![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter XX
śrīvasiṣṭha uvāca |
āryasaṃgamayuktyādau prajñāṃ vṛddhiṃ nayedbalāt |
tato mahāpuruṣatāṃ mahāpuruṣalakṣaṇaiḥ || 1 ||
[Analyze grammar]
yo yo yena guṇeneha puruṣaḥ pravirājate |
śiṣyate taṃ tamevāśu tasmādbuddhiṃ vivardhayet || 2 ||
[Analyze grammar]
mahāpuruṣatā hyeṣā śamādiguṇaśālinī |
samyagjñānaṃ vinā rāma siddhimeti na kāṃcana || 3 ||
[Analyze grammar]
jñānācchamādayo yānti vṛddhiṃ satpuruṣakramāḥ |
ślāghanīyāḥ phalenāntarvṛṣṭeriva navāṅkurāḥ || 4 ||
[Analyze grammar]
śamādibhyo guṇebhyaśca vardhate jñānamuttamam |
annātmakebhyo yajñebhyaḥ śālivṛṣṭirivottamā || 5 ||
[Analyze grammar]
guṇāḥ śamādayo jñānācchamādibhyastathā jñatā |
parasparaṃ vivardhante te abjasarasī iva || 6 ||
[Analyze grammar]
jñānaṃ satpuruṣācārājjñānātsatpuruṣakramaḥ |
parasparaṃ gatau vṛddhiṃ jñānasatpuruṣakramau || 7 ||
[Analyze grammar]
śamaprajñādinipuṇapuruṣārthakrameṇa ca |
abhyasetpuruṣo dhīmāñjñānasatpuruṣakramau || 8 ||
[Analyze grammar]
na yāvatsamamabhyastau jñānasatpuruṣakramau |
eko'pi naitayostāta puruṣasyeha sidhyati || 9 ||
[Analyze grammar]
yathā kalamarakṣiṇyā gītyā vitatatālayā |
khagotsādena sahitaṃ gītānandaḥ prasādhyate || 10 ||
[Analyze grammar]
jñānasatpuruṣehābhyāmakartrā kartṛrūpiṇā |
tathā puṃsā niricchena samamāsādyate padam || 11 ||
[Analyze grammar]
sadācārakramaḥ prokto mayaivaṃ raghunandana |
tathopadiśyate samyagevaṃ jñānakramo'dhunā || 12 ||
[Analyze grammar]
idaṃ yaśasyamāyuṣyaṃ puruṣārthaphalapradam |
tajjñādāptācca sacchāstraṃ śrotavyaṃ kila dhīmatā || 13 ||
[Analyze grammar]
śrutvā tvaṃ buddhinairmalyādbalādyāsyasi tatpadam |
yathā katakasaṃśleṣātprasādaṃ kaluṣaṃ payaḥ || 14 ||
[Analyze grammar]
viditavedyamidaṃ hi mano munervivaśameva hi yāti paraṃ padam |
yadavabuddhamakhaṇḍitamuttamaṃ tadavabodhavaśānna jahāti hi || 15 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter XX
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!