Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter I

vālmīkiruvāca |
iti nādena mahatā vacasyukte sabhāgataiḥ |
rāmamagragataṃ prītyā viśvāmitro'bhyabhāṣata || 1 ||
[Analyze grammar]

na rāghava tavāstyanyajjñeyaṃ jñānavatāṃ vara |
svayaiva sūkṣmayā buddhyā sarvaṃ vijñātavānasi || 2 ||
[Analyze grammar]

kevalaṃ mārjanāmātraṃ manāgevopayujyate |
svabhāvavimale nityaṃ svabuddhimukure tava || 3 ||
[Analyze grammar]

bhagavadvyāsaputrasya śukasyeva matistava |
viśrāntimātramevāntarjñātajñeyāpyapekṣate || 4 ||
[Analyze grammar]

śrīrāma uvāca |
bhagavadvyāsaputrasya śukasya bhagavankatham |
jñeye'pyādau na viśrāntaṃ viśrāntaṃ ca dhiyā punaḥ || 5 ||
[Analyze grammar]

viśvāmitra uvāca |
ātmodantasamaṃ rāma kathyamānamidaṃ mayā |
śrṛṇu vyāsātmajodantaṃ janmanāmantakāraṇam || 6 ||
[Analyze grammar]

yo'yamañjanaśailābho niviṣṭo hemaviṣṭare |
pārśve tava piturvyāso bhagavānbhāskaradyutiḥ || 7 ||
[Analyze grammar]

asyābhūdinduvadanastanayo nayakovidaḥ |
śuko nāma mahāprājño yajño mūrtyeva susthitaḥ || 8 ||
[Analyze grammar]

pravicārayato lokayātrāmalamimāṃ hṛdi |
taveva kila tasyāpi viveka udbhūdayam || 9 ||
[Analyze grammar]

tenāsau svavivekena svayameva mahāmanāḥ |
pravicārya ciraṃ cāru yatsatyaṃ tadavāptavān || 10 ||
[Analyze grammar]

svayaṃ prāpte pare vastunyaviśrāntamanāḥ sthitaḥ |
idaṃ vastviti viśvāsaṃ nāsāvātmanyupāyayau || 11 ||
[Analyze grammar]

kevalaṃ virarāmāsya ceto vigatacāpalam |
bhogebhyo bhūribhaṅgebhyo dhārābhya iva cātakaḥ || 12 ||
[Analyze grammar]

ekadā so'malaprajño merāvekāntasusthitam |
papraccha pitaraṃ bhaktyā kṛṣṇadvaipāyanaṃ munim || 13 ||
[Analyze grammar]

saṃsārāḍambaramidaṃ kathamabhyutthitaṃ mune |
kathaṃ ca praśamaṃ yāti kiyatkasya kadeti vā || 14 ||
[Analyze grammar]

iti pṛṣṭena muninā vyāsenākhilamātmaje |
yathāvadamalaṃ proktaṃ vaktavyaṃ viditātmanā || 15 ||
[Analyze grammar]

ā'jñāsiṣaṃ pūrvametadahamityatha tatpituḥ |
sa śukaḥ śubhayā buddhyā na vākyaṃ bahvamanyata || 16 ||
[Analyze grammar]

vyāso'pi bhagavānbuddhavā putrābhiprāyamīdṛśam |
pratyuvāca punaḥ putraṃ nāhaṃ jānāmi tattvataḥ || 17 ||
[Analyze grammar]

janako nāma bhūpālo vidyate vasudhātale |
yathāvadvettyasau vedyaṃ tasmātsarvamavāpsyasi || 18 ||
[Analyze grammar]

pitretyukte śukaḥ prāyātsumerorvasudhātale |
videhanagarīṃ prāpa janakenābhipālitām || 19 ||
[Analyze grammar]

āvedito'sau yāṣṭīkairjanakāya mahātmane |
dvāri vyāsasuto rājañśuko'tra sthitavāniti || 20 ||
[Analyze grammar]

jijñāsārthaṃ śukasyāsāvāstāmevetyavajñayā |
uktvā babhūva janakastūṣṇīṃ sapta dinānyatha || 21 ||
[Analyze grammar]

tataḥ praveśayāmāsa janakaḥ śukamaṅgaṇam |
tatrāhāni sa saptaiva tathaivāvasadunmanāḥ || 22 ||
[Analyze grammar]

atha praveśayāmāsa janako'ntaḥpuraṃ śukam |
rājā na dṛśyate tāvaditi sapta dināni ca || 23 ||
[Analyze grammar]

