Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XIII

śrīvasiṣṭha uvāca |
etāṃ dṛṣṭimavaṣṭabhya dṛṣṭātmānaḥ subuddhayaḥ |
vicarantīha saṃsāre mahānto'bhyuditā iva || 1 ||
[Analyze grammar]

na śocanti na vāñchanti na yācante śubhāśubham |
sarvameva ca kurvanti na kurvantīha kiṃcana || 2 ||
[Analyze grammar]

svacchamevāvatiṣṭhante svacchaṃ kurvanti yānti hi |
heyopādeyatāpakṣarahitāḥ svātmani sthitāḥ || 3 ||
[Analyze grammar]

āyānti ca na cāyānti prayānti ca na yānti ca |
kurvantyapi na kurvanti na vadanti vadanti ca || 4 ||
[Analyze grammar]

ye kecana samārambhā yāśca kāścana dṛṣṭayaḥ |
heyopādeyatastāstāḥ kṣīyante'dhigate pade || 5 ||
[Analyze grammar]

parityaktasamastehaṃ manomadhuravṛttimat |
sarvataḥ sukhamabhyeti candrabimba iva sthitam || 6 ||
[Analyze grammar]

api nirmananārambhamavyastākhilakautukam |
ātmanyeva na mātyantarindāviva rasāyanam || 7 ||
[Analyze grammar]

na karotīndrajālāni nānudhāvati vāsanām |
bālacāpalamutsṛjya pūrvameva virājate || 8 ||
[Analyze grammar]

evaṃvidhā hi vṛttaya ātmatattvāvalokanāllabhyante nānyathā || 9 ||
[Analyze grammar]

tasmādvicāreṇātmaivānveṣṭavya upāsanīyo jñātavyo yāvajjīvaṃ puruṣeṇa netaraditi || 10 ||
[Analyze grammar]

svānubhūteśca śāstrasya guroścaivaikavākyatā |
yasyābhyāsena tenātmā santatenāvalokyate || 11 ||
[Analyze grammar]

avahelitaśāstrārthairavajñātamahājanaiḥ |
kaṣṭāmapyāpadaṃ prāpto na mūḍhaiḥ samatāmiyāt || 12 ||
[Analyze grammar]

na vyādhirna viṣaṃ nāpattathā nādhiśca bhūtale |
khedāya svaśarīrasthaṃ maurkhyamekaṃ yathā nṛṇām || 13 ||
[Analyze grammar]

kiṃcitsaṃskṛtabuddhīnāṃ śrutaṃ śāstramidaṃ yathā |
maurkhyāpahaṃ tathā śāstramanyadasti na kiṃcana || 14 ||
[Analyze grammar]

idaṃ śrāvyaṃ sukhakaraṃ yathā dṛṣṭāntasundaram |
aviruddhamaśeṣeṇa śāstraṃ vākyārthabandhunā || 13 ||
[Analyze grammar]

āpado yā duruttārā yāśca tucchāḥ kuyonayaḥ |
tāstā maurkhyātprasūyante khadirādiva kaṇṭakāḥ || 16 ||
[Analyze grammar]

varaṃ śarāvahastasya cāṇḍālāgāravīthiṣu |
bhikṣārthamaṭanaṃ rāma na maurkhyahatajīvitam || 17 ||
[Analyze grammar]

varaṃ ghorāndhakūpeṣu koṭareṣveva bhūruhām |
andhakīṭatvamekānte na maurkhyamatiduḥkhadam || 18 ||
[Analyze grammar]

imamālokamāsādya mokṣopāyamayaṃ janaḥ |
andhatāmeti na punaḥ kaścinmohatamasyapi || 19 ||
[Analyze grammar]

tāvannayati saṃkocaṃ tṛṣṇā vai mānavāmbujam |
yāvadvivekasūryasya noditā vimalā prabhā || 20 ||
[Analyze grammar]

saṃsāraduḥkhamokṣārthe mādṛśaiḥ saha bandhubhiḥ |
svarūpamātmano jñātvā guruśāstrapramāṇataḥ || 21 ||
[Analyze grammar]

jīvanmuktāścarantīha yathā hariharādayaḥ |
yathā brahmarṣayaścānye tathā vihara rāghava || 22 ||
[Analyze grammar]

anantānīha duḥkhāni sukhaṃ tṛṇalavopamam |
nātaḥ sukheṣu badhnīyāddṛṣṭiṃ duḥkhānubandhiṣu || 23 ||
[Analyze grammar]

yadanantamanāyāsaṃ tatpadaṃ sārasiddhaye |
sādhanīyaṃ prayatnena puruṣeṇa vijānatā || 24 ||
[Analyze grammar]

ta eva puruṣārthasya bhājanaṃ puruṣottamāḥ |
anuttamapadālambi mano yeṣāṃ gatajvaram || 25 ||
[Analyze grammar]

saṃbhogāśanamātreṇa rājyādiṣu sukheṣu ye |
saṃtuṣṭā duṣṭamanaso viddhi tānandhadardurān || 26 ||
[Analyze grammar]

ye śaṭheṣu duranteṣu duṣkṛtārambhaśāliṣu |
dviṣatsu mitrarūpeṣu bhaktā vai bhogabhogiṣu || 27 ||
[Analyze grammar]

te yānti durgamāddurgaṃ duḥkhādduḥkhaṃ bhayādbhayam |
narakānnarakaṃ mūḍhā mohamantharabuddhayaḥ || 28 ||
[Analyze grammar]

parasparavināśokteḥ śreyaḥstho na kadācana |
sukhaduḥkhadaśe rāma taḍitprasarabhaṅgure || 29 ||
[Analyze grammar]

ye viraktā mahātmānaḥ suviviktā bhavādṛśāḥ |
puruṣānviddhi tānvandyānbhogamokṣaikabhājanān || 30 ||
[Analyze grammar]

vivekaṃ paramāśritya vairāgyābhyāsayogataḥ |
saṃsārasaritaṃ ghorāmimāmāpadamuttaret || 31 ||
[Analyze grammar]

na svaptavyaṃ ca saṃsāramāyāsviha vijānatā |
viṣamūrcchanasaṃmohadāyinīṣu vivekinā || 32 ||
[Analyze grammar]

saṃsāramimamāsādya yastiṣṭhatyavahelayā |
jvalitasya gṛhasyoccaiḥ śete tārṇasya saṃstare || 33 ||
[Analyze grammar]

yatprāpya na nivartante yadāsādya na śocati |
tatpadaṃ śemuṣīlabhyamastyevātra na saṃśayaḥ || 34 ||
[Analyze grammar]

nāsti cettadvicāreṇa doṣaḥ ko bhavatāṃ bhavet |
asti cettatsamuttīrṇā bhaviṣyatha bhavārṇavāt || 35 ||
[Analyze grammar]

pravṛttiḥ puruṣasyeha mokṣopāyavicāraṇe |
yadā bhavatyāśu tadā mokṣabhāgī sa ucyate || 36 ||
[Analyze grammar]

anapāyi nirāśaṅkaṃ svāsthyaṃ vigatavibhramam |
na vinā kevalībhāvādvidyate bhuvanatraye || 37 ||
[Analyze grammar]

tatprāptāvuttamaprāptau na kleśa upajāyate |
na dhanānyupakurvanti na mitrāṇi na bāndhavāḥ || 38 ||
[Analyze grammar]

na hastapādacalanaṃ na deśāntarasaṃgamaḥ |
na kāyakleśavaidhuryaṃ na tīrthāyatanāśrayāḥ || 39 ||
[Analyze grammar]

puruṣārthaikasādhyena vāsanaikārthakarmaṇā |
kevalaṃ tanmanomātrajayenāsādyate padam || 40 ||
[Analyze grammar]

vivekamātrasādhyaṃ tadvicāraikāntaniścayam |
tyajatā duḥkhajālāni nareṇaitadavāpyate || 41 ||
[Analyze grammar]

sukhasevyāsanasthena tadvicārayatā svayam |
na śocyate padaṃ prāpya na sa bhūyo hi jāyate || 42 ||
[Analyze grammar]

tatsamastasukhāsārasīmāntaṃ sādhavo viduḥ |
tadanuttamaniṣpandaṃ paramāhū rasāyanam || 43 ||
[Analyze grammar]

kṣayitvātsarvabhāvānāṃ svargamānuṣyayordvayoḥ |
sukhaṃ nāstyeva salilaṃ mṛgatṛṣṇāsvivaitayoḥ || 44 ||
[Analyze grammar]

ato manojayaścintyaḥ śamasaṃtoṣasādhanaḥ |
anantasamasaṃyogastasmādānanda āpyate || 45 ||
[Analyze grammar]

tiṣṭhatā gacchatā caiva patatā bhramatā tathā |
rakṣasā dānavenāpi devena puruṣeṇa vā || 46 ||
[Analyze grammar]

manaḥ praśamanodbhūttaṃ tatprāpyaṃ paramaṃ sukham |
vikāsiśamapuṣpasya vivekoccataroḥ phalam || 47 ||
[Analyze grammar]

vyavahārapareṇāpi kāryavṛndamavindatā |
bhānunevāmbarasthena nojjhyate na ca vāñchayate || 48 ||
[Analyze grammar]

manaḥpraśāntamatyacchaṃ viśrāntaṃ vigatabhramam |
anīhaṃ vigatābhīṣṭaṃ nābhivāñchati nojjhati || 49 ||
[Analyze grammar]

mokṣadvāre dvārapālānimāñchraṇu yathākramam |
yeṣāmekatamāsaktyā mokṣadvāraṃ praviśyate || 50 ||
[Analyze grammar]

sukhadoṣadaśādīrghā saṃsāramarumaṇḍalī |
jantoḥ śītalatāmeti śītaraśmeḥ samaprabhā || 51 ||
[Analyze grammar]

śamenāsādyate śreyaḥ śamo hi paramaṃ padam |
śamaḥ śivaḥ śamaḥ śānti śamo bhrāntinivāraṇam || 52 ||
[Analyze grammar]

puṃsaḥ praśamatṛptasya śītalācchatarātmanaḥ |
śamabhūṣitacittasya śatrurapyeti mitratām || 53 ||
[Analyze grammar]

śamacandramasā yeṣāmāśayaḥ samalaṃkṛtaḥ |
kṣīrodānāmivodeti teṣāṃ paramaśuddhatā || 54 ||
[Analyze grammar]

hṛtkuśeśayakośeṣu yeṣāṃ śamakuśeśayam |
satāṃ vikasitaṃ te hi dvihṛtpadmāḥ samā hareḥ || 55 ||
[Analyze grammar]

śamaśrīḥ śobhate yeṣāṃ mukhendāvakalaṅkite |
te kulīnendavo vandyāḥ saundaryavijitendriyāḥ || 56 ||
[Analyze grammar]

trailokyodaravartinyo nānandāya tathā śriyaḥ |
sāmrājyasaṃpatpratimā yathā śamavibhūtayaḥ || 57 ||
[Analyze grammar]

yāni duḥkhāni yā tṛṣṇā duḥsahā ye durādhayaḥ |
tatsarvaṃ śāntacetaḥsu tamo'rkeṣviva naśyati || 58 ||
[Analyze grammar]

mano hi sarvabhūtānāṃ prasādamadhigacchati |
na tathendoryathā śānte jane janitakautukam || 59 ||
[Analyze grammar]

śamaśālini sauhārdavati sarveṣu jantuṣu |
sujane paramaṃ tattvaṃ svayameva prasīdati || 60 ||
[Analyze grammar]

mātarīva paraṃ yānti viṣamāṇi mṛdūni ca |
viśvāsamiha bhūtāni sarvāṇi śamaśālini || 61 ||
[Analyze grammar]

na rasāyanapānena na lakṣmyāliṅganena ca |
tathā sukhamavāpnoti śamenāntaryathā manaḥ || 62 ||
[Analyze grammar]

sarvādhivyādhicalitaṃ krāntaṃ tṛṣṇāvaratrayā |
manaḥ śamāmṛtāsekaiḥ samāśvāsaya rāghava || 63 ||
[Analyze grammar]

yatkaroṣi yadaśnāsi śamaśītalayā dhiyā |
tatrātisvadate svādu netarattāta mānase || 64 ||
[Analyze grammar]

śamāmṛtarasācchannaṃ mano yāmeti nirvṛtim |
chinnānyapi tayāṅgāni manye rohanti rāghava || 65 ||
[Analyze grammar]

na piśācā na rakṣāṃsi na daityā na ca śatravaḥ |
na ca vyāghrabhujaṅgā vā dviṣanti śamaśālinam || 66 ||
[Analyze grammar]

susaṃnaddhasamastāṅgaṃ praśamāmṛtavarmaṇā |
vedhayanti na duḥkhāni śarā vajraśilāmiva || 67 ||
[Analyze grammar]

na tathā śobhate rājā apyantaḥpurasaṃsthitaḥ |
samayā svacchayā buddhyā yathopaśamaśīlayā || 68 ||
[Analyze grammar]

prāṇātpriyataraṃ dṛṣṭvā tuṣṭimeti na vai janaḥ |
yāmāyāti janaḥ śāntimavalokya śamāśayam || 69 ||
[Analyze grammar]

samayā śamaśālinyā vṛttyā yaḥ sādhu vartate |
abhinanditayā loke jīvatīha sa netaraḥ || 70 ||
[Analyze grammar]

anuddhatamanāḥ śāntaḥ sādhuḥ karma karoti yat |
tatsarvamabhinandanti tasyemā bhūtajātayaḥ || 71 ||
[Analyze grammar]

śrutvā spṛṣṭvā ca dṛṣṭvā ca bhuktvā ghrātvā śubhāśubham |
na hṛṣyati glāyati yaḥ sa śānta iti kathyate || 72 ||
[Analyze grammar]

yaḥ samaḥ sarvabhūteṣu bhāvi kāṅkṣati nojjhati |
jitvendriyāṇi yatnena sa śānta iti kathyate || 73 ||
[Analyze grammar]

spṛṣṭvā'vadātayā buddhyā yathaivāntastathā bahiḥ |
dṛśyante yatra kāryāṇi sa śānta iti kathyate || 74 ||
[Analyze grammar]

tuṣārakarabimbābhaṃ mano yasya nirākulam |
maraṇotsavayuddheṣu sa śānta iti kathyate || 75 ||
[Analyze grammar]

sthito'pi na sthita iva na hṛṣyati na kupyati |
yaḥ suṣuptasamaḥ svasthaḥ sa śānta iti kathyate || 76 ||
[Analyze grammar]

amṛtasyandasubhagā yasya sarvajanaṃ prati |
dṛṣṭiḥ prasarati prītā sa śānta iti kathyate || 77 ||
[Analyze grammar]

yo'ntaḥ śītalatāṃ yāto yo bhāveṣu na majjati |
vyavahārī na saṃmūḍhaḥ sa śānta iti kathyate || 78 ||
[Analyze grammar]

apyāpatsu durantāsu kalpānteṣu mahatsvapi |
tucche'haṃ na mano yasya sa śānta iti kathyate || 79 ||
[Analyze grammar]

ākāśasadṛśī yasya puṃsaḥ saṃvyavahāriṇaḥ |
kalaṅkameti na matiḥ sa śānta iti kathyate || 80 ||
[Analyze grammar]

tapasviṣu bahujñeṣu yājakeṣu nṛpeṣu ca |
balavatsu guṇāḍhyeṣu śamavāneva rājate || 81 ||
[Analyze grammar]

śamasaṃsaktamanasāṃ mahatāṃ guṇaśālinām |
udeti nirvṛtiścittājjyotsneva sitarociṣaḥ || 82 ||
[Analyze grammar]

sīmānto guṇapūgānāṃ pauruṣaikāntabhūṣaṇam |
saṃkaṭeṣu bhayasthāne śamaḥ śrīmānvirājate || 83 ||
[Analyze grammar]

śamamamṛtamahāryamāryaguptaṃ paramavalambya paraṃ padaṃ prayātāḥ |
raghutanaya yathā mahānubhāvāḥ kramamanupālaya siddhaye tameva || 84 ||
[Analyze grammar]

Other editions:

Also see the following editions of the Sanskrit text or (alternative) English translations of the Yoga Vasistha Chapter XIII

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: