Yoga Vasistha [sanskrit]

223,437 words | ISBN-10: 8171101519

The Sanskrit edition of the Yoga-vasistha including English translation and grammatical analysis. The Yogavasistha is a Hindu spiritual text written by Valmiki (who also authored the Ramayana) dealing with the philosophical topics from the Advaita-vedanta school. Chronologically it precedes the Ramayana.

Chapter II

divi bhūmau tathākāśe bahirantaśca me vibhuḥ |
yo vibhātyavabhāsātmā tasmai sarvātmane namaḥ || 1 ||
[Analyze grammar]

vālmīkiruvāca |
ahaṃ baddho vimuktaḥ syāmiti yasyāsti niścayaḥ |
nātyantamajño nota jñaḥ so'smiñchāstre'dhikāravān || 2 ||
[Analyze grammar]

kathopāyānvicāryādau mokṣopāyānimānatha |
yo vicārayati prājño na sa bhūyo'bhijāyate || 3 ||
[Analyze grammar]

asminrāmāyaṇe rāmakathopāyānmahābalān |
etāṃstu prathamaṃ kṛtvā purāhamarimardana || 4 ||
[Analyze grammar]

śiṣyāyāsmi vinītāya bharadvājāya dhīmate |
ekāgro dattavāṃstasmai maṇimabdhirivārthine || 5 ||
[Analyze grammar]

tata ete kathopāyā bharadvājena dhīmatā |
kasmiṃścinmerugahane brahmaṇo'gra udāhṛtāḥ || 6 ||
[Analyze grammar]

athāsya tuṣṭo bhagavānbrahmā lokapitāmahaḥ |
varaṃ putra gṛhāṇeti tamuvāca mahāśayaḥ || 7 ||
[Analyze grammar]

bharadvāja uvāca |
bhagavanbhūtabhavyeśa varo'yaṃ me'dya rocate |
yeneyaṃ janatā duḥkhānmucyate tadudāhara || 8 ||
[Analyze grammar]

śrībrahmovāca |
guruṃ vālmīkimatrāśu prārthayasva prayatnataḥ |
tenedaṃ yatsamārabdhaṃ rāmāyaṇamaninditam || 9 ||
[Analyze grammar]

tasmiñchrute naro mohātsamagrātsaṃtariṣyati |
setunevāmbudheḥ pāramapāraguṇaśālinā || 10 ||
[Analyze grammar]

śrīvālmīkiruvāca |
ityuktvā sa bharadvājaṃ parameṣṭhī madāśramam |
abhyāgacchatsamaṃ tena bharadvājena bhūtakṛt || 11 ||
[Analyze grammar]

tūrṇaṃ saṃpūjito devaḥ so'rghyapādyādinā mayā |
avocanmāṃ mahāsattvaḥ sarvabhūtahite rataḥ || 12 ||
[Analyze grammar]

rāmasvabhāvakathanādasmādvaramune tvayā |
nodvegātsa parityājya āsamāpteraninditāt || 13 ||
[Analyze grammar]

granthenānena loko'yamasmātsaṃsārasaṃkaṭāt |
samuttariṣyati kṣipraṃ potenevāśu sāgarāt || 14 ||
[Analyze grammar]

vaktuṃ tadevamevārthamahamāgatavānayam |
kuru lokahitārthaṃ tvaṃ śāstramityuktavānajaḥ || 15 ||
[Analyze grammar]

mama puṇyāśramāttasmātkṣaṇādantarddhimāgataḥ |
muhūrtābhyutthitaḥ proccaistaraṅga iva vāriṇaḥ || 16 ||
[Analyze grammar]

tasminprayāte bhagavatyahaṃ vismayamāgataḥ |
punastatra bharadvājamapṛcchaṃ svasthayā dhiyā || 17 ||
[Analyze grammar]

kimetadbrahmaṇā proktaṃ bharadvāja vadāśu me |
ityuktena punaḥ proktaṃ bharadvājena tena me || 18 ||
[Analyze grammar]

bharadvāja uvāca |
etaduktaṃ bhagavatā yathā rāmāyaṇaṃ kuru |
sarvalokahitārthāya saṃsārārṇavatārakam || 19 ||
[Analyze grammar]

mahyaṃ ca bhagavanbrūhi kathaṃ saṃsārasaṃkaṭe |
rāmo vyavahṛto hyasminbharataśca mahāmanāḥ || 20 ||
[Analyze grammar]

śatrughno lakṣmaṇaścāpi sītā cāpi yaśasvinī |
rāmānuyāyinaste vā mantriputrā mahādhiyaḥ || 21 ||
[Analyze grammar]

nirduḥkhitāṃ yathaite nu prāptāstadbrūhi me sphuṭam |
tathaivāhaṃ bhaviṣyāmi tato janatayā saha || 22 ||
[Analyze grammar]

bharadvājena rājendra vadetyukto'smi sādaram |
tadā kartuṃ vibhorājñāmahaṃ vaktuṃ pravṛttavān || 23 ||
[Analyze grammar]

śṛṇu vatsa bharadvāja yathāpṛṣṭaṃ vadāmi te |
śrutena yena saṃmohamalaṃ dūre kariṣyasi || 24 ||
[Analyze grammar]

tathā vyavahara prājña yathā vyavahṛtaḥ sukhī |
sarvāsaṃsaktayā buddhyā rāmo rājīvalocanaḥ || 25 ||
[Analyze grammar]

lakṣmaṇo bharataścaiva śatrughnaśca mahāmanāḥ |
kausalyā ca sumitrā ca sītā daśarathastathā || 26 ||
[Analyze grammar]

kṛtāstraścā'virodhaśca bodhapāramupāgatāḥ |
vasiṣṭho vāmadevaśca mantriṇo'ṣṭau tathetare || 27 ||
[Analyze grammar]

dhṛṣṭirjayanto bhāsaśca satyo vijaya eva ca |
vibhīṣaṇaḥ suṣeṇaśca hanumānindrajittathā || 28 ||
[Analyze grammar]

ete'ṣṭau mantriṇaḥ proktāḥ samanīrāgacetasaḥ |
jīvanmuktā mahātmāno yathāprāptānuvartinaḥ || 29 ||
[Analyze grammar]

etairyathā hutaṃ dattaṃ gṛhītamuṣitaṃ smṛtam |
tathā cedvartase putra mukta evāsi saṃkaṭāt || 30 ||
[Analyze grammar]

apārasaṃsārasamudrapātī labdhvā parāṃ yuktimudārasattvaḥ |
na śokamāyāti na dainyameti gatajvarastiṣṭhati nityatṛptaḥ || 31 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Yoga Vasistha Chapter II

Cover of edition (1891)

Yoga Vasistha English (four volumes)
by Vihari-Lala Mitra (1891)

Buy now!
Cover of Gujarati edition

Yoga Vasistha Maha Ramayana (Gujarati)
by Sahitya Sangam, Allahabad (0)

[યોગ વસિષ્ઠએ] 9788192776460.

Buy now!
Cover of edition (2019)

Vasishtha Rama Samvadam (Telugu)
by Ramakrishna Math, Hyderabad (2019)

Set of 4 Volumes; 9789383972142.

Buy now!
Cover of edition (2009)

The Yogavasistha (Hindi translation)
by Khemraj Shrikrishnadass (2009)

Set of 2 Volumes; Khemraj Edition.

Buy now!
Like what you read? Consider supporting this website: