![Yoga Vasistha [sanskrit] - book cover](/uploads/a/Yoga-Vasistha.jpg)
Yoga Vasistha [sanskrit]
223,437 words | ISBN-10: 8171101519
The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.
Chapter V
śrīvālmīkiruvāca |
athonaṣoḍaśe varṣe vartamāne raghūdvahe |
rāmānuyāyini tathā śatrughne lakṣmaṇe'pi ca || 1 ||
[Analyze grammar]
bharate saṃsthite nityaṃ mātāmahagṛhe sukham |
pālayatyavaniṃ rājñi yathāvadakhilābhimām || 2 ||
[Analyze grammar]
janyatrārthaṃ ca putrāṇāṃ pratyahaṃ saha mantribhiḥ |
kṛtamantre mahāprājñe tajjñe daśarathe nṛpe || 3 ||
[Analyze grammar]
kṛtāyāṃ tīrthayātrāyāṃ rāmo nijagṛhe sthitaḥ |
jagāmānudinaṃ kārśyaṃ śaradīvāmalaṃ saraḥ || 4 ||
[Analyze grammar]
kumārasya viśālākṣaṃ pāṇḍutāṃ mukhamādade |
pākaphulladalaṃ śuklaṃ sālimālamivāmbujam || 5 ||
[Analyze grammar]
kapolatalasaṃlīnapāṇiḥ padmāsanasthitaḥ |
cintāparavaśastūṣṇīmavyāpāro babhūva ha || 6 ||
[Analyze grammar]
kṛśāṅgaścintayā yuktaḥ khedī paramadurmanāḥ |
novāca kasyacitkiṃcillipikarmārpitopamaḥ || 7 ||
[Analyze grammar]
khedātparijanenāsau prārthyamānaḥ punaḥ punaḥ |
cakārāhnikamācāraṃ parimlānamukhāmbujaḥ || 8 ||
[Analyze grammar]
evaṃguṇaviśiṣṭaṃ taṃ rāmaṃ guṇagaṇākaram |
ālokya bhrātarāvasya tāmevāyayaturdaśām || 9 ||
[Analyze grammar]
tathā teṣu tanūjeṣu khedavatsu kṛśeṣu ca |
sapatnīko mahīpālaścintāvivaśatāṃ yayau || 10 ||
[Analyze grammar]
kā te putra ghanā cintetyevaṃ rāmaṃ punaḥ punaḥ |
apṛcchatsnigdhayā vācā naivākathayadasya saḥ || 11 ||
[Analyze grammar]
na kiṃcittāta me duḥkhamityuktvā pituraṅkagaḥ |
rāmo rājīvapatrākṣastūṣṇīmeva sma tiṣṭhati || 12 ||
[Analyze grammar]
tato daśaratho rājā rāmaḥ kiṃ khedavāniti |
apṛcchatsarvakāryajñaṃ vasiṣṭhaṃ vadatāṃ varam || 13 ||
[Analyze grammar]
ityuktaścintayitvā sa vasiṣṭhamuninā nṛpaḥ |
astyatra kāraṇaṃ śrīmanmā rājanduḥkhamastu te || 14 ||
[Analyze grammar]
kopaṃ viṣādakalanāṃ vitataṃ ca harṣaṃ nālpena kāraṇavaśena vahanti santaḥ |
sargeṇa saṃhṛtijavena vinā jagatyāṃ bhūtāni bhūpa na mahānti vikāravanti || 15 ||
[Analyze grammar]
Other editions:
Also see the following editions of the Sanskrit text or (alternative) English translations of the Yoga Vasistha Chapter V
Yoga Vasistha English (four volumes)
by Vihari-Lala Mitra (1891)
Yoga Vasistha Maha Ramayana (Gujarati)
by Sahitya Sangam, Allahabad (0)
[યોગ વસિષ્ઠએ] 9788192776460.
Buy now!
Vasishtha Rama Samvadam (Telugu)
by Ramakrishna Math, Hyderabad (2019)
Set of 4 Volumes; 9789383972142.
Buy now!
The Yogavasistha (Hindi translation)
by Khemraj Shrikrishnadass (2009)
Set of 2 Volumes; Khemraj Edition.
Buy now!