Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XCI

bhānuruvāca |
tenaitadvacmi bhavaganyathākālaṃ mano mune |
anigrāhyamabhedyaṃ ca śāpairapi durāsadaiḥ || 1 ||
[Analyze grammar]

aindavānāmataḥ sṛṣṭikramāṇāṃ pravināśanam |
yujyate na ca tadbrahmanyuktametanmahātmanaḥ || 2 ||
[Analyze grammar]

kiṃ tadasti jagatyasminvividheṣu jagatsu ca |
tavāpi nātha nāthasya yaddainyāya mahātmanaḥ || 3 ||
[Analyze grammar]

mano hi jagatāṃ kartṛ mano hi puruṣaḥ smṛtaḥ |
yanmanoniścayakṛtaṃ taddravyauṣadhidaṇḍanaiḥ || 4 ||
[Analyze grammar]

hantuṃ na śakyate jantoḥ pratibimbaṃ maṇeriva |
tasmādete'tra tiṣṭhantu bhāsuraiḥ sargasaṃbhramaiḥ || 5 ||
[Analyze grammar]

tvaṃ sṛṣṭveha prajāstiṣṭha buddhyākāśo hyanantakaḥ |
cittākāśaścidākāśa ākāśaśca tṛtīyakaḥ || 6 ||
[Analyze grammar]

anantāstraya evaite cidākāśaprakāśitāḥ |
ekaṃ dvau trīnbahūnvāpi kuru sargāñjagatpate || 7 ||
[Analyze grammar]

svecchayātmani tiṣṭha tvaṃ kiṃ gṛhītaṃ tavaindavaiḥ |
brahmovāca |
athaindavajagajjāle bhānunaivamudāhṛte || 8 ||
[Analyze grammar]

mayā saṃcintya suciramidamuktaṃ mahāmune |
yuktamuktaṃ tvayā bhāno vitataṃ hi kilāmbaram || 9 ||
[Analyze grammar]

manaśca vitataṃ vāpi cidākāśaśca vistṛtaḥ |
tadyathābhimataṃ sargaṃ nityakarma karomyaham || 10 ||
[Analyze grammar]

kalpayāmi bahūnyāśu bhūtajālāni bhāskara |
tattvamevāśu bhagavanprathamo me manurbhava || 11 ||
[Analyze grammar]

kuru sargaṃ yathākāmaṃ mayā samabhicoditaḥ |
athaitatsa mahātejā mama vākyaṃ prabhākaraḥ || 12 ||
[Analyze grammar]

aṅgīkṛtya dvidhātmānaṃ cakāra tapatāṃvara |
ekena prāktanenāsminvapuṣā sūryatāṃ gataḥ || 13 ||
[Analyze grammar]

vyomādhvagatayā sarge tatāna divasāvalim |
manmanutvaṃ dvitīyena kṛtvā svavapuṣā kṣaṇāt || 14 ||
[Analyze grammar]

sasarja sakalāṃ sṛṣṭiṃ tāṃ tāmabhimatāṃ mama || 15 ||
[Analyze grammar]

etatte kathitaṃ sarvaṃ vasiṣṭhamanaso mune |
svarūpaṃ sarvakṛttvaṃ ca śaktatvaṃ ca mahātmanaḥ || 16 ||
[Analyze grammar]

pratibhāsamupāyāti yadyadasya hi cetasaḥ |
tattatprakaṭatāmeti sthairyaṃ saphalatāmapi || 17 ||
[Analyze grammar]

sāmānyabrāhmaṇā bhūtvā pratibhāsavaśātkila |
aindavā brahmatāṃ yātā manasaḥ paśya śaktatām || 18 ||
[Analyze grammar]

yathā caindavajīvāste citratvādbrahmatāṃ gatāḥ |
vayaṃ tathaiva cidbhāvāccittatvādbrahmatāṃ gatāḥ || 19 ||
[Analyze grammar]

cittaṃ hi pratibhāsātma yacca tatpratibhāsanam |
tadidaṃ bhāti dehādi svāntaṃ nānyāsti dehadṛk || 20 ||
[Analyze grammar]

cittamātmacamatkāraṃ tacca tatkurute svataḥ |
yathāvatsaṃbhavaṃ svātmanyevāntarmaricādivat || 21 ||
[Analyze grammar]

tadetaccittavadbhātamātivāhikanāmakam |
tadevodāharantyevaṃ dehanāmnā ghanabhramam || 22 ||
[Analyze grammar]

kathyate jīvanāmnaitaccittaṃ pratanuvāsanam |
śāntadehacamatkāraṃ jīvaṃ viddhi kramātparam || 23 ||
[Analyze grammar]

nāhaṃ na cānyadastīha citraṃ cittamidaṃ sthitam |
vasiṣṭhaindavasaṃvidvadasatsattāmivāgatam || 24 ||
[Analyze grammar]

yathaindava mano brahmā tathaivāyamahaṃ sthitaḥ |
tatkṛtaṃ cāhamevedaṃ saṃkalpātmaiva bhāsate || 25 ||
[Analyze grammar]

kaściccittavilāso'yaṃ brahmāhamiha saṃsthitaḥ |
svabhāva eva dehādi viddhi śūnyatarātmakhāt || 26 ||
[Analyze grammar]

śuddhacitparamārthaikarūpiṇītyeva bhāvanāt |
jīvo bhūyo mano bhūtvā vettītthaṃ dehatāṃ mudhā || 27 ||
[Analyze grammar]

sarvamaindavasaṃsāravadidaṃ bhāti cidvapuḥ |
saṃpannasaṃprabodhātmā svapno dīrghaḥ svaśaktijaḥ || 28 ||
[Analyze grammar]

dvicandravibhramākāraṃ tanmātrābhāsapūrvakam |
aindavāmbaravadrūḍhaṃ cittādevākhilaṃ bhavet || 29 ||
[Analyze grammar]

na sannāsadahaṃrūpaṃ sattāsatte tadeva ca |
upalambhena sadrūpamasatyaṃ tadvirodhataḥ || 30 ||
[Analyze grammar]

jaḍājaḍaṃ mano viddhi saṃkalpātma bṛhadvapuḥ |
ajaḍaṃ brahmarūpatvājjaḍaṃ dṛśyātmatāvaśāt || 31 ||
[Analyze grammar]

dṛśyānubhavasatyātma na sadbhāve vilāsi tat |
kaṭakatvaṃ yathā hemni tathā brahmaṇi saṃsthitam || 32 ||
[Analyze grammar]

sarvatvādbrahmaṇaḥ sarvaṃ jaḍaṃ cinmayabheva ca |
asmadādiśilāntātma na jaḍaṃ na ca cetanam || 33 ||
[Analyze grammar]

dārvādīnāmacittvena nopalambhasya saṃbhavaḥ |
upalambho hi sadṛśasaṃbandhādeva jāyate || 34 ||
[Analyze grammar]

upalabdhe'jaḍaṃ viddhi tenedaṃ sarvameva hi |
upalambho hi sadṛśasaṃbandhātsyātsamātmanoḥ || 35 ||
[Analyze grammar]

jaḍacetanabhāvādiśabdārthaśrīrna vidyate |
anirdeśyapade patralatādīva mahāmarau || 36 ||
[Analyze grammar]

cito yaccetyakalanaṃ tanmanastvamudāhṛtam |
cidbhāgo'trājaḍo bhāgo jāḍyamatra hi cetyatā || 37 ||
[Analyze grammar]

cidbhāgo'trāvabodhāṃśo jaḍaṃ cetyaṃ hi dṛśyate |
iti jīvo jagadbhāntiṃ paśyangacchati lolatām || 38 ||
[Analyze grammar]

cittasya eva bhāvo'sau śuddha eva dvidhā kṛtaḥ |
ataḥ sarvaṃ jagatsaiva dvaitalabdhaṃ ca saiva tat || 39 ||
[Analyze grammar]

svamevānyatayā dṛṣṭvā citirdṛśyatayā vapuḥ |
nirbhāgāpyekabhāgābhaṃ bhramatīva bhramāturā || 40 ||
[Analyze grammar]

na bhrāntirasti bhramabhāṅgā naivetīha niścayaḥ |
paripūrṇārṇavaprakhyāvetītthaṃ saṃsthitā citiḥ || 41 ||
[Analyze grammar]

sarvaṃ syājjāḍyamapyasyāścitiścittvaṃ ca vetsi tat |
cidbhāgoṃśo'vabodhasya tvahaṃtājaḍatodayaḥ || 42 ||
[Analyze grammar]

ahaṃtādipare tattve manāgapi na vidyate |
ūrmyādīva pṛthaktoye saṃvitsāraṃ hi tadyataḥ || 43 ||
[Analyze grammar]

ahaṃpratyayasaṃdṛśyaṃ cetyaṃ viddhi samutthitam |
mṛgatṛṣṇāmbvivāntasthaṃ nūnaṃ vidyata eva no || 44 ||
[Analyze grammar]

ahaṃtāpadamantātmapadaṃ viddhi nirāmayam |
vidaṃ vidurahaṃtādi śaityameva yathā himam || 45 ||
[Analyze grammar]

citteva cetyate jāḍyaṃ svapne svamaraṇopamam |
sarvātmatvātsarvaśaktīḥ kurvatī naiti sāmyatām || 46 ||
[Analyze grammar]

manaḥ padārthāditayā sarvarūpaṃ vijṛmbhate |
nānātmācittadeho'yamākāśaviśadākṛtiḥ || 47 ||
[Analyze grammar]

dehādidehapratibhārūpātmyaṃ tyajatā satā |
vicāryaṃ pratibhāsātma cittaṃ cittena vai svayam || 48 ||
[Analyze grammar]

cittatāmre śodhite hi paramārthasuvarṇatām |
gate'kṛtrima ānandaḥ kiṃ dehopalakhaṇḍakaiḥ || 49 ||
[Analyze grammar]

yadvidyate śodhyate tadbodhaḥ ke ca khapādapāḥ |
dehādyavidyā satyā cedyukta etāṃ prati grahaḥ || 50 ||
[Analyze grammar]

asatyaviniviṣṭānāṃ dehavācitayā tviha |
ye nāmopadiśantyajñāḥ kiṃcitte puruṣaiḍakāḥ || 51 ||
[Analyze grammar]

yathaitadbhāvayetsvāntaṃ tathaiva bhavati kṣaṇāt |
dṛṣṭānto'traindavāhalyākṛtrimendrādiniścayāḥ || 52 ||
[Analyze grammar]

yadyadyathā sphurati supratibhātmacittaṃ tattattathā bhavati dehatayoditātma |
deho'yamasti na na cāhamiti svarūpaṃ vijñānamekamavagamya niricchamāssva || 53 ||
[Analyze grammar]

deho'yameṣa ca kilāyamiti svabhāvāddeho'yametadakhilaṃ tata eti nāśam |
yakṣādikalpanavaśādbhayameti bālo niryakṣadehagata eva kayāpi yuktyā || 54 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter XCI

Hitopadesha edition (1891)

Yoga Vasistha English (four volumes)
by Vihari-Lala Mitra (1891)

Buy now!
Like what you read? Consider supporting this website: