Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XIV

śrīvasiṣṭha uvāca |
śāstrāvabodhāmalayā dhiyā paramapūtayā |
kartavyaḥ kāraṇajñena vicāro'niśamātmanaḥ || 1 ||
[Analyze grammar]

vicārāttīkṣṇatāmetya dhīḥ paśyati paraṃ padam |
dīrghasaṃsārarogasya vicāro hi mahauṣadham || 2 ||
[Analyze grammar]

āpadvanamanantehāparipallavitākṛti |
vicārakrakacacchinnaṃ naiva bhūyaḥ prarohati || 3 ||
[Analyze grammar]

mohena bandhunāśeṣu saṃkaṭeṣu śameṣu ca |
sarvaṃ vyāptaṃ mahāprājña vicāro hi satāṃ gatiḥ || 4 ||
[Analyze grammar]

na vicāraṃ vinā kaścidupāyo'sti vipaścitām |
vicārādaśubhaṃ tyaktvā śubhamāyāti dhīḥ satām || 5 ||
[Analyze grammar]

balaṃ buddhiśca tejaśca pratipattiḥ kriyāphalam |
phalantyetāni sarvāṇi vicāreṇaiva dhīmatām || 6 ||
[Analyze grammar]

yuktāyuktamahādīpamabhivāñchitasādhakam |
sphāraṃ vicāramāśritya saṃsārajaladhiṃ taret || 7 ||
[Analyze grammar]

ālūnahṛdayāmbhojānmahāmohamataṅgajān |
vidārayati śuddhātmā vicāro nāma kesarī || 8 ||
[Analyze grammar]

mūḍhāḥ kālavaśeneha yadgatāḥ paramaṃ padam |
tadvicārapradīpasya vijṛmbhitamanuttamam || 9 ||
[Analyze grammar]

rājyāni saṃpadaḥ sphārā bhogo mokṣaśca śāśvataḥ |
vicārakalpavṛkṣasya phalānyetāni rāghava || 10 ||
[Analyze grammar]

yā vivekavikāsinyo matayo mahatāmiha |
na tā vipadi majjanti tumbakānīva vāriṇi || 11 ||
[Analyze grammar]

vicārodayakāriṇyā dhiyā vyavaharanti ye |
phalānāmatyudārāṇāṃ bhājanaṃ hi bhavanti te || 12 ||
[Analyze grammar]

mūrkhahṛtkānanasthānāmāśāprathamarodhinām |
avicārakarañjānāṃ mañjaryo duḥkharītayaḥ || 13 ||
[Analyze grammar]

kajjalakṣodamalinā madirāmadadharmiṇī |
avicāramayī nidrā yātu te rāghava kṣayam || 14 ||
[Analyze grammar]

mahāpadatidīrgheṣu sadvicāraparo naraḥ |
na nimajjati moheṣu tejorāśistamaḥsviva || 15 ||
[Analyze grammar]

mānase sarasi svacche vicārakamalotkaraḥ |
nūnaṃ vikasito yasya himavāniva bhāti saḥ || 16 ||
[Analyze grammar]

vicāravikalā yasya matirmāndyamupeyuṣaḥ |
tasyodetyaśaniścandrānmudhā yakṣaḥ śiśoriva || 17 ||
[Analyze grammar]

duḥkhakhaṇḍakamasthūlaṃ vipannavalatāmadhuḥ |
rāma dūre parityājyo nirviveko narādhamaḥ || 18 ||
[Analyze grammar]

ye kecana durārambhā durācārā durādhayaḥ |
avicāreṇa te bhānti vetālāstamasā yathā || 19 ||
[Analyze grammar]

avicāriṇamekāntavanadrumasadharmakam |
akṣamaṃ sādhukāryeṣu dūre kuru raghūdvaha || 20 ||
[Analyze grammar]

viviktaṃ hi mano jantorāśāvaivaśyavarjitam |
parāṃ nirvṛtimabhyeti pūrṇacandra ivātmani || 21 ||
[Analyze grammar]

vivekitoditā dehe sarvaṃ śītalayatyalam |
alaṃkaroti cātyantaṃ jyotsneva bhuvanaṃ yathā || 22 ||
[Analyze grammar]

paramārthapatākāyā dhiyo dhavalacāmaram |
vicāro rājate janto rajanyāmiva candramāḥ || 23 ||
[Analyze grammar]

vicāracāravo jīvā bhāsayanto diśo daśa |
bhānti bhāskaravannūnaṃ bhūyo bhavabhayāpahāḥ || 24 ||
[Analyze grammar]

bālasya svamanomohakalpitaḥ prāṇahārakaḥ |
rātrau nabhasi vetālo vicāreṇa vilīyate || 25 ||
[Analyze grammar]

sarvaṃ eva jagadbhāvā avicāreṇa cāravaḥ |
avidyamānasadbhāvā vicāraviśarāravaḥ || 26 ||
[Analyze grammar]

puṃso nijamanomohakalpito'nalpaduḥkhadaḥ |
saṃsāraciravetālo vicāreṇa vilīyate || 27 ||
[Analyze grammar]

samaṃ sukhaṃ nirābādhamanantamanapāśrayam |
viddhīmaṃ kevalībhāvaṃ vicāroccataroḥ phalam || 28 ||
[Analyze grammar]

acalasthititodārā prakaṭābhogatejasā |
tena niṣkāmatodeti śītatevendunoditā || 29 ||
[Analyze grammar]

svavicāramahauṣadhyā sādhuścittaniṣaṇṇayā |
tayottamatvapradayā nābhivāñchati nojjhati || 30 ||
[Analyze grammar]

tatpadālambanaṃ cetaḥ sphāramābhāsamāgatam |
nāstameti na codeti khamivātitatāntaram || 31 ||
[Analyze grammar]

na dadāti na cādatte na connamati śāmyati |
kevalaṃ sākṣivatpaśyañjagadābhogi tiṣṭhati || 32 ||
[Analyze grammar]

na ca śāmyati nāpyantarnāpi bāhye'vatiṣṭhati |
na ca naiṣkarmyamādatte na ca karmaṇi majjati || 33 ||
[Analyze grammar]

upekṣate gataṃ vastu saṃprāptamanuvartate |
na kṣubdho na ca vā'kṣubdho bhāti pūrṇa ivārṇavaḥ || 34 ||
[Analyze grammar]

evaṃ pūrṇena manasā mahātmāno mahāśayāḥ |
jīvanmuktā jagatyasminviharantīha yoginaḥ || 35 ||
[Analyze grammar]

uṣitvā suciraṃ kālaṃ dhīrāste yāvadīpsitam |
te tamante parityajya yānti kevalatāṃ tatām || 36 ||
[Analyze grammar]

ko'haṃ kasya ca saṃsāra ityāpadyapi dhīmatā |
cintanīyaṃ prayatnena sapratīkāramātmanā || 37 ||
[Analyze grammar]

kāryasaṃkaṭasaṃdehaṃ rājā jānāti rāghava |
niṣphalaṃ saphalaṃ vāpi vicāreṇaiva nānyathā || 38 ||
[Analyze grammar]

vedavedāntasriddhāntasthitayaḥ sthitikāraṇam |
nirṇīyante vicāreṇa dīpena ca bhuvo niśi || 39 ||
[Analyze grammar]

anaṣṭamandhakāreṣu bahutejaḥsvajihmitam |
paśyatyapi vyavahitaṃ vicāraścārulocanam || 40 ||
[Analyze grammar]

vivekāndho hi jātyandhaḥ śocyaḥ sarvasya durmatiḥ |
divyacakṣurvivekātmā jayatyakhilavastuṣu || 41 ||
[Analyze grammar]

paramātmamayī mānyā mahānandaikasādhinī |
kṣaṇamekaṃ parityājyā na vicāracamatkṛtiḥ || 42 ||
[Analyze grammar]

vicāracārupuruṣo mahatāmapi rocate |
paripakvacamatkāraṃ sahakāraphalaṃ yathā || 43 ||
[Analyze grammar]

vicārakāntamatayo nānekeṣu punaḥpunaḥ |
luṭhanti duḥkhaśvabhreṣu jñātādhvagatayo narāḥ || 44 ||
[Analyze grammar]

naca rauti tathā rogī nānarthaśatajarjaraḥ |
avicāravinaṣṭātmā yathā'jñaḥ pariroditi || 45 ||
[Analyze grammar]

varaṃ kardamamekatvaṃ malakīṭakatā varam |
varamandhaguhāhitvaṃ na narasyāvicāritā || 46 ||
[Analyze grammar]

sarvānarthanijāvāsaṃ sarvasādhutiraskṛtam |
sarvadausthityasīmāntamavicāraṃ parityajet || 47 ||
[Analyze grammar]

nityaṃ vicārayuktena bhavitavyaṃ mahātmanā |
tathāndhakūpe patatāṃ vicāro hyavalambanam || 48 ||
[Analyze grammar]

svayamevātmanātmānamavaṣṭabhya vicārataḥ |
saṃsāramohajaladhestārayetsvamanomṛgam || 49 ||
[Analyze grammar]

ko'haṃ kathamayaṃ doṣaḥ saṃsārākhya upāgataḥ |
nyāyeneti parāmarśo vicāra iti kathyate || 50 ||
[Analyze grammar]

andhāndhamohasudhanaṃ ciraṃ duḥkhāya kevalam |
kṛtaṃ śilāyā hṛdayaṃ durmateścāvicāriṇaḥ || 51 ||
[Analyze grammar]

bhāvābhāvagrahotsargadṛśāmiha hi rāghava |
na vicārādṛte tattvaṃ jñāyate sādhu kiṃcana || 52 ||
[Analyze grammar]

vicārājjñāyate tattvaṃ tattvādviśrāntirātmani |
ato manasi śāntatvaṃ sarvaduḥkhaparikṣayaḥ || 53 ||
[Analyze grammar]

saphalatā phalate bhuvi karmaṇāṃ prakaṭatāṃ kila gacchati uttamām |
sphuṭavicāradṛśaiva vicāritā śamavate bhavate ca virocatām || 54 ||
[Analyze grammar]

Other editions:

Also see the following editions of the Sanskrit text or (alternative) English translations of the Yoga Vasistha Chapter XIV

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: