Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XIII

śrīvasiṣṭha uvāca |
parame brahmaṇi sphāre same rāma samasthite |
anutpannanabhastejastamaḥsattā cidātmani || 1 ||
[Analyze grammar]

pūrvaṃ cetyatvakalanaṃ sataścetyāṃśacetanāt |
udeti cittakalanaṃ citiśaktitvacetanāt || 2 ||
[Analyze grammar]

tato jīvatvakalanaṃ cetyasaṃyogacetanāt |
tato'sya māyākalanaṃ cetyaikaparatāvaśāt || 3 ||
[Analyze grammar]

tato buddhitvakalanamahantāpariṇāmataḥ |
etadeva manastādiśabdatanmātrakādimat || 4 ||
[Analyze grammar]

ucchūnādanyatanmātrabhāvanādbhūtarūpiṇaḥ |
ayamitthaṃ mahāgulmo jagadādirvilokyate || 5 ||
[Analyze grammar]

jhaṭityevaṃ krameṇeti svapne puramivākṛtam |
mahākāśamahāṭavyāmudbhūyodbhūya naśyati || 6 ||
[Analyze grammar]

jagatkarañjakuñjānāṃ bījametadavāpajam |
nāpekṣate kiṃcidapi kṣitivāryanalādikam || 7 ||
[Analyze grammar]

etaccidātmakaṃ paścātkilorvyādi kariṣyati |
svaṃ svapnavitpuramiva cinmātrātmakameva yat || 8 ||
[Analyze grammar]

jagadādyaṅkuraṃ yatra tatrasthamapi muñcati |
jagataḥ pañcakaṃ bījaṃ pañcakasya cidavyayā || 9 ||
[Analyze grammar]

yadbījaṃ tatphalaṃ viddhi tasmādbrahmamayaṃ jagat |
evameṣa mahākāśe sargādau pañcako gaṇaḥ || 10 ||
[Analyze grammar]

cicchaktyā svāṅgabhūtātmā kalpitosti na vāstavaḥ |
anenocchūnatāmetya yadapīdaṃ vitanyate || 11 ||
[Analyze grammar]

tadapyākāśarūpātmakalpanātmani sanmayam |
kvacinna nāma tatsiddhaṃ yadasiddhena sādhyate || 12 ||
[Analyze grammar]

svarūpaṃ yadvikalpātma kathaṃ tatsatyatāmiyāt |
atha cetpañcakaṃ brahma brahmātmakatayā dhiyā || 13 ||
[Analyze grammar]

tatpañcakaṃ viddhi prauḍho brahmaiva trijagatkramaḥ |
yathā sphurati sargādāveṣa pañcakasaṃbhavaḥ || 14 ||
[Analyze grammar]

tathaivādyeha bhūtatve yāti kāraṇatāṃ svayam |
 evaṃ na jāyate kiṃcijjagajjātaṃ na lakṣyate || 15 ||
[Analyze grammar]

svapnasaṃkalpapuravadasatsadanubhūyate |
 brahmākāśaparākāśe jīvākāśatvamātmani || 16 ||
[Analyze grammar]

iti cityavadātātmā pṛthvyādīnāmasaṃbhavāt |
 ityeṣa jīvaḥ kathito vyomni svātmā ivoditaḥ || 17 ||
[Analyze grammar]

jīvākāśastvimaṃ dehaṃ yathā vindati tacchruṇu |
jīvākāśaḥ svamevāsau tasmiṃstu parameśvare || 18 ||
[Analyze grammar]

aṇutejaḥkaṇo'smīti svayaṃ cetati cintayā |
yattadevocchūnamiva bhāvayatyātmanāmbare || 19 ||
[Analyze grammar]

asadeva sadākāraṃ saṃkalpenduryathā na san |
tameva bhāvayan draṣṭradṛśyarūpatayā sthitaḥ || 20 ||
[Analyze grammar]

eka eva dvitāmeti svapne svamṛtibodhavat |
kiṃcitsthaulyamivādatte tatastārakatāṃ vidan || 21 ||
[Analyze grammar]

yathābhāvitamātrārthabhāvitādviśvarūpataḥ |
sa eva svātmā satatopyayaṃ sohamiti svayam || 22 ||
[Analyze grammar]

cittātpratyayamādhatte svapne svāmiva pānthatām |
tārakākāramākāraṃ bhāvidehābhidhaṃ tathā || 23 ||
[Analyze grammar]

bhāvayatyeti tadbhāvaṃ cittaṃ cetyārthatāmiva |
parityajyaiva tadbāhyaṃ tatastārakakoṭare || 24 ||
[Analyze grammar]

antarbhāti bahiṣṭho'pi parvato mukure yathā |
kūpasaṃstho yathā dehaḥ samudgakagataṃ vacaḥ || 25 ||
[Analyze grammar]

svapnasaṃkalpayoḥ saṃvidvettyetajjīvako'ṇuke |
svarūpatārakāntastho jīvo'yaṃ cetati svayam || 26 ||
[Analyze grammar]

tadetadbuddhicittādijñānasattādirūpakam |
jīvākāśaḥ svatastatra tārakākāśakośagam || 27 ||
[Analyze grammar]

prekṣe'hamiti bhāvena draṣṭuṃ prasaratīva khe |
tato randhradvayenaiva bhāvibāhyābhidhaṃ punaḥ || 28 ||
[Analyze grammar]

yena paśyati tannetrayugaṃ nāmnā bhaviṣyati |
yena spṛśati sā vai tvagyacchṛṇoti śrutistu sā || 29 ||
[Analyze grammar]

yena jighrati tadghrāṇaṃ sa svamātmani paśyati |
tattasya svadanaṃ paścādrasanā collasiṣyati || 30 ||
[Analyze grammar]

spandate yatsa tadvāyuśceṣṭā karmendriyavrajam |
rūpālokamanaskārajātamityapi bhāvayat || 31 ||
[Analyze grammar]

