Chapter LXXVII

śrīvasiṣṭha uvāca |
etasminnantare tatra kirātajanamaṇḍale |
hastahāryatamaḥpiṇḍā babhūvāsitayāminī || 1 ||
[Analyze grammar]

nīlameghapaṭacchannā nirindugaganāntarā |
tamālavanasaṃpiṇḍā māṃsaloḍḍīnakajjalā || 2 ||
[Analyze grammar]

latāghanatayā grāmakoṭaraikāndhyamantharā |
gṛhacatvarasaṃbādhe nagare navayauvanā || 3 ||
[Analyze grammar]

catvareṣu tamaḥpiṇḍī prajihmīkṛtadīpikā |
kuñcitacchidraniṣkrāntā''dīpikārocirājitā || 4 ||
[Analyze grammar]

suvayasyeva karkaṭyāḥ parinṛtyatpiśācikā |
mattavetālakaṅkālakāṣṭhamaunamivāsthitā || 5 ||
[Analyze grammar]

suṣuptamṛgabhūtaughaghananīhārahāriṇī |
mandamandamarutsparśalasatprāleyasīkarā || 6 ||
[Analyze grammar]

saraḥsu vivaṭadvāri kākabhekataraṅgitā |
antaḥpureṣu ramaṇaraṇannārīnarānanā || 7 ||
[Analyze grammar]

jaṅgaleṣu jagajvālā jaṭālajvalanojjvalā |
kedāreṣvambusaṃsekapṛṣṭhapākamilacchalā || 8 ||
[Analyze grammar]

nabhasthalekṣitaspandapraviviktarkṣacakrikā |
vaneṣu visaradvātapatatpuṣpaphaladrumā || 9 ||
[Analyze grammar]

śvabhreṣu kauśikasyāntarvāyasavyāhatāravā |
taskarākrāntaparyantagrāmyākrandanakarkaśā || 10 ||
[Analyze grammar]

vipine vipināmaunā nagare suptanāgarā |
vaneṣu visaradvātā nīḍeṣvaspandapakṣikā || 11 ||
[Analyze grammar]

guhāsu suptasiṃhāḍhyā kuñjeṣu svapadeṇakā |
khe sāvaśyāyanikarā vipine maunacāriṇī || 12 ||
[Analyze grammar]

kajjalāmbhodamadhyābhā kācaśailodaropamā |
paṅkapiṇḍāntaraghanā khaḍgacchedyāndhyamāṃsalā || 13 ||
[Analyze grammar]

pralayānilavikṣubdhakajjalācalacañcalā |
ekārṇavamahāpaṅkaparvatodaramedurā || 14 ||
[Analyze grammar]

aṅgārakoṭaraghanā sauṣuptapadasundarī |
ajñānanidrānibiḍā bhṛṅgapṛṣṭhacchadacchaviḥ || 15 ||
[Analyze grammar]

tasyāṃ rajanyāṃ bhīmāyāṃ kirātajanamaṇḍale |
mantriṇā saha bhūpālastasminnavasare tadā || 16 ||
[Analyze grammar]

nirjagāma sudhīrātmā nagarātsuptanāgarāt |
aṭavīṃ vikramo nāma viṣamāṃ vīracaryayā || 17 ||
[Analyze grammar]

aṭavyāṃ karkaṭī sā tau carantau rājamantriṇau |
apaśyaddhṛtadhairyāstrau vetālālokanonmukhau || 18 ||
[Analyze grammar]

atha sā cintayāmāsa labdho bhakṣo hyaho mayā |
mūḍhāvetāvanātmajñau bhāro dehaḥ kilānayoḥ || 19 ||
[Analyze grammar]

ihāmutra ca nāśāya mūḍho duḥkhāya jīvati |
yatnādvināśanīyo'sau nānarthaḥ paripālyate || 20 ||
[Analyze grammar]

apaśyataḥ svamātmānaṃ mṛtirmūḍhasya jīvitam |
maraṇenodayo'syāsti pāpāsaṃpattihetutaḥ || 21 ||
[Analyze grammar]

ādisarge ca niyamaḥ kṛtaḥ paṅkajajanmanā |
hiṃsrāṇāṃ bhojanāyāstu mūḍhātmānātmavāniti || 22 ||
[Analyze grammar]

tasmādimau mayaivādya bhoktavyau bhojyatāṃ gatau |
abhavya eva nirdoṣaṃ prāptamarthamupekṣate || 23 ||
[Analyze grammar]

kadācittāvimau syātāṃ guṇayuktau mahāśayau |
tādṛṅna ravināśo hi svabhāvānme na rocate || 24 ||
[Analyze grammar]

tadetau saṃparīkṣe'haṃ yadi tādṛgguṇānvitau |
tadbhakṣaṃ na karomyetau na hiṃsyā guṇinaḥ kvacit || 25 ||
[Analyze grammar]

akṛtrimaṃ sukhaṃ kīrtimāyuścaivābhivāñchatā |
sarvābhimatadānena pūjanīyā guṇānvitāḥ || 26 ||
[Analyze grammar]

api naṅkṣyāmi dehena naiva bhokṣye guṇānvitam |
sukhayanti hi cetāṃsi jīvitādapi sādhavaḥ || 27 ||
[Analyze grammar]

api jīvitadānena guṇinaṃ paripālayet |
guṇavatsaṃgamauṣadhyā mṛtyurapyeti mitratām || 28 ||
[Analyze grammar]

yatrāhamapi rakṣāmi rākṣasī guṇaśālinam |
tatrānyaḥ ko na kuryāttaṃ hṛdi hāramivāmalam || 29 ||
[Analyze grammar]

udāraguṇayuktā ye viharantīha dehinaḥ |
dharātalendavaḥ saṅgādbhṛśaṃ śītalayanti te || 30 ||
[Analyze grammar]

mṛtirguṇitiraskāro jīvitaṃ guṇisaṃśrayaḥ |
phalaṃ svargāpavargādi jīvitādguṇisaṃśritāt || 31 ||
[Analyze grammar]

tasmādimau parīkṣe'haṃ kayācitpraśnalīlayā |
kiṃmātrajñānakāvetāviti tāmarasekṣaṇau || 32 ||
[Analyze grammar]

ādau vicārya saguṇāguṇaleśayuktiṃ paścātsvato'dhikataraṃ ca guṇairyadi syāt |
kuryāttataḥ samupapattivaśena daṇḍaṃ daḍyasya yuktisadṛśaṃ ghanasaṃbhavena || 33 ||
[Analyze grammar]