tatronmadābhiḥ kāntābhirbhojanairbhogasaṃcayaiḥ |
janako lālayāmāsa śukaṃ śaśisamānanam || 24 ||
[Analyze grammar]

te bhogāstāni duḥkhāni vyāsaputrasya tanmanaḥ |
nājahnurmandapavanā baddhapīṭhamivācalam || 25 ||
[Analyze grammar]

kevalaṃ susamaḥ svastho maunī muditamānasaḥ |
atiṣṭhatsa śukastatra saṃpūrṇa iva candramāḥ || 26 ||
[Analyze grammar]

parijñātasvabhāvaṃ taṃ śukaṃ sa janako nṛpaḥ |
ānītaṃ muditātmānamavalokya nanāma ha || 27 ||
[Analyze grammar]

niḥśeṣitajagatkāryaṃ prāptākhilamanoratha |
kimīpsitaṃ tavetyāśu kṛtasvāgatamāha tam || 28 ||
[Analyze grammar]

śrīśuka uvāca |
saṃsārāḍambaramidaṃ kathamabhyutthitaṃ guro |
kathaṃ praśamamāyāti yathāvatkathayāśu me || 29 ||
[Analyze grammar]

viśvāmitra uvāca |
janakeneti pṛṣṭena śukasya kathitaṃ tadā |
tadeva yatpurā proktaṃ tasya pitrā mahātmanā || 30 ||
[Analyze grammar]

śrīśuka uvāca |
svayameva mayā pūrvametajjñātaṃ vivekataḥ |
etadeva ca pṛṣṭena pitrā me samudāhṛtam || 31 ||
[Analyze grammar]

bhavatāpyeṣa evārthaḥ kathito vāgvidāṃ vara |
eṣa eva ca vākyārthaḥ śāstreṣu paridṛśyate || 32 ||
[Analyze grammar]

yathāyaṃ svavikalpotthaḥ svavikalpaparikṣayāt |
kṣīyate dagdhasaṃsāro niḥsāra iti niścayaḥ || 33 ||
[Analyze grammar]

tatkimetanmahābāho satyaṃ brūhi mamācalam |
tvatto viśrāntimāpnomi cetasā bhramatā jagat || 34 ||
[Analyze grammar]

janaka uvāca |
nātaḥ parataraḥ kaścinniścayo'styaparo mune |
svayameva tvayā jñātaṃ gurutaśca punaḥ śrutam || 35 ||
[Analyze grammar]

avicchinnacidātmaikaḥ pumānastīha netarat |
svasaṃkalpavaśādbaddho niḥsaṃkalpaśca mucyate || 36 ||
[Analyze grammar]

tena tvayā sphuṭaṃ jñātaṃ jñeyaṃ yasya mahātmanaḥ |
bhogebhyo viratirjātā dṛśyātprāksakalādiha || 37 ||
[Analyze grammar]

tava bāla mahāvīra matirviratimāgatā |
bhogebhyo dīrgharogebhyaḥkimanyacchrotumicchasi || 38 ||
[Analyze grammar]

na tathā pūrṇatā jātā sarvajñānamahānidheḥ |
tiṣṭhatastapasi sphāre pitustava yathā tava || 39 ||
[Analyze grammar]

vyāsādadhika evāhaṃ vyāsaśiṣyo'si tatsutaḥ |
bhogecchātānaveneha matto'pyatyadhiko bhavān || 40 ||
[Analyze grammar]

prāptaṃ prāptavyamakhilaṃ bhavatā pūrṇacetasā |
na dṛśye patasi brahmanmuktastvaṃ bhrāntimutsṛja || 41 ||
[Analyze grammar]

anuśiṣṭaḥ sa ityevaṃ janakena mahātmanā |
atiṣṭhatsa śukastūṣṇīṃ svacche paramavastuni || 42 ||
[Analyze grammar]

vītaśokabhayāyāso nirīhaśchinnasaṃśayaḥ |
jagāma śikharaṃ meroḥ samādhyarthamaninditam || 43 ||
[Analyze grammar]

tatra varṣasahasrāṇi nirvikalpasamādhinā |
daśa sthitvā śaśāmāsāvātmanyasnehadīpavat || 44 ||
[Analyze grammar]

vyapagatakalanākalaṅkaśuddhaḥ svayamamalātmani pāvane pade'sau |
salilakaṇa ivāmbudhau mahātmā vigalitavāsanamekatāṃ jagāma || 45 ||
[Analyze grammar]

Other editions:

Also see the following editions of the Sanskrit text or (alternative) English translations of the Yoga Vasistha Chapter I

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: