārameva pratyanusaṃtatam |
dṛśyamābhāti bhārūpametadaṅga na vāstavam || 14 ||
[Analyze grammar]

ityastyanto naṃ saddṛṣṭerasaddṛṣṭeśca vā kvacit |
asyāstvabhyuditaṃ buddhaṃ nābuddhaṃ prati vānagha || 15 ||
[Analyze grammar]

buddhaṃ pratīdaṃ brahmaiva kevalaṃ śāntamavyayam |
abuddhaṃ prati buddhyaitadbhāsuraṃ bhuvanānvitam || 16 ||
[Analyze grammar]

yathedaṃ bhāsuraṃ bhāti jagadaṇḍakajṛmbhitam |
yathā koṭisahasrāṇi bhāntyanyānyapyaṇāvaṇau || 17 ||
[Analyze grammar]

yathā stambhe putrikāntastasyāḥ svāṅgeṣu putrikā |
tasyāśca putrikāstyaṅge tathā trailokyaputrikā || 18 ||
[Analyze grammar]

nābhinnā nāpi saṃkhyeyā yathādrau paramāṇukāḥ |
tathā brahma bṛhanmerau trailokyaparamāṇavaḥ || 19 ||
[Analyze grammar]

sūryādyaṃśuṣu saṃkhyātuṃ śakyante laghavo'ṇavaḥ |
utpadyante cidāditye trailokyaparamāṇavaḥ || 20 ||
[Analyze grammar]

yathāṇavo vahantyarkadīptiṣvapsu rajaḥsu ca |
tathā vahanti cidvyomni trailokyaparamāṇavaḥ || 21 ||
[Analyze grammar]

śūnyānubhavamātrātma bhūtākāśamidaṃ yathā |
sargānubhavamātrātma cidākāśamidaṃ tathā || 22 ||
[Analyze grammar]

sargastu sargaśabdārthatayā buddho nayatyadhaḥ |
sa brahmaśabdārthatayā buddhaḥ śreyo bhavatyalam || 23 ||
[Analyze grammar]

vijñānātmā śāsitā viśvabījaṃ brahmaivālaṃ svaṃ cidākāśamātram |
yasmājjātaṃ yattadeveti vidyādvedyaṃ svāntarbodhasaṃbodhamātram || 24 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter III

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: