Chapter XLV

śrīsarasvatyuvāca |
vidūrathaste bhartaiṣa tanuṃ tyaktvā raṇāṅgaṇe |
tadevāntaḥpuraṃ prāpya tādṛgātmā bhaviṣyati || 2 ||
[Analyze grammar]

śrīvasiṣṭha uvāca |
ityākarṇya vaco devyā līlā sā tatpurāspadā |
puraḥ prahvā sthitovāca vacanaṃ vihitāñjaliḥ || 2 ||
[Analyze grammar]

dvitīyalīlovāca |
devī bhagavatī jñaptirnityamevārcitā mayā |
svapne saṃdarśanaṃ devī sā dadāti niśāsu me || 3 ||
[Analyze grammar]

sā yādṛśyeva deveśi tādṛśyeva tvamambike |
tanme kṛpaṇakāruṇyādvaraṃ dehi varānane || 4 ||
[Analyze grammar]

śrīvasiṣṭha uvāca |
ityuktā sā tadā jñaptiḥ smṛtvā tadbhaktibhāvanam |
idaṃ prasannā provāca tāṃ līlāṃ tatpurāspadām || 5 ||
[Analyze grammar]

śrīdevyuvāca |
ananyayā bhāvanayā yāvajjīvamajīrṇayā |
parituṣṭāsmi te vatse gṛhāṇābhimataṃ varam || 6 ||
[Analyze grammar]

taddeśalīlovāca |
raṇāddehaṃ parityajya yatra tiṣṭhati me patiḥ |
anenaiva śarīreṇa tatra syāmetadaṅganā || 7 ||
[Analyze grammar]

śrīdevyuvāca |
evamastu tvayā'vighnaṃ pūjitāsmi sute ciram |
ananyabhāvayā bhūri puṣpadhūpasaparyayā || 8 ||
[Analyze grammar]

śrīvasiṣṭha uvāca |
atha taddeśalīlāyāṃ phullāyāṃ tadvarodayāt |
pūrvalīlābravīddevīṃ saṃdehalulitāśayā || 9 ||
[Analyze grammar]

pūrvalīlovāca |
ye satyakāmāḥ santyevaṃsaṃkalpā brahmarūpiṇaḥ |
tvādṛśāḥ sarvamevāśu teṣāṃ siddhyatyabhīpsitam || 10 ||
[Analyze grammar]

tattenaiva śarīreṇa kimarthaṃ nāhamīśvari |
lokāntaramidaṃ nītā taṃ girigrāmakaṃ vada || 11 ||
[Analyze grammar]

śrīdevyuvāca |
na kiṃcitkasyacidahaṃ karomi varavarṇini |
sarva saṃpādayatyāśu svayaṃ jīvaḥ svamīhitam || 12 ||
[Analyze grammar]

ahaṃ hitaṃ raṭe jñaptiḥ saṃvinmātrādhidevatā |
pratyekamasti cicchaktirjīvaśaktisvarūpiṇī || 13 ||
[Analyze grammar]

jīvasyodeti yā śaktiryasya yasya yathā yathā |
bhāti tatphaladā nityaṃ tasya tasya tathā tathā || 14 ||
[Analyze grammar]

māṃ samārādhayantyāstu jīvaśaktistavoditā |
tadā bhavadyadīha syāṃ muktāsmīti ciraṃ tadā || 15 ||
[Analyze grammar]

tena tena prakāreṇa tvaṃ mayā saṃprabodhitā |
tayā yuktyāmalaṃ bhāvaṃ nītāsi varavarṇini || 16 ||
[Analyze grammar]

anayaiva bhāvanayā bodhitāsi ciraṃ tadā |
tamevā'rthaṃ prāptavatī sadā svacitiśaktitaḥ || 17 ||
[Analyze grammar]

yasya yasya yathodeti svacitprayatanaṃ ciram |
phalaṃ dadāti kālena tasya tasya tathā tathā || 18 ||
[Analyze grammar]

tapo vā devatā vāpi bhūtvā syaiva cidanyathā |
phalaṃ dadātyatha svairaṃ nabhaḥphalanipātavat || 19 ||
[Analyze grammar]

svasaṃvidyatanādanyanna kiṃcicca kadācana |
phalaṃ dadāti tenāśu yathecchasi tathā kuru || 20 ||
[Analyze grammar]

cidbhāva eva nanu sargagato'ntarātmā |
yaccetati prayatate ca tadaiti tacchrīḥ || 21 ||
[Analyze grammar]

ramyaṃ hyaramyamathaveti vicārayasva |
yatpāvanaṃ tadavabudhya tadantarāssva || 22 ||
[Analyze grammar]