ātivāhikadehātmā tiṣṭhatyambaramambare |
evamucchūnatāṃ tasminbhāvayaṃstejasaḥ kaṇe || 32 ||
[Analyze grammar]

asatyāṃ satyasaṃkāśāṃ brahmāste jīvaśabdavat |
itthaṃ sa jīvaśabdārthaḥ kalanākulatāṃ gataḥ || 33 ||
[Analyze grammar]

ātivāhikadehātmā cittadehāmbarākṛtiḥ |
svakalpanānta ākāramaṇḍaṃ saṃsthaṃ prapaśyati || 34 ||
[Analyze grammar]

kaścijjalagataṃ vetti kaścitsamrāṭsvarūpiṇam |
bhāvibrahmāṇḍakalanāṃ paśyatyanubhavatyapi || 35 ||
[Analyze grammar]

ātmagarbhagṛhaṃ cittādyathāsaṃkalpamātmanaḥ |
deśakālakriyādravyakalpanāvedanaṃ sa tat || 36 ||
[Analyze grammar]

bhāvayañchabdanirmātā śabdairbadhnāti kalpitaiḥ |
ātivāhikadeho'sāvityasatyajagadbhrame || 37 ||
[Analyze grammar]

asatya eva kacati svapne khoḍḍayanaṃ yathā |
ityanutpanna evāsau svayaṃbhūḥ svayamutthitaḥ || 38 ||
[Analyze grammar]

ātivāhikadehātmā prabhurādyaḥ prajāpatiḥ |
etasminnapi saṃpanne brahmāṇḍākāriṇi bhrame || 39 ||
[Analyze grammar]

na kiṃcidapi saṃpannaṃ na ca jātaṃ na dṛśyate |
tadbrahmākāśamākāśameva sthitamanantakam || 40 ||
[Analyze grammar]

saṃkalpanagarākārametatsadapi naiva sat |
anirmitamarāgaṃ ca etadvai citramutthitam || 41 ||
[Analyze grammar]

akṛtaṃ cānubhūtaṃ ca na satyaṃ satyavatsthitam |
mahākalpe vimuktatvādbrahmādīnāmasaṃśayam || 42 ||
[Analyze grammar]

smṛtirna prāktanī kācitkāraṇaṃ vā svayaṃbhuvaḥ |
tena yādṛksvayaṃbhūḥ syāttādṛktajjamidaṃ smṛtam || 43 ||
[Analyze grammar]

anādyanubhavastvitthaṃ yo'trāsti vanikādike |
svapnānubhūtaṃ pṛthvyādi prabodhe yādṛśaṃ bhavet || 44 ||
[Analyze grammar]

smṛtaḥ sa vyomamātrātmā sarvadaiva smṛtaṃ jagat |
yatra yatra yathā toye dravatvaṃ nāma bhidyate || 45 ||
[Analyze grammar]

tatra tatra tathā nānyaḥ sargo'sti paramātmani |
sṛṣṭirevamiyaṃ prauḍhā sama eva tvayaṃ sthitaḥ || 46 ||
[Analyze grammar]

bhātyevaṃ nāma brahmāṇḍaṃ vyomātmevātinirmalam |
dṛśyamevamidaṃ śāntaṃ svātmanirmitavibhramam || 47 ||
[Analyze grammar]

nirādhāraṃ nirādheyamadvaitaṃ caikyavarjitam |
jagatsaṃvidi jātāyāmapi jātaṃ na kiṃcana || 48 ||
[Analyze grammar]

paramākāśamāśūnyamacchameva vyavasthitam |
sarvasaṃsāratā nāsti yadeva tadavasthitam || 49 ||
[Analyze grammar]

nādheyaṃ tatra nādhāro na dṛśyaṃ na ca draṣṭṛtā |
brahmāṇḍaṃ nāsti na brahmā na ca vaitaṇḍikā kvacit || 50 ||
[Analyze grammar]

na jagannāpi jagatī śāntamevākhilaṃ sthitam |
brahmaiva kacati svacchamitthamātmātmanātmani || 51 ||
[Analyze grammar]

cittvāddravatvātsalilamivāvartatayātmani |
asadevedamābhāti sadivehānubhūyate || 52 ||
[Analyze grammar]

vinaśyatyasadevānte svapne svamaraṇaṃ yathā |
athavā svasvarūpatvātsadevedamanāmayam |
akhaṇḍitamanādyantaṃ jñānamātrāmbarodaram || 53 ||
[Analyze grammar]

ākāśa eva parame prathamaḥ prajeśo nityaṃ svayaṃ kacati śūnyatayā samo yaḥ |
sa hyātivāhikavapurnatu bhūtarūpī pṛthvyādi tena na sadasti yathā na jātam || 54 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter XIII

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: