Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XXIV

< Previous

Next >

śrīrāma uvāca |
asyoḍḍāmaralīlasya dūrāstasakalāpadaḥ |
saṃsāre rājaputrasya kālasyākalitaujasaḥ || 1 ||
[Analyze grammar]

asyaivācarato dīnairmugdhairbhūtamṛgabrajaiḥ |
ākheṭakaṃ jarjarite jagajjaṅgalajālake || 2 ||
[Analyze grammar]

ekadeśollasaccāruvaḍavānalapaṅkajā |
krīḍāpuṣkariṇī ramyā kalpakālamahārṇavaḥ || 3 ||
[Analyze grammar]

kaṭutiktāmlabhūtādyaiḥ sadadhikṣīrasāgaraiḥ |
taireva taiḥ paryuṣitairjagadbhiḥ kalvavartanam || 4 ||
[Analyze grammar]

caṇḍī caturasaṃcārā sarvamātṛgaṇānvitā |
saṃsāravanavinyastā vyāghrī bhūtaughaghātinī || 5 ||
[Analyze grammar]

jñadhvī karatale jñathvī pānapātrī rasānvitā |
kamalotpalakahlāralolajālakamālitā || 6 ||
[Analyze grammar]

virāvī vikaṭāsphoṭo nṛsiṃho bhujapañjare |
saṭāvikaṭapīnāṃsaḥ kṛtaḥ krīḍāśakuntakaḥ || 7 ||
[Analyze grammar]

alābuvīṇāmadhuraḥ śaradvyomalasacchaviḥ |
devaḥ kila mahākālo līlākokilabālakaḥ || 8 ||
[Analyze grammar]

ajasrasphūrjitākāro vāntaduḥkhaśarāvaliḥ |
abhāvanāmakodaṇḍaḥ parisphurati sarvataḥ || 9 ||
[Analyze grammar]

anuttamastvadhikavilāsapaṇḍito bhramaccalanparivilasanvidārayan |
jarajjagajjanitavilolamarkaṭaḥ parisphuradvapuriha kāla īhate || 10 ||
[Analyze grammar]