![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter VIII
śrīrāma uvāca |
kayaitajjñāyate yuktyā kathametatprasidhyati |
nyāyānubhūta etasminna jñeyamavaśiṣyate || 1 ||
[Analyze grammar]
śrīvasiṣṭha uvāca |
bahukālamiyaṃ rūḍhā mithyājñānaviṣūcikā |
jagannāmnyavicārākhyā vinā jñānaṃ na śāmyati || 2 ||
[Analyze grammar]
vadāmyākhyāyikā rāma yā imā bodhasiddhaye |
tāścecchṛṇoṣi tatsādho mukta evāsi buddhimān || 3 ||
[Analyze grammar]
no cedudvegaśīlatvādardhādutthāya gacchasi |
tattiryagdharmiṇaste'dya na kiṃcidapi setsyati || 4 ||
[Analyze grammar]
yo'yamarthaṃ prārthayate tadarthaṃ yatate tathā |
so'vaśyaṃ tadavāpnoti na cecchrānto nivartate || 5 ||
[Analyze grammar]
sādhusaṃgamasacchāstraparo bhavasi rāma cet |
taddinaireva no māsaiḥ prāpnoṣi paramaṃ padam || 6 ||
[Analyze grammar]
śrīrāma uvāca |
ātmajñānaprabodhāya śāstraṃ śāstravidāṃ vara |
kiṃ nāma tatpradhānaṃ syādyasmiñjñāte na śocyate || 7 ||
[Analyze grammar]
śrīvasiṣṭha uvāca |
ātmajñānapradhānānāmidameva mahāmate |
śāstrāṇāṃ paramaṃ śāstraṃ mahārāmāyaṇaṃ śubham || 8 ||
[Analyze grammar]
itihāsottamādasmatādbodhaḥ pravartate |
sarveṣāmitihāsānāmayaṃ sāra udāhṛtaḥ || 9 ||
[Analyze grammar]
śrute'sminvāḍmaye yasmājjīvanmuktatvamakṣayam |
udeti svayamevāta idamevātipāvanam || 10 ||
[Analyze grammar]
sthitamevāstamāyāti jagaddṛśyaṃ vicāraṇāt |
yathā svapne parijñāte svapnādāveva bhāvanā || 11 ||
[Analyze grammar]
yadihāsti tadanyatra yannehāsti na tatkvacit |
imaṃ samastavijñānaśāstrakośaṃ vidurbudhāḥ || 12 ||
[Analyze grammar]
ya idaṃ śrṛṇuyānnityaṃ tasyodāracamatkṛteḥ |
bodhasyāpi paraṃ bodhaṃ buddhireti na saṃśayaḥ || 13 ||
[Analyze grammar]
yasmai nedaṃ tvarucaye rocate duṣkṛtodayāt |
vicārayatu yatkiṃcitsacchāstraṃ jñānavāṅmayam || 14 ||
[Analyze grammar]
jīvanmuktatvamasmiṃstu śrute samanubhūyate |
svayameva yathā pīte nīrogatvaṃ varauṣadhe || 15 ||
[Analyze grammar]
śrūyamāṇe hi śāstre'smiñchrotā vettyetadātmanā |
yathāvadidamasmābhirnanūktaṃ varaśāpavat || 16 ||
[Analyze grammar]
naśyati saṃsṛtiduḥkhamidaṃ te svātmavicāraṇayā kathayaiva |
no dhanadānatapaḥśrutavedaistatkathanoditayatnaśatena || 17 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter VIII
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!