Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter XIII

trayodaśaḥ sargaḥ śrīrāma uvāca |
iyamasminsthitodārā saṃsāre parikalpitā |
śrīrmune parimohāya sāpi nūnaṃ kadarthadā || 1 ||
[Analyze grammar]

ullāsabahulānantakallolānalamākulān |
jaḍānpravahati sphārānprāvṛṣīva taraṅgiṇī || 2 ||
[Analyze grammar]

cintāduhitaro bahvayo bhūridurlalitaidhitāḥ |
cañcalāḥ prabhavantyasyāstaraṅgāḥ sarito yathā || 3 ||
[Analyze grammar]

eṣā hi padamekatra na nibadhnāti durbhagā |
dagdhevāniyatācāramitaścetaśca dhāvati || 4 ||
[Analyze grammar]

janayantī paraṃ dāhaṃ parāmṛṣṭāṅgikā satī |
vināśameva dhatte'ntardīpalekheva kajjalam || 5 ||
[Analyze grammar]

guṇāguṇavicāreṇa vinaiva kila pārśvagam |
rājaprakṛtivanmūḍhā durārūḍhā'valambate || 6 ||
[Analyze grammar]

karmaṇā tenatenaiṣā vistāramanugacchati |
doṣāśīviṣavegasya yatkṣīraṃ vistarāyate || 7 ||
[Analyze grammar]

tāvacchītamṛdusparśāḥ pare sve ca jane janāḥ |
vātyayeva himaṃ yāvacchriyā na paruṣīkṛtāḥ || 8 ||
[Analyze grammar]

prājñāḥ śūrāḥ kṛtajñāśca peśalā mṛdavaśca ye |
pāṃsumuṣṭyeva maṇayaḥ śriyā te malinīkṛtāḥ || 9 ||
[Analyze grammar]

na śrīḥ sukhāya bhagavanduḥkhāyaiva hi vardhate |
guptā vināśanaṃ dhatte mṛtiṃ viṣalatā yathā || 10 ||
[Analyze grammar]

śrīmānajananindyaśca śūraścāpyavikatthanaḥ |
samadṛṣṭiḥ prabhuścaiva durlabhāḥ puruṣāstrayaḥ || 11 ||
[Analyze grammar]

eṣā hi viṣamā duḥkhabhogināṃ gahanā guhā |
ghanamohagajendrāṇāṃ vindhyaśailamahātaṭī || 12 ||
[Analyze grammar]

satkāryapadmarajanī duḥkhakairavacandrikā |
sudṛṣṭidīpikāvātyā kallolaughataraṅgiṇī || 13 ||
[Analyze grammar]

saṃbhramābhrādipadavī viṣādaviṣavardhinī |
kedārikā vikalpānāṃ khedāyabhayabhoginī || 14 ||
[Analyze grammar]

himaṃ vairāgyavallīnāṃ vikārolūkayāminī |
rāhudaṃṣṭrā vivekendoḥ saujanyāmbhojacandrikā || 15 ||
[Analyze grammar]

indrāyudhavadālolanānārāgamanoharā |
lolā taḍidivotpannadhvaṃsinī ca jaḍāśrayā || 16 ||
[Analyze grammar]

cāpalāvajitāraṇya nakulī nakulīnajā |
vipralambhanatātparyajitogramṛgatṛṣṇikā || 17 ||
[Analyze grammar]

laharīvaikarūpeṇa padaṃ kṣaṇamakurvatī |
calā dīpaśikhevātidurjñeyagatigocarā || 18 ||
[Analyze grammar]

siṃhīva vigrahavyagrakarīndrakulapothinī |
khaḍgadhāreva śiśirā tīkṣṇatīkṣṇāśayāśrayā || 19 ||
[Analyze grammar]

nānayāpahṛtārthinyā durādhiparilīnayā |
paśyāmyabhavyayā lakṣmyā kiṃcidduḥkhādṛte sukham || 20 ||
[Analyze grammar]

dūreṇotsāritā'lakṣmyā punareva samādarāt |
aho batāśliṣyatīva nirlajjā durjanā sadā || 21 ||
[Analyze grammar]

manoramā karṣati cittavṛttiṃ kadarthasādhyā kṣaṇabhaṅgurā ca |
vyālāvalīgātravivṛttadehā śvabhrotthitā puṣpalateva lakṣmīḥ || 22 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter XIII

